05 October 2012
21:28 -
Муҳим янгилик, сенсация: Ислом Карим раҳнамолигида анор пишди
Ўзбекистондек давлатнинг расмий хабар агентлиги ЎзА бугун “Муҳим янгиликлар” бўлимида шуни хабар қилди.Сенсация сифатидаги хабарда айтилишича, Президентимизнинг 2006 йил 9 январда қабул қилинган “Мева-сабзавотчилик ва узумчилик соҳасида иқтисодий ислоҳотларни чуқурлаштириш чора-тадбирлари тўғрисида”ги фармони асосида Қашқадарё вилояти Китоб туманида иш олиб бораётган “Муҳаммдалиев Азамат Жалол ўғли” фермер хўжалигида анор пишибди. 9,15 гектар майдонда 6 тонна анор етиштирилармиш.
Қаранг, дунёда, хусусан, Ўзбекистонда нималар бўлаяпти, биз эса “Мева-сабзавотчилик ва узумчилик соҳасида иқтисодий ислоҳотларни чуқурлаштириш” каби аҳмоқона нарсалар ва анор майдонининг 9 эмас, 9,15 гектар эканлигини урғулаш каби майда-чуйда нарсалар билан оворамиз.
Ҳақиқатда, Ўзбекнинг аҳволини кўрсатувчи навбатдаги сенсация.
Ростданам навбатаги сенсация. Бошқалари ҳам йўқ эмас. Маслан, бундан бир неча йил илгани “Эрк” партияси ҳаромийлар фракциясининг шу номли газетасида эълон қилинган партия программасида “асаларичиликка эътибор кучайтирилиши” урғуланганди. Тағинам бир газета чиқаришни ҳам эплай олмай, уни тўхтатдилар, акс ҳолда, “Эрк”нинг программасидан руҳланиб кетган қайсидир фермер фалон коса асал етиштиргани ҳақида хабарлар чиқарилган бўларди.
