10 February 2012
03:14 -
Интернетдан фойдаланиш бўйича МДҲда Туркманистон ва Тожикистондан олдиндамиз, холос
Эгаси кимлиги ва қайси методика билан ишлаши айтилмаса ҳам, халқаро мақомга даъво қилаётган Internet World Stats сайти 2011 йилнинг интернетдан фойдаланувчи давлатлар рейтингини белгилабди. Унга кўра, аҳолисининг 97, 94 ва 92 фоизлари Интернетдан фойдаланидаган Исландия, Норвегия ва Швеция жаҳоннинг биринчиларидир. АҚШда бу кўрсатгич 77,3% экан. Интернетдан фойдаланувчиларнинг фоизи 26,8 бўлган Ўзбекистон МДҲ мамлакатлари ичида фақат Тожикистон (9,3%) ва Туркманистондан (1,6%) олдинда.
Интернетдан фойдаланувчилар фоизи бўйича Арманистон (47,1%), Озорбайжон (44,4%), Россия (42,8%), Қирғизистон (39,8%), Қозоғистон (34,3%) ва бошқалардан орқада бўлсак ҳам, Тожикистон ва Туркманистондан ташқари, Танзания (11,4%), Замбия (6,8%) ва Сомалия (1,0%) каби мамлакатлардан олдинда эканлигимиз билан фахрлансак бўлаверади.
Ахир биз Ал-Хоразмий ва Улуғбек каби буюкларнинг авлодларимиз.
