01 September 2007
03:00 -
Демократларнинг ғалабаси туфайли қўлга киритилган байрам -
МУСТАҚИЛЛИК КУНИ
муборак бўлсин!
23:00 - Украинадаги ўзбеклар мустақилликни унyтишмади
- Абдураҳ
МУСТАҚИЛЛИК КУНИ
муборак бўлсин!
МУСТАҚИЛЛИК КУНИ МУБОРАК БЎЛСИН!
23:00 - Украинадаги ўзбеклар мустақилликни унyтишмади
Бугун Ўзбекистоннинг Киевдаги элчихонаси қаршисида бу мамлакатда яшаётган ўзбек қочқинлари Чегарасиз ташаббуслар ва Эмнести Интернейшнлнинг маҳаллий офиси ёрдамида пикет ўтказдилар. “Бирлик” Партиясининг Украинадаги ташкилоти раҳбари Улуғбек Зайнобиддинов бошлигида йиғилган тахминан 15 кишилик пикет қатнашчилари Ўзбекистон ҳукуматининг антидемократик сиёсатига норозилик билдирдилар. Уларнинг қўлларида “Демократиясиз Ўзбекистон ривожланмайди”, Сиёсий маҳбусларга озодлик”, “Одил сайловлар бўлишини истаймиз” каби плакатлар бор эди.
Абдураҳим Пўлат байрам куни юртга қайтиш учун ҳаракат бошлади
Бугун “Бирлик” Партиясининг раиси Абдураҳим Пўлат тезкор почта орқали Ўзбекистоннинг Вашингтондаги элчихонасининг Консуллик бўлимига мактуб йўллади. Аввалига ўзининг қисқача биографиясини билдирган мухолифатчи мактубини шундай давом эттиради:
1992 йил 29 июнь куни Тошкент шаҳар прокуратурасининг Чилонзордаги биносидан чиқиб келаётган пайтимда, шаҳар милицияси бошлиғининг ўринбосари ва шаҳар прокурори ўринбосарининг кўзи олдида, номаълум одамларнинг ҳужумига учрадим. Улар темир таёқлар билан бош суягимни ёрдилар, мўъжиза бўлиб тирик қолдим.
Бир неча кундан кейин, 2 июлда Ўзбекистон парламентида нутқ сўзлаган президент Ислом Каримов “керак бўлса яна 100 кишининг миясини тўғрилаб қўямиз” деган сўзлари билан расман бу ҳужум учун маъсулиятни ўз бўйнига олди. Яна бир неча марта шу каби ҳужумларга уринишлар бўлгандан кейин, 1992 йилнинг охирида ўша пайтда расман рўйхатдан ўтган ташкилот мақомидаги “Бирлик” халқ ҳаракатининг қарори билан, мамлакатнинг бир фуқароси сифатида хавфсизлигим таъминланмагани сабабли, вақтинча Ўзбекистонни тарк этишга мажбур бўлдим.
Сўнгра хориждаги ҳаёти хусусида керакли маълумотларни келтирган ва ҳар доим фақатгина Ўзбекистон фуқароси бўлиб қолганини урғулаган Абдураҳим Пўлат, мамлакатни тарк этаётган пайтида ҳали Ўзбекистон ўз паспортига эга бўлмаганини ҳам эслатиб, мактубини шундай якунлаган:
Ўзбекистоннинг жорийдаги Конституциясига биноан шу йил 23 декабрда мамлакатимизда президент сайлови бўлади. Мухолифатнинг ахборот воситаларида эълон қилинганидек, “Бирлик” Партияси бу сайловда ўз номзоди билан иштирок этиш ниятида. Бу номзод мен эканлигим ҳам эълон қилинган. “Бирлик” Партияси 3 йилдан бери Адлия вазирлигида расман рўйхатдан ўтиш учун кураш олиб бормоқда. Ҳали у ердан ниҳоий жавоб олингани йўқ. Бу ҳолда партиянинг номзоди сайловчиларнинг ташаббускор гуруҳи номидан кўрсатилади.
Мен шу сайловда қатнашиш учун ҳозир Ўзбекистонга қайтиб бориш ниятидаман. Мамлакат раҳбарининг Ўзбекистонда демократия ўрнатилгани ҳақидаги баёнотларига кўпчилик каби мен ҳам унчалик ишонмасам-да, бу фурсатдан фойдаланиш лозим деб ҳисоблайман.
Ҳозир менга Ўзбекистонга қайтиб бориш учун расмий ҳужжат лозим. Сизнинг Интернетдаги сайтингизда ҳам билдирилишича, Консуллик бўлимининг вазифаларидан бири Ўзбекистон фуқароларига паспорт бериш ҳамдир. Шу сабабли менга йўлда текширувлардан ўтиш ва Ўзбекистонга қайта кириш учун керак бўладиган Ўзбекистон Республикасининг паспорти ёки унинг ўрнини вақтинча босадиган бошқа бир ҳужжат беришингизни сўрайман.
Бунинг учун яна қўшимча ҳужжат ва маълумотлар керак бўлса, уларни энг қисқа вақт ичида сизларга етказаман.
Бу хатга бериладиган жавобни менга махсус тезкор FedEx почтаси орқали жўнатиш ҳаражатлари мен тарафимдан олдиндан тўланган, буни кўрсатувчи ҳужжатлар ҳам хатга қўшилган.
