14 July 2012
12:30 - АҚШ Президентини ўлдириш ниятида бўлган ўзбек 15 йилга қамалди
Улуғбек Қодиров исмли 22 ёшдаги йигит АҚШга 2009 йили ўқиш учун келгач, 2010 йилда нима сабаб биландир визасининг муддати узатилмагани ва ўша пайтдан бери АҚШда нолегал яшаб келаётган бу йигит АҚШ президентини ўлдириш ниятида яширинча ишлаётган хавфсизлик хизмати агентидан пистолет сотиб олаётган пайтда қўлга олинганини 2011 йил 27 июлдаги хабаримизда билдиргандик.

Кеча Улуғбек Қодиров 15 йига қамалгани Ассошиэйтед Пресс агентлиги тарафидан хабар қилинди. У АҚШ Президенти Барак Обамани ўлдириш фитнасида қатнашиш, автоматик қурол сақлаш ва террористларга моддий ёрдам бериш айбларини бўйнига олгани сабабли 15 йилга қамалибди. Айблар бўйинга олинмаса, бутун умрга ҳам қамалиши мумкин эди.

Бу бола касал бўлса керак. Унинг АҚШ президентини ўлдираман деган таҳдидларини ва ҳатто қурол сотиб олишга киришганини бошқача изоҳлаш қийин.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону