02 February 2012
04:03 - Қозоғистонда ҳуқуқ ҳимоячиси Жовтис озод қилинмоқда, Ўзбекистонда навбат кимга?
Бугун Усть-Каменогорск шаҳар суди таниқли ҳуқуқ ҳимоячиси, автомобилида одам уриб кетган Евгений Жовтисни амнистия акти қўллаб, озодликка чиқариш ҳақида қарор қилган. У 4 йилга озодликдан маҳрум қилинган бўлиб, келаси йил қамоқдан чиқиши керак эди.

Мамлакат мустақиллинининг 20 йиллиги муносабати билан чиқарилган умумий авф ҳақидаги қарорнинг Жовтисга ҳам теккани қозоғистонлик ҳамкасбларимизни хурсанд қилмоқда. Қозоғистон Инсон ҳуқуқлари Бюросининг раҳбари Жовтис икки ҳафтадан сўнг уйида бўлиши мумкин.

Ўзбекистонда эса сиёсий маҳкумлардан Инсон ҳуқуқлари жамияти фаоли Аъзам Фармоновнинг озод қилиниши мумкинлиги, бу борада қатор дипломатик корпуслар ҳуқуқ ҳимоячиси тақдири борасида Ўзбекистон ҳукумати билан музокаралар олиб бораётгани ҳақида гап-сўзлар бор. Аммо бу каби узуқ-юлуқ маълумотлар ҳуқуқ ҳимоячисининг озод қилиниши борасидаги иддаога ойидинлик кирита олмайди.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону