22 December 2012
04:21 -
Фуҳуша Президент бўлмоқчи, буни яширмаяпти
Фонд Форумнинг ҳисобот анжуманида журналистлар саволларига жавоб берган Гулнора Карим келгусида президентликка номзодини қўйиши эҳтимолини рад қилмади. РИА Новости ахборот агентлиги мухбирининг “Ўзингизни Ўзбекистоннинг потенциал президенти президенти сифатида кўрасизми?”, деган саволига Фуҳуша “Амбицияли ҳамда мияси жойида ва интилувчан ҳар бир одам потенциал давлат раҳбари бўлиши мумкин”, деб жавоб қайтарди ва ўз фикрини отаси мисолида изоҳлади. Яъни, Ислом Каримнинг қашшоқ ва кўп болали оиладан чиққани, фаолияти давомида жиддий ютуқларга эришиб, шу поғонагача келганини таъкидлади.Журналистлар саволни конкретроқ қўйди, яъни “Сиз Президент бўласизми?” деган саволга Фуҳушамиз "Худони кулдирмоқчи бўлсанг, беш дақиқадан кейин нима қилишингни айт" деди. Фуҳуша Худони кулдирмади, аммо унинг сўзларидан Режимбоши-2 бўлишга иштиёқи борлиги кўринди.
Ислом Карим буни истаса, Фуҳуша президент бўлади ҳам, ҳеч ким қаршилик қилмайди. Мамлакатнинг ва миллатнинг ҳозирги аҳволи шунақа.
