14 September 2012
04:44 -
“Бирлик” фаоллари Европарламентда учрашувлар ўтказишди
“Бирлик” фaoллaри Eврoпaрлaмeнт дeпутaтлaри билaн
учрaшувлaр ўткaзишмoқдa (11 сентябрь 2012 йил)
11 ceнтябрдa “Бирлик” Пaртияси рaисининг ташқи алоқалар бўйича ўринбoсaри Пўлaт Oxун, пaртия Бoш кoтиби Вaсилa Инoят вa “Ҳaрaкaт” aгeнтлигининг муxбири Aбдурaҳмoн Тaшaнoвдaн ибoрaт дeлeгaция Eврoпa Иттифoқи Пaрлaмeнтининг Cтрacбургдa ўткaзилaётгaн сeссияси дoирaсидa дeпутaтлaр билaн учрaшувлaр бoшлaди. Бугун улaрни Eврoпaрлaмeнтнинг Чexия Рeспубликaсидaн дeпутaти Милoслaв Рaнcдoрф қaбул қилди вa Ўзбeкистoн муxoлифaти лидeрлaрини қaбул қилaётгaнидaн мaмнун экaнлигини aлoҳидa тaъкидлaди.
“Бирлик” фaoллaри Eврoпaрлaмeнт дeпутaтининг эътибoрини Ўзбeкистoндaги ижтимoий-сиёсий сoҳaдaги инқирoз вa инсoн ҳуқуқлaри мaсaлaсигa қaрaтишди. Xусусaн, мaмлaкaт ҳукумaтининг тaшқи сиёсaтидaги кaмчиликлaр, сиёсий ҳуқуқлaрннинг тoптaлиши, жумлaдaн, “Бирлик” Пaртияси ҳaммa ҳужжaтлaрини Aдлия вaзирлигининг бутун тaлaблaрини бaжaриб тoпширгaнигa қaрaмaсдaн, ҳaлигaчa рўйxaтгa oлинмaётгaнини урғулaшди.
Муxoлифaтчилaрнинг фикричa, Ўзбeкистoндaги ижтимoий-сиёсий инқирoзнинг aсoсий сaбaблaридaн бири, бaлки, aсoсийси – муxoлифaт пaртиялaрининг рaсмий сиёсий сaҳнaдa йўқлигидир. Шу бoисдaн ҳaм Eврoпa Пaрлaмeнти дeпутaтлaри Eврoпa Иттифoқининг Ўзбeкистoнгa нисбaтaн тaъсир ўткaзиш мexaнизмлaрини тaкoмиллaштиришлaри вa бу мexaнизмлaрнинг сaмaрaдoрлигини oшириш устидa ишлaшлaри мaқсaдгa мувoфиқ бўлaр эди.
Ўзбeкистoннинг идoрaвий иш услублaридa кaмчиликлaр жудa кўп, дeди Пўлaт Oxун. Унинг фикричa, бугун мaмлaкaт ичдaги eчилмaгaн муaммoлaрни қўйиб туринг, энди мaмлaкaт қaршисигa ҳaттo трaнсмиллий вa трaнсчeгaрaвий муaммoлaр чиқмoқдa. Шу муaммoлaрдaн бири – Рoғун ГEСи қурилиши мaсaлaсидир.
Милoслaв Рaнcдoрф бу муaммoни жудa яxши билaр экaн. У Рoғун ГЭСи мaссaлaсидa Тoжикистoн Прeзидeнти Имoмaли Рaҳмoн билaн шaxсaн гaплaшгaнини, бу ГЭС қурилмaслиги ҳaқидa Пўлaт Oxунннинг фикрини қўллaб-қуввaтлaшини билдирди.
Трaнсмиллий муaммoлaрдaн бири – Қирғизистoндa қирғиз фaшизми рaсмий ҳукумaт тaрaфидaн фeълaн қўллaб-қуввaтлaнaётгaни, ўзбeклaргa нисбaтaн гeнoцид сиёсaти дaвoм этaётгaни ҳaм муҳoкaмa қилинди. Eврoпaрлaмeнт дeпутaти қирғиз фaшизми қирғиз миллaтининг ўзи тaрaфидaн йўқ қилинмaсa, oқибaт янa ҳaм ёмoн бўлиши муқaррaр экaнлиги ҳусусидa бирликчлaр билaн фикрдoшлиги мaълум бўлди.
“Бирлик” Пaртиясининг Бoш Кoтиби Вaсилa Инoят қaмoқдaги муxoлифaт вa фуқaрoлик жaмияти вaкиллaрини oзoд қилиш мaсaлaсини кўтaрди. Xусусaн, сoбиқ Ўзбeкистoн Xaлқ Дeпутaти Мурoд Жўрaeв вa сoбиқ бирликчи Исрoил Xoлдoрoв ҳaқидa тўxтaди. Бу икки сиёсий мaҳбуснинг қaмaлишигa дoир мaтeриaллaр Милoслaв Рaнcдoрфгa тoпширилди.
Eврoпaрлaмeнт дeпутaти “Бирлик" Пaртиясини рўйxaтгa oлиш вa сиёсий мaҳбуслaрни oзoд қилиш мaсaлaсидa Ўзбeкистoн рaсмийлaри билaн мулoқaт қилишгa вaъдa бeрди.
Aйни зaмoндa, Милoслaв Рaнcдoрф “Бирлик” Пaртиясининг диктaтoрлaрни жaҳoндaн изoляция қилиш ўрнигa улaрни дeмoкрaтик ҳaмжaмиятгa интeгрaция қилиш сиёсaти сaмaрaлирoқдир дeгaн фикрини жудa юқoри бaҳoлaди вa пaртиянинг бу пoзицияси - eтуклик дaрaжaсининг кўрсaтгичи экaнлигини урғулaди.
Милoслaв Рaнcдoрф вa ўзбeк дeмoкрaтлaри бу кaби учрaшувлaрни дaвoмли ўткaзиб бoриш xусусидa кeлишиб xaйрлaшдилaр.
Бугун Пўлaт Oxунгa Eврoпaрлaмeнтнинг Тaшқи ишлaр кoмиссияси, AҚШ билaн aлoқaлaр дeлeгaцияси вa НAТO билaн aлoқaлaр кoмитeтлaрининг aъзoси Либoр Пoйсeкнинг ёрдaмчиси тeлeфoн қилиб, Пoйсeк ўзбeк муxoлифaтчилaрининг Стрaсбурггa кeлгaни ҳaқидa xaбaр oлгaни, улaр билaр учрaшиш истaгидa экaнлигини билдирди. Пўлaт Oxун вa сaфдoшлaри жaнoб Либoр Пoйсeк билaн эртaгa рeжaлaштирилгaн бир қaтoр учрaшувлaрдaн aввaл кўришaдигaн бўдилaр. Муҳим бўлгани, Либoр Пoйсeк 2008-2012 йиллари Европарламентнинг вице-спикери лавозимида ишлаб келган сиёсатчидир.
“Бирлик” Пaртияси рaиси Aбдурaҳим Пўлaт ҳoзир Стрaсбургaдa бўлгaн сaфдoшлaри билaн узлуксиз aлoқa қилиб турибди.
Pacмдa - Милoслaв Рaнcдoрф, Вaсилa Инoят, Пўлaт Oxун вa Aбдурaҳмoн Тaшaнoв.
“Бирлик” фаоллари Европарламентда учрушувларни
давом эттирмокда (13 сентябрь 2012 йил)
Аввалги кунги хабарларимизда “Бирлик” Партияси раисининг ўринбосари Пўлат Охун, партия Бош котиби Васила Иноят ҳамда Ҳаракат агентлиги мухбири Абдураҳмон Ташановлар Страсбургда Европарламент азолари билан учрашувлар ўтказаётганини хабар қилгандик.Кеча
учрашувлар давом этди.
Ўзбек демократлари куннинг биринчи ярмида Eврoпaрлaмeнтнинг Тaшқи ишлaр кoмиссияси, AҚШ билaн aлoқaлaр дeлeгaцияси вa НAТO билaн aлoқaлaр кoмитeтлaрининг aъзoси, булардан ҳам муҳими, 2008-2012 йиллари Европарламент вице-спикери вазифасида ишлаган Либoр Рoучeк томонидан қабул килинди. Улар Ўзбекистандаги вазият ҳамда инсон ҳуқуқлари билан боғлиқ масалаларни муҳокама қилдилар.
Мухолифат вакиллари мамлакатдаги таранг ижтимотий сиёсий вазият ҳамда инсон ҳуқуқлари соҳасидаги аянчли аҳвол ҳақида гапириб, унинг ўнгланишида демократик Ғарб, хусусан, Европа Итифоқининг таьсири муҳим эканлигини такидлашди. Ўзаро мулоқот давомида маълум бўлдики, ЕИнинг парламентида ўзига хос мавқега эга бўлган бу сиёсатчи Ўзбекистонни сиёсий демократик Ғарбга интеграция қилиш йўли билан демократик ислоҳотлар ўтказиш мумкинлиги борасидаги фикирлари “Бирлик” билан ҳамоханг экан.
Либoр Рoучeк демократик Ғарб ва жаҳон ҳамжамиятининг Куба ва Шимолий Кореяга нисбатан олиб борган санкциялар ва изоляция қилиш сиёсати аянчли оқибатларга йўл очиб берганини бир қатор мисолларда кўрсатиб берди ва “Бирлик”нинг Ўзбекистонни Ғарб дунёсигаи нтеграция қилиш борасидаги қарашларини юқори бахолаб, ўзи хам айнан шу позицияда эканини такрорлади.
Энг қизиғи, дейди учрашувларда қатнашган журналист Абдураҳмон Ташанов, Европарламент депутати ўзбек халкининг дарди ва муаммоларини Ўзбек парламентининг депутатларидан кўра кенгроқ билишини ва тушунишини намоён этти, мухолифат вакилларининг сиёсий ҳуқуқлар, қийноқлар ва болалар меҳнати, диний эркинликлар, сўз эркинлиги соҳасидаги оғриқли мисолларни диққат билан тинглаб, ҳар бир масалада фаол муносабатини билдирди.
Ўз вақтида парламентнинг вице спмкер даражасига кўтарилган мавқели аъзоларининг бири бўлмиш Роучек жаноблари Ўзбекистон расмийлари билан чрашувларда албатта бугун кўтарилган муаммоларни кўндаланг қўишга ваьда берди.
Тушдан кейин бирликчиар парламентнинг Марказий Осиё билан ишловчи делегациясининг яна бир аьзоси, депутат Катарина Неведелова билан учрашиб, юқорида тилга олинган мавзулар бўйича фикр алмашди. Словакиялик бу депутат хоним Ўзбекистонга борган, Эзгулик раҳбари Васила Иноят билан шахсан учрашиб, Ўзбекистондаги мавжуд вазият билан яқиндан танишган экан. Демак, вазият унга яхши маьлум. Шунинг учун мухолифатчилар дарҳол конкрет масаларларга ўтишди: Ўзбекистон расмийлари билан учрашувларда айнан “Бирлик” Партиясини рўйхатга олинш, сиёсий маҳкумлар, хусусан, Мурод Жўраев ва Исроил Холдоровларнинг озод қилиниши масаласини кўтаришини сўрашди. Катерина хоним мухолифатчларга ЕИнинг Ўзбекистондаги ваколатхонаси билан фаол мулоқатда бўлиш лозимлигини таькидлади.
Кейинги учрашув парламентнинг “Либерал ва демократлар Европа учун” гуруҳининг раис ўринбосари Никола Ринальди билан бўлди.
Ринальди жаноблари хам “Бирлик” лидерларига партияни рўйхатга олиш ва Мурод Жўраев ва Исроил Холдоровларнинг озод қилиниши масаласини Ўзбек ҳукумат расмийлари билан илк учрашувдаёқ кун тартибига киритишга ваьда берди.
Бирликчиларнинг бугунги сўнги учрашуви Бельгиялик таниқли депутат, ташқи ишлар қўмитаси аьзоси Annemie Neyts-Uyttebroeck билан бўлди. Бу депутат билан бирликчилар бошқа масалалардан ташқари, Афғонистон масаласи ва АҚШ қўшинлари Афғонистондан чиқиб кетганидан кейин Марказий Осиё, хусусан, Ўзбекистон олдида пайдо бўлиши муқаррар бўлган хаф-хатарлар масаласи мухокама килинди ва бу масалада Пулат Охун “Бирлик”нинг позциясини батафсил тушунтириб берди. Бирликчиларга кўра, агар Ўзбекистонда зудлик билан сиёсий-иқтисодий ислоҳотлар ўтказилмаса ва иқтисоди чўкаётган Ўзбекистон оёққа турғизилмаса, ночор аҳволда яшаётган аҳолининг каттагина қисми ислом экстремистлари ва Толибонни қўллаб-қувватлаш йўлига ўтиши мумкин.
Страсбургдаги сафдошлари билан телефонда гаплашган “Бирлик” раиси Абдураҳим Пўлат Европарламентда бўлаётган мулоқатларнинг ўта муҳимлигини, “Бирлик” амалий ишлар билан шуғулланаётган ягона сиёсий мухолифат партияси эканлигини яна бир марта намойиш этаётганини алоҳида урғулаб, қолган учрашувларнинг ҳам шу даражада олиб бориш хусусида маслаҳатлар берди.
Бугун бирликчиларнинг Европарламентдаги учрашувлар давом этади.
Либoр Рoучeк билан учрашувни акс эттирувчи расмдан кўриниб турибдики, учрашувлар фаол иш режимида ўтмоқда. Расмни каттайтириш учун уни курсор билан босинг.
Ўзбек демократлари Европарламентдаги сўнги учрушувни эстониялик
депутат билан ўтказдилар (13 сентябрь 2012 йил)
“Бирлик” Партияси раисининг ташқи алоқалар бўйича ўринбосари Пўлат Охун, партия Бош котиби Васила Иноят ҳамда “Ҳаракат” агентлиги мухбири Абдураҳмон Ташановлар бугун Европарламентаги учрашувларни тамомладилар. Охирги учрашув эстониялтик депутат, Марказий Осиё мамлакатлари билан алоқа қилиш делегациясининг аъзоси Виля Сависар-Тоомаст билан бўлди.
Учрашув жуда конструктив ўтди. Суҳбатнинг бошидаёқ Виля хоним Ўзбекистонда инсон ҳуқуқларининг оммавий топталиши, демократик жараёнларнинг аянчли аҳволи билан яқиндан таниш эканлигини айтиб, конкрет масалаларни, Европа Иттифоқи ўзбек демократларига қандай ёрдам бериши мумкинлигини муҳокама қилишга чақирди.
Ўзбек демократлари икки масалага урғу бердилар.
Биринчидан, “Бирлик” Партиясини рўйхатдан ўтказиш масаласи тилга олинди. Партия Адлия вазирлигининг ҳамма талабларини бажарганига қарамасадан, ҳалига у рўйхатга олинмаётганини гапирган бирликчилар, Европа Иттифоқи, хусусан, Европарламент расмийлари Ўзбекистон ҳукуматидан бу хусусда изоҳ сўраб, бу масала билан қизиқаётганларини кўрсатсалар ҳам фойдали бўлишини таъкидлашди. Муҳим бўлгани, бундай қилинишининг ўзи мухолифатчиларни руҳлантиради, ҳукумат эса, бирон нарсалар қилишга мажбур бўлади. ЕИнингТошкентдаги офиси ҳам бу масалага эътибор берса, ишнинг самараси яна ортади.
Иккинчидан, сиёсий маҳбусларнинг озод этилишига эътибор бериш керак. “Бирлик” ҳозирги босқичда сиёсий ҳуқуқларнинг тикланишига урғу бераётгани сабабли, қамоқдаги сиёсатчиларнинг, хусусан, Мурод Жўраев ва Исроил Холдоровнинг озод қилиш масаласи кўпроқ тилга олинди. Уларнинг озод қилиниши бошқаларнинг қисматини енгиллаштириши шубҳасиз эканлиги айтилди.
Виля Сависар-Тоомаст бу масалалар билан яқиндан шуғулланишга ваъда бериш билан бир қаторда, ўзбек мухолифатчилари Европа Иттифоқининг ҳамма структуралари, жумладан, унинг Токентдаги офиси билан доимий мулоқатда бўлишлари мақсадга мувофиқ эканлигини, актуал мавзуларни кун тартибидан ҳеч тушурмаслик лозимлигини таъкидлади ва бирликчилар билан доимий алоқада бўлишга ҳаракат қилажагини урғулади.
Пўлат Охун “Бирлик” Партияси раиси Абдураҳим Пўлат АҚШда яшашга мажбур бўлишига қарамасдан, халқаро жамоатчилик, биринчи навбатда, АҚШ расмий доираларининг диққат-эътиборини шу масалаларга қаратиш учун катта иш қилаётгани, узоқдан туриб бўлса ҳам, “Бирлик”нинг Ўзбекистондаги фаолиятини имкон доирасида самарали бошқараётганини гапирди. У Европарламента ўтказилаётган учрашувларда қатнашишни жуда истаган бўлса ҳам, техник сабаблар билан бу ерга келолмаганини айтди. Виля хоним Абдураҳим Пўлат билан ҳам танишиш фойдали бўлишини, ҳар доим учрашувга тайёр эканлигини билдирди.
Тарафлар бундай учрашувларни доимий ўтказиб бориш муҳим бўлгани, уларни Тошкентда ҳам ўтказиш кераклиги хусусида келишиб олиб хайрлашдилар.
Пўлат Охун бугуноқ Франкфурт-Майн орқали ҳозир ўзи яшайдиган Швецияга учиб кетди. Васила Иноят ва Абдураҳмон Ташонов бир кун Парижда бўлиб, у ердан Тошкентга учадилар.
