26 May 2012
07:07 -
Dow Jones индекси бу ҳафта бироз ўсди
Охирги иш куни кеча тамом бўлган бу ҳафтанинг сўнги тўрт куни озгинадан бўлса ҳам тушиш кузатилди. Аммо, душанба куни бўлган юқорига сакраш ҳамма нарсани қутқарди, десак бўлади. Хуллас, аввалги ҳафтани 12369 да тамомлаган Dow Jones индекси кеча 12455 да қолди. Демак, ҳафталик ўсиш 85 поғона. Охирги ойда бу биринчи марта ўсиш ҳафтаси бўлди.Еропадаги ноаниқлик туфайли Нью-Йорк биржасида юз бераётган беқарорлик яна бир марта кўрсатмоқдаки, Dow Jones индекси фақат АҚШнинг эмас, бутун жаҳоннинг молиявий ва иқтисодий аҳволининг кўрсатгичига айланган.
Ўзбекистон Президенти каби иқтисодни тушунмайдиган одамларгина ўз тўнимизга ўралиб олиб, АҚШ, Россия ва Қозоғистондан ўзбек мардикорлари юбораётган ёрдам билан сув юзида қоламиз деб умид қиладилар. Вақтинча қолиш мумкин, аммо энг яхшиси, тезроқ бозор иқтисодига ўтиш, ўзимизнинг Dow Jones каби индексларимизни киритиб, улар билан яшашга ўрганишдир.
