Дарвоқе, шундай , дейди мухбиримиз. Иқтисодиётни чўктириш орқали миллатга кулфат келтираётган, оилаларнинг қашшоқлашуви туфайли болаларни дардман қилаётган Ислом Карим Жанубий Корея томонидан ажратилаётган 103 миллон АҚШ долларига поссовет мамлакатлари орасида ўхшаши бўлмаган, халқаро стандартлар бўйича тўртинчи даражали шифохона қурмоқчи. Мазкур махсус болалар шифохонасининг қулайликлари ҳақида маҳаллий матбуот тинмай ёзиб ётибди.

Бу кредит Жанубий Кореянинг Иқтисодий Ривожланиш ва Ҳамкорлик Жамғармаси томонидан 40 йил муддатга берилади. Демак, касалдан даволанган болалар тузалиб, ундан кейин Россия ёки Қозоғистонда мардикорлик қилиб, бу қарзни узади.

Касал болаларни тузатиш учун касалхона қурилиши яхши, аммо уларнинг касаллигини олдини олиш учун, авваламбор, Ўзбекистоннинг ботаётган иқтисодини тиклаш, халқни қашшоқликдан чиқариш, болалар тўйиб, соғлиқли овқатлар ейдиган шароит яратиш керак.