23 June 2012
13:31 - Миллат бўлишни ҳеч бўмаса доғистонликлардан ўрганайлик (Тузатилган вариант)
Рус хабар агентликлари “Эхо Кирова” радиосига асосланиб билдиришича, кеча Киров вилоятининг Демьянова қишлоғида шу ердаги дурадгорчилик ширкатинининг доғистонлик эгаси билан икки маҳаллий ўрис ўртасида маиший жанжал чиқибди. У ҳал қилинмагач, қўшни Коми республикасидан 30-40 нафар доғистонлик ўз миллатдошига ёрдамга келибди.

Маҳаллийлар билан доғистонликларнинг тўқнашувини полиция осмонга ўқ отиб тўхтатишга эришибди. Шундай бўлса ҳам, бир неча киши яраланган.

Маҳаллий органлар бу воқеа билан шуғулламоқдалар, улар билан бизнинг ишимиз йўқ, дейди мухбиримиз. Аммо, доғистонликлар ўз миллатдошларига ёрдам бериш учун қўшни минатақадан келиб, бир тўда қорамоллар эмас, бутун миллат эканлигини кўрсатганларига қойил қолишимиз керак.

Биз ўзбеклардан бундай нарсани кутиш мумкинми?

Икки йил аввал қирғиз фашистлари ўзбекларни она юртида тириклайин ёқдилар, ўзбек аёлларини тўдалашиб зўрладилар, ўзбекларни қирғин қилдилар. Жаҳон бўйича нуфузи 30 миллиондан ортиқ бўлган ўзбек миллати овозини ҳам чиқармади.

Маиший конфликтга кирган миллатдошини ҳимоя қилиш учун 30-40 доғистонлик бир неча ўн, балки юз километ наридан ёрдамга келибди. Ўзбекнинг Ўзбек бўлгани учун тириклайин ёқишаётгани, қирғин қилишаётгани кўриб турган ўзбек миллати ҳамма жойини қисиб ўтириш “жасоратини” кўрсатди.

Фақат “Бирлик” Партияси ўзбек миллатининг борлигини кўрсатишга ҳаракат қилди, Ўзбекистон армиясини Қирғизистон жанубига олиб кириш кераклигини гапирди, бошқалар ҳеч бўлмаса уни қўллаб-қувватлашмади. Ўзбекнинг баъзи аҳмоқлари 30 миллионлик миллат эканлигимизни ҳам унутиб, бир ҳовуч қирғиздан бизни қутқаринг дея йиғлаб, БМТга хат ёзишга журъат қилишди, холос. Аслида, бу ҳам миллат сифатини йўқотганимизнинг кўрсатгичи эди.

Қонли воқеалардан кейин Қирғизистонда ўзбекларни хўрлаш, ўзбекнинг миллий ғурурини топташ давом этаверди ва давом этмоқда. “Бирлик” ва “Эзгулик” жамияти фаоллари Қирғизистоннинг Тошкентдаги элчихонаси олдида “Ўзбекларга қарши геноцид тўтатилсин!” шори остида пикет ўтказдилар. Бошқалар жим. Ҳатто, бу пикетчиларга “раҳмат” дейдиган битта Ўзбек топилмади.

Ҳа, ўзбекларнинг аҳволи оғир, миллат сифатини йўқотиб бўлдик. Ўзбекни қайтадан миллат қилиш вазифаси турибди олдимизда. Қийин вазифа.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону