12 December 2011
23:37 -
Ҳожи Акбар Тўражонзода атрофидаги жанжал жиддийлашмоқда
9 декабрда тожикларнинг Аsia-Plus агантлиги рус тилида тарқатган “Тураджонзода намерен подать в суд на главу Совета улемов” номли хабарни биз ҳам эълон қилган эдик. У хабарга кўра, Тожикистоннинг Уламолар Кенгаши таниқли уламо ва сиёсатчи Ҳожи Акбар Тўражонзодани шиа мазҳабига оид одатларни тарғибот қилиш, қолаверса, шиаликда айблаган. Тўражонзода эса бу айбловни туҳмат деб ҳисоблаб, Уламолар Кенгаши раиси Саидмукаррам Абдуқодирзодани судга бермоқчи бўлганини очиқлаган.Бу жанжал яна жиддийлашиб бораётгани ҳақида яна ўша агентлик хабар беради. Янги хабарда айтилишича, Тожикистон ҳукумати қошидаги Диний ишлар қўмитаси Тўражонзоданинг оиласиники деб ҳисобланадиган “Муҳаммадия” масжидини 3 ойга бектиб қўйиш ҳақида қарор чиқарди. Қўмита бу масжидда шиаларнинг одатлари амалга оширилаётгани маҳаллий анъаналарга зид эканлигини урғулабди.
Ҳожи Акбар Тўражонзода Диний ишлар қўмитасининг қарорини бекор қилишга ҳаракат қилиш бефойда эканлигини айтиб, Саидмукаррам Абдуқодирзодани судга бериш ниятида қатъий эканлигини билдирган.
