09 November 2012
22:36 -
Ўшда 3,5 минг оилага ер берилибди, уларнинг ичида ўзбеклар борми, бор бўлса қанча?
Расмий хабарларга кўра, Қирғизистон Бош вазири Жанторо Сатибалдиев кечадан бери Ўш вилоятини кезмоқда. Кеча у қирғиз фашистларининг лидери, Ўш ҳокими Мелис Мирзакматов билан биргаликда Кенсой массивида 2011 йилдан бери 3,5 минг оилага ер берилган жойларни бориб кўрибди.Хабарларда бу оилаларнинг қанчаси қирғиз, қанчаси ўзбек ва қaнчаси бошқа миллат вакиллари эканлиги айтилмайди. Аммо, Қирғизистон раҳбарларининг мустақиллик йилларида олиб бораётган сиёсатидан келиб чиқиб тахмин қилиш мумкинки, уларнинг орасида ўзбеклар йўқ ҳисоб. Ўзбекларни Ўшдан сиқиб чиқариш давом этмоқда.
Мутлақо уюшмаган ўзбеклар ҳозир давлатнинг фашистик сиёсатига қарши туришга қодир эмас. Ўзбек жамоасига лидерлик қилишга ҳаракат қилган лидерчалар ҳам ўз чўнтагидан бошқа нарсани ўйламайдиган одамлар бўлиб чиқди.
Расмга қаранг. Кўпчилик бош кийимисз бўлганидан тушуниш мумкинки, ҳаво унчалик совуқ ҳам эмас. Аммо, Бош вазир Жанторо Сатибалдиевнинг намойишкорона қирғиз қалпоғини кийиб олганига эътибор беринг. Бу тасодифми? У ҳар доим, Бишкекда ҳам, шундай қалпоқда юрадими? Табиий, йўқ. Мақсади – бу ернинг тарихий эгалари ўзбекларга бугун ким хўжайин эканлигини кўрсатиб қўйиш.
Миллат сифатини йўқотган ўзбек қайтадан оёққа турмаса, ичидаги хоин-ҳаромийлардан тозланиш механизмларини яратмаса, унинг келажаги йўқ.
