08 December 2011
04:12 -
Туркия Бош вазирининг соғлиғи қандай?
Бу мамлакатнинг бошвазирлик матбуот хизмати 28 ноябрь куни расмий баёнот тарқатиб, 26 ноябрда Бош вазир Ражаб Эрдўғон тўғри ичагидан амалиёт бўлганини билдирганини биз ҳам хабар қилгандик. Унинг ўтган жума куни, яъни 2 декабрда ишга чиқиши ҳам айтилганди.Ражаб Эрдўғон амалиётдан кейинги биринчи кунларда Туркияга келган АҚШ вице-президенти Жо Байден билан ўз уйида учрашди. Аммо, ҳафта битди, Ражаб Эрдўғон ишга чиқмади.
Бугун у яна ўз уйида Қатар амири Ал Тҳани билан учрашганини билдирган Туркия ахборот воситалари Ражаб Эрдўғон Жо Байден билан учрашувдан фарқли ўлароқ, бугун галстукли бўлганига эътибор бермоқдалар. Худди, галстук унинг соғлиқ даражасини билдирадигандек.
Ростдан ҳам, расмга кўра, Ражаб Эрдўғоннинг аҳволи яхши кўринади. Иншоолоҳ, шундай бўлсин. У тезроқ ишга чиқсин.
