10 March 2014
18:42 - Украина Бош вазирининг АҚШ Президенти билан учрашуви ва БМТнинг Хавфсизлик Кенгашида чиқиши кутилмоқда
Россия Қримни босиб олиш жараёнини тезлаштирар экан, Ғарб Россияни бу йўлдан қайтариш мақсадида унга мисли кўрилмаган босимлар ўтказмоқда. Ростдан ҳам мисли кўрилмаган. Ич-ичидан титраётган Путин ўзини ҳеч нарсага қарамасдан ишини охирига етказадиган лидер қилиб кўрсатиш билан овора. Бу ишнинг бадали Россия учун оғир бўлади, тўғрироғи, Россия Федерацияси худди СССР каби парчаланиб кетади.

Хабаримизнинг сарлавҳасида айтилганидек, Украина Бош вазири Арсений Яценюкнинг АҚШга таклиф қилиниши ва 12 март куни Президент Обама билан учрашуви, 13 мартда эса, БМТ Хавфсизлик Кенгашининг мажлисида чиқиши режалаштирилгани - Россияга қарши қилинаётган босимнинг қисмларидир.

Россия ҳам бир нарсалар қилиб ётибди. Рус армияси секин-аста Қримнинг ҳамма ҳудудларини назорат остига олмоқда. Авваллари ҳам кўп марта урғулаганимиздек, Путиннинг ҳозирги босқичда Қримни босиб олишга кучи етади. Аммо, у ҳамма диктаторлар каби узоқни кўра билмаяпти.

Расмда - Арсений Яценюк.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону