19 June 2012
06:05 -
Мексикада G20 саммити бошланди
Мексиканинг Лос-Кабос шаҳрида иш бошлаган дунёнинг энг кучли 20 мамлакати раҳбарларининг G20 номли саммити кеча иш бошлади. Хабарларга кўра, биринчи кун асосан икки тарафлама учрашувлар бўлган. Бразилия, Россия, Ҳиндистон, Хитой ва Шимолий Африка Жумҳириятларини бирлаштирувчи БРИКС раҳбарлари ҳам баҳона билан мажлисча ўтказиб олибдилар.АҚШ ва Россия президентлари Барак Обама ва Владимир Путиннинг учрашуви бутун дунёнинг диққат марказида бўлди, аммо икки президентнинг матбуот вакиллари олдида гапирган гапларига қараганда, улар бир-бирларига илтифот кўрсатишдан ташқари, бор муаммоларни умумий шаклда муҳокама қилишган. Табиий, журналистларга айтилмаган гаплар ҳам бўлган бўлиши мумкин.
G20га қуйидаги мамлакатлар киради: Австралия, Аргентина, Бразилия, Буюкбритания, Германия, Ҳиндистон, Индонезия, Италия, Канада, Хитой, Жанубий Корея, Мексика, Россия, Саудия Арабистони, АҚШ, Туркия, Франция, Жанубий Африка Жумҳурияти, Япония ва Европа Иттифоқи. Халқаро Валюта Фонди, Европа Марказий Банки, Жаҳон Банки - G20 саммитларининг доимий қатнашчисидир.
1999 йили тузилган G20 мамлакатларида жаҳон Ялпи Ички Маҳсулотининг 85 фоизи ишлаб чиқарилади.
Расмда - G20 саммитининг ўтган йили Франциядаги йиғилиши қатнашчилари.
