01 April 2014
08:13 - Абдураҳим Пўлат АҚШда ўртамиёна операция қилинди
Кеча АҚШ пойтахти Вашингтоннинг ёнидаги шаҳарчалардан бирининг касалхонасида “Бирлик” Халқ Ҳаракати Партиясининнг раиси Абдураҳим Пўлат ўртамиёна хирургик амалиёт/операция қилинди. Тўла наркоз остида ўтказилган 1,5 соатлик амалиёт ва яна бир неча соатлик реабилитация тадбирларидан кейин бугун-эрта автомобиль ҳайдамаслик ва бир неча кун уйда дам олиш шарти билан у оила аъзоларига топширилди. Маҳаллий вақт билан кечқурун уйига келди.

Мухбиримиз билан телефонда гаплашган Абдураҳим Пўлатнинг айтишича, кесилган жойда оғриқ бор бўлишига қарамасдан, у ўзини яхши ҳис этмоқда ва докторларнинг таълимоти бўйича камида 2-3 кун уйида, кўпроқ кўрпа-тўшакда дам олади.

Ҳеч кимни ортиқча безовта қилмаслик учун, тайёрланаётган амалиёт ҳақида унинг турмуш ўртоғи, ўғли ва қизидан бошқа ҳеч ким хабардор қилинмаган.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону