18 November 2012
03:32 -
Туркия Бош вазири ўлдирилган араб болалари учун Исроилдан ҳисоб сўрамоқчи, ўзбекларни тириклайин ёққан қирғиз фашистларидан ҳам ҳисоб сўрайдими?
Бир неча кундан бери Исроил ва ХАМАС назорати остидаги Ғазо ўртасида ростакам уруш кетмоқда. Ғарбнинг фикрича, урушни ХАМАС бошлади, Исроил жавоб бермоқда. Икки тарафдан ҳам ўлган ва ярадор бўлганлар бор. Жаҳон агентликларининг хабарига кўра, 3 исроилли, 20 атрофида филистинли ҳалок бўлди, ўлган араблар ичида ёш болалар ҳам бор.Ҳар қандай қон тўкилиши қораланиши керак, ҳар бир ҳақиқий инсон буни қораламоқда ҳам. Бугун Туркия Бош вазири Ражаб Эрдўғон Қоҳира Университети талабалари олдида нутқ сўзлаб, уларга Туркия халқининг саломларини етказиш билан бир қаторда, Исроилни қон тўкишда айблаб қоралади, хусусан, шундай деди: “Эртами ё кеч маъсум болакайларнинг қони учун мутлақо ва мутлақо ҳисоб сўралади”. Унинг сўзлари олқишларга кўмилганини айтиб ўтиришга ҳам ҳожат бўлмаса керак.
Туркиядек мамлакатнинг Бош вазир бошқа бир мамлакатда тўкилаётган қон учун қайғураётгани ростдан ҳам олқишга сазовор.
Аммо, 2010 июнь ойида қирғиз фашистлари ҳукуматнинг ёрдамида, ҳукумат берган қуроллардан фойдаланиб, ўзбекларни қирғин қилишганда ва Ўзбекни тириклайин ёқишганда, Туркия лидерлари суст қолгани ҳам ҳақиқат.
Филистинда одамларнинг ўлдирилгани ҳақидаги хабарлар фақат матбуот тарафидан тасдиқланди. Ўзбекнинг қирғин қилиниши Халқаро Мустақил Комиссия тарафидан тасдиқланганда ҳам Туркия жим қолган эди.
Ражаб Эрдўғоннинг бугунги сўзлари кўрсатмоқдаки, эртами кеч вақти келиб, Ўзбек халқи аввал Ўзбекистондаги ўзбек душманлари режимини йўқ қилгандан кейин, қирғиз фашитларидан ҳисоб сўраганда, Ражаб Эрдўғон ҳисоб сўровчилар билан, яъни ўзбеклар билан бирга бўлади, қирғизлардан ҳисоб сўрайди.
