26 September 2004
03:00 - 23:00 - Нарпайда хоким алмашди 21:00 - Бирин-кетин прокурорлар ишдан кетмокда 16:00 - Бегали Косимов вафот этди
23:00 - Нарпайда хоким алмашди

Бугун олган хабаримизга кўра, 24 сентябрда Нарпай тумани хокими, Олий Мажлис депутати Акбар Жамилов лавозимидан бўшатилган. Бу истеъфо туманда ижтимоий-иктисодий кўрсаткичларнинг тушиб кетганлиги билан изохланмокда. Мухбиримизнинг айтишича, ўша куни туман прокурори Абдулла Тойлоковнинг хам ишдан бўшатилгани хакида расмий манбалардан тасдикланмаган маълумот бор.

21:00 - Бирин-кетин прокурорлар ишдан кетмокда

Фаргоналик мухбиримизнинг норасмий манбага таяниб билдиришича, шу хафтада вилоят прокурори Умматали Шамсиев лавозимидан четлатилган. Гўё ўз аризасига кўра ишдан олинган бу прокурорнинг кетиши кўплаб миш-мишларга сабаб бўлди. Фаргона вилояти прокуратурасининг номини очикламасликни сўраб маълумот берган ходимининг айтишича, Умматулла Шамсиев ўгли туфайли ишдан олинган. Кичик Шамсиев Андижон вилоятининг собик хокими Кобилжон Обидовнинг ўгли билан биргаликда кўплаб жиноятларни содир этганликда, хусусан кизларнинг номусига текканликда гумон килинмокда.

Прокуратура ходимининг гапларида жон бор, Умматали Шамсиев ўн йилга якин Андижон вилоятида прокурор бўлиб ишлаган, дейди мухбиримиз. Шуни хам айтиш керакки, ўтган хафтада Бухоро вилояти прокурори хам лавозимидан четлатилганди.

16:00 - Бегали Косимов вафот этди

Кеча таникли олим, филология фанлари доктори, профессор Бегали Косимов вафот этди. Мархумнинг якинларидан бирининг айтишича, домла ошкозон саратони билан огриган. Унинг жасади кўмиш учун тугилган жойи - Кашкадарёнинг Косон туманига олиб кетилган.

Мухбиримизнинг таъкидлашича, Бегали Косимов сўнгги йилларда бирмунча тайзикка олинган, матбуотда исми-шарифи чикиши ман килинганди. Бу холат домланинг жадидчилик сохасини ўрганишдаги фаолияти билан боглик бўлиб, йигинлардан бирида Президентга ёкмайдиган фикр айтганидан кейин бошланганди.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону