30 April 2012
18:17 - Эрон Ўзбекистонни доғда қолдириб, тожик ва қирғизларга газ сотмоқчи
Ўзбекистон икки қўшни мамлакат – Тожикистон ва Қирғизистон бизнинг табиий газимизга боғлиқ эканидан фойдаланиб, сўнгги йилларда турли ўйинлар қилаётганини ҳозир ҳамма билади. Энг охирги мисол – ўтган йилнинг сўнгида ва бу йил иккинчи кварталнинг бошида қисқа вақтга бўлса ҳам Тожикистонга уйдирма сабаблар билан газ бермай қўйилганидир. Аммо, қизиғи шу ердаки, ҳамма нарсада ношуд бўлган Ўзбекистон ҳукумати газ ўйинларини ҳам юта олмади. Апрель ойининг иккинчи ярмида Тожикистонга табиий газ беришни давом эттириш масаласида келишилди, аммо газнинг нархи туширилди. Газнинг бир минг кубометри 2011 йил охиригача $311 дан сотилган бўлса, энди $264 дан сотилмоқда.

Бизга бошқа зарбани Эрон берадиганга ўхшайди. Тожик ахборот воситаларининг Tehran Times газетасига асосланиб билдиришича, табиий газ заҳиралари бўйича Россиядан кейин иккинчи ўринда турадиган Эрон - қўшниси Афғонистон, кейин Тожикистон ва Қирғизистон орқали Хитойга борадиган газ қувури қуриш лойиҳасс устида ишламоқда.

Шу йил 26 мартда Душанбеда учрашган Эрон, Тожикистон ва Афғонистон президентлари шу лойиҳа бўйича ҳам шартнома имзолаганлар. Бу лойиҳа амалага оширилса, Тожикистон ва Қирғизистон Ўзбекистоннинг газига муҳтож бўлмай қолади.

Эрон ҳозир бир кеча-кундузда 554 млн кубометр газ ишлаб чиқармоқда. Ўтган йили газнинг экспорти 10,5% кўпайиб, 7,6 млрд кубометрга чиққан.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону