15 January 2013
01:52 - Ўзбекистонда авиачипталар нархи ошди
“Ўзбекистон ҳаво йўллари” ширкати барча йўналишдаги авиақатновлар учун чипта нархини 20 фоизга оширди. Ҳолбуки, Янги йил байрами арафасида компания айрим маҳаллий рейслар учун чипталарни арзонлаштирган, хусусан, Самарқанд, Наманган, Фарғона, Андижон шаҳарларига бир томонлама парвоз учун арзонлаштирилган чипталар жорий қилганди.

Нарх оширилиши борасида ҳеч бир изоҳ бермаган авиакомпания шундоғам қиммат бўлган, оддий ўзбекистонликнинг чўнтаги кўтармайдиган нархлар билан йўловчиларга ноқулайлик яратди. Шунга қарамай монополистик бўлган компаниянинг 2012 йилнинг 9 ойи мобайнида хорижга йўловчи ташиш ҳажми 6,5 фоизга, МДҲ мамлакатларига йўловчи ташиш 17,1 фоизга, мамлакат ичида йўловчи ташиш эса 16,4 фоизга ошган.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону