15 January 2013
06:11 -
Сўх атрофидаги 5 қирғиз қишлоғида фавқулодда ҳолат эълон қилинди, ҳамма нарса урушга қараб кетмоқда
Марказий Осиёдаги режимларнинг расмий хабарларини тарқатишда ихтисослашган CA-News агентлигининг хабарида айтилишича, Сўх орқали йўллар бекитилгани сабабли, Қиштут, Дара, Сув-Боши, Бирлик, Оқ-Тупроқ қишлоқлари Қирғизистоннинг бошқа ҳудудлари билан алоқа қилолмай қолган. Натижада, у қишлоқларда йўл, электр, сув, мактаб, тиббий хизмат масалаларида муаммолар пайдо бўлган. Уларни ҳал этиш учун Қирғизистон ҳукуматининг Боткен вилояти бўйича вакили Женишбек Разаков бу қишлоқларда фавқулодда ҳолат эълон қилибди. Ҳозир бу қишлоқларга Сўхдан кечмайдиган йўллар қурилаётган эмиш.Қишлоқларга вилоятнинг бошқа ҳудудларида одамлардан тўпланган 160 минг сўмга озиқ-овқат ва бошқа керакли маҳсулотлар олиб келинибди.
Қаранг, ўзбеклар Ўшда тириклайин ёқилганда, минглаб оилалар кўчада қолганда, 30 миллион аҳолиси бўлган Ўзбекистон ҳамма тешикларини қисиб ўтирган, ўз миллатдошларига ёрдам беришни ҳам ўйламаган эди. Аммо, қирғизлар бироз қийинчликка учраган миллатдошларини унутмабдилар.
Аҳвол қанча оғир бўлмасин, келажакка очиқ қараш керак. Сўх ва Шоҳимардон Ўзбекистондан айрилган ҳолда яшай олмайди. Энг самарали йўл – чегараларни қайтадан кўриб чиқиш, Ўзбекистоннинг ҳамма минтақалари ягона ҳудудда бўлишини таъминлашдир. Қирғизлар Ўшдан ўзбекларни сиқиб чиқариш сиёсатидан тезроқ воз кечмаса, катта уруш чиқишининг эҳтимоллиги кун сайин ортиб бормоқда.
