05 December 2011
06:49 - Россияда кечаги сайловларнинг илк натижалари соатма-соат эълон қилинмоқда
Калининградда ҳам сайлов участкалари бекилгач, яъни Москва вақти билан 21 дан кейин, биринчи экзит-полл натижалари эълон қилинди. Уларга кўра, сайловларда Путиннинг “Бирлашган Россия” Партияси ғалаба қозонмоқда, аммо унга берилган овозлар 50 фоизнинг остида бўлади.

Ҳозир Марказий Сайлов Комиссияси ҳам мамлакат бўйича илк натижаларни эълон қилишга бошлади. Аввал “Бирлашган Россия”га берилган овозларнинг фоизи 45 атрофида эканлиги билдирилган бўлса, соат сайин бу рақам 50 га яқинлашмоқда. Б упартия 50 фоиздан кўп овоз олса керак. Эслатиб ўтамиз, аввалги сайловда партия 64 фоиз атрофида овоз олган эди. Коммунистик Партия, “Адолатли Россия”, Либерал-Демократик Партия ҳам 7 фоизли тўсиқни ўтиб, парламентга кирадиганга ўхшайди.

Умуман олганда, шубҳасиз, Путиннинг ҳукмрон партияси позицияларини йўқотмоқда.Аммо, Владимир Путин қайта президентлик курсисига ўтириб, Россияда оёғи лиқиллашга бошлаган диктатурани тиклай оладими ёки йўқ? Ҳамма гап шу ерда.

Ўзбекистоннинг келажаги ҳам, маълум маънода, шунга боғлиқ.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону