02 April 2012
07:38 -
Қирғизча масхарабозлик демократияси давом этмоқда, Қирғизистон ўзбекларини Ўзбек миллати ҳимоя қилиши керак
Қирғизистоннинг Боткент вилояти марказида 31 март куни митинг ўтказган мухолифат ҳукуматнинг истеъфосини талаб қилган эди. Кеча мухолифат лидерлари (улар асосан жанубликлар – Қамчибек Ташиев, “Ота-Журт” партисининг лидери; Ахматбек Келдибеков, собиқ парламент спикери, “Ота-Журт”; Адахан Мадумаров, “Бутун Қирғизистон” партиясининг лидери; Исхак Масалиев, Компартия лидери) ўз талаблари тез кунда бажарилмаса, Жалолобод, Иссиқ-кўл, Чуй вилоятларида, сўнгра Бишкекда митинг ўтказиш ниятларини билдирдилар. “Бишкекдаги митинг ҳукуматнинг сўнги бўлади”, деган Қамчибек Ташиевнинг қуйидаги сўзлари ўзбекларга таҳдиддир: “Қирғизистонда яшайдиган 80 миллатнинг вакилларини ҳурмат қиламан. Аммо, улар қирғиз халқига зарар етказишса, жавоб берадилар”.
Кўринишидан, қирғизлар замонавий давлатчилик деган нарсани ҳали-бери тушуниб етишолмайди. Қирғизистон ўзбекларини ҳимоя қилоладиган, шоир Юсуф Жума айтганидек, “уларга қалқон бўлоладиган” Ўзбек миллати борлигини кўрсатиб қўйиш вақти келмоқда.
Расмда – Боткентдаги митинг етакчилари.
