(Сўз боши ўрнида макола ва кўлланма) -
«Бирлик» халк харакати - конуний ташкилот
«Бирлик» такикланган эмас
Ха, «Бирлик» халк харакати конуний ташкилот. У Ўзбекистон конунлари бўйича 1991 йил 11 ноябрь куни Ўзбекистон Адлия вазирлиги томонидан рўйхатга олинган ва унга рўйхатга олинганлиги хакида 077-сонли расмий гувохнома берилган.
Ўзбекистоннинг Жамоат Бирлашмалари хакидаги конунига мувофик хар кандай ташкилот факат куйидаги икки холатдагина таркатиб юборилади, яъни у ўз фаолиятини тўхтади:
1. Ташкилотнинг энг юксак органи, бизнинг холда бу Курултойдир, ташкилот фаолиятини тугатиш хакида карор кабул килса.
2. Ўзбекистон Олий Суди ташкилотнинг фаолиятида Ўзбекистоннинг Конституцияси ва конунларига зид бўлган жиддий нуксонлар топиб, унинг фаолиятини такикласа.
Маълумки, «Бирлик» халк харакатида бу иккала холат хам юз бермаган. Яъни, у ўз фаолиятини тўхтатмаган ёки Олий суд карори билан унинг фаолияти такикланмаган. Тўгри, Ўзбекистон Адлия вазирлигининг 1993 йил 19 январдаги Карори билан «Бирлик»нинг фаолияти 3 ойга тўхтатиб кўйилганди. Аммо бу муддат ўтгандан кейин «Бирлик» расмий фаолиятини давом эттирган. Бунинг устига «фаолиятни тўхтатиб кўйиш» билан «фаолиятни такиклаш» жумлалари орасида хукук нуктаи назаридан ер билан осмонча фарк бор. Энг камида шуниси аникки, такикланган ташкилотнинг хар кандай фаолияти конун йўли билан таъкиб килиниши мумкин.
Баъзи одамларда, жумладан хукуматнинг хукукни махофаза килиш органларининг ходимларида хам, «Бирлик»нинг фаолиятини такикланган, деган нотўгри тушунча бор. Баъзилар эса, хозир АКШда яшаятган Фаргона вилояти хокимининг собик муовини Авазхон Мухторовнинг гўёки Адлия вазирли тарафидан чикарилган «Бирлик» халк харакатининг фаолиятини такикловчи хужжатни «Озодлик» радиоси оркали ўкиб берганини эслатадилар. Хукук нималигини яхши тушуниши керак бўлган одамнинг бундай ишга кўл уришининг сабаби биз учун хали хам коронги, аммо бундай хужжатнинг табиатда йўклиги аник. Дарвоке, ўша кунларда Абдурахим Пўлат ва Пўлат Охун у кишидан, аслида «Бирлик»ка оид бўлган бу «хужжатни» беришни ёки кўрсатишни сўрашганида, рад жавоби олганлар.
Демак, «Бирлик» такикланманан. 1993 йили Ўзбекистондаги хамма жамоат бирлашмаларини кайтадан рўйхатга олиш бахонаси билан «Бирлик»дан янги хужжатлар сўралди. Улар Адлия вазирлигига топширилган, лекин на ижобий на салбий жавоб олинмаган. Бу эса Ўзбекистонда яшаятган «Бирлик»чилар учун норасмий бўлса хам канлайдир фаолият олиб боришга имкон беради. Такикланган ташкилотнинг хар кандай фаолияти эса, юкорида айтилгандек, конун билан таъкиб килиниши мумкин.
1993-94 йиллардаги огир вазиятда «Бирлик»чилар бу масала билан якиндан шугуланиб, уни охирига етказолмадилар. Уни кун тартибига келтириш учун биринчи имконият 1995 йили, дунёнинг гаройибликларига каранг, АКШда тугилди. Ўша йили январь ойининг охирида Вашингтондаги Ташки Алокалар Миллий Демократик Институти «Ўзбекистонда сиёсий ислохатлар» мавзусида семинар ўтказди. Унга Ўзбекистоннинг расмий доираларидан Адлия вазири Алишер Мардиев ва АКШдаги элчимиз Фатхулла Тешабоев, мухолифатдан – «Бирлик» раиси Абдурахим Пўлат, Эрк раиси ва яна бир неча киши таклиф килинган эдилар.
Ўша ерда Абдурахим Пўлат «Бирлик»нинг ноконуний равишда расмий сиёсий сахнадан чикариб кўйилганини, бу иш хукукнинг ўчоги бўлиши керак бўлган Адлия вазирлигининг кўли билан килинганини айтганида, Алишер Мардиев хамманинг олдидаги ўнгайсиз холатидан чикиш учун бўлса керак: «Мен 1993 йилда Адлия вазирлигида ишламас эдим. Бу гаплардан хабарим йўк. Лекин ваъда бераманки, Тошкентда кайтгач бу масала билан шугулланаман ва «Бирлик»чиларга жавоб бераман», дейишга мажбур бўлди. Адолат учун айтиш керакки, у киши сўзининг устидан чикди ва бир неча ойдан кейин бўлса хам «Бирлик» Марказий кегашининг котибаси Васила Иноят вазирликдан хат олди. У ерда «Бирлик»нинг рўйхатдан ўтиш учун такдим этган хужжатлари вазирлик томонидан олингани тан олинади.
Лекин вазирлик «отдан тушса хам эгардан тушмас» кабилида иш тутиб, хужжатлар белгиланган кундан кеч келганини ургулайди. Аслида, хужжатлар белгиланган муддатдан анча олдин тўгридан тўгри вазирликка олиб келинган, лекин у ердаги расмийлар «Юкоридан буйрук олганмиз, сизларнинг хужжатларингизни олмаймиз», деб бир неча кунни ўтказганларидан кейин, улар почта оркали тилхатли килиб жўнатилган. Акс холда, вазирлик хужжатларни олмаганмиз деб туриб олиши аник эди. Жўнатилиш куни хам белгиланган муддатдан олдин бўлган. Бу хусусда хеч кандай конун йўк, аммо бутун дунёда бу каби масалаларда хужжатлар почтага топширилган кун асос хисобланади.
Адлия вазирлигининг бу эътироф хати «Бирлик»чилар учун кеч бўлса хам янгидан рўйхатга ўтиш масаласини кўтариш учун бир имкон эди. Аммо бундан фойдаланолмадик. Янгидан рўйхатга ўтмаган бўлсак хам хеч ким бизнинг рўйхатдан ўтганмизни кўрсатувчи гувохномамизни бекор килгани йўк, юкорида айтилгандек фаолиятимизни тўхтатадиган 2 холат юз бермади, демак фаолиятимизни давом эттираберамиз, деган фикр устун чикди. Хокимият хам ярим легал ярим нолегал фаолиятимизга кўз юмиб келяпти. Нима учун? Чунки, хокимият фаолиятимизга карши бирон легал иш бошласа, «Бирлик»нинг статусидаги хукуматнинг айби билан вужудга келган ноаниклик ўртага чикади. Бундай ноаникликни (бир тарафдан рўйхатга олинганимиз хакида гувохнома бор, аммо, янгидан руйхатга ўтиш жараёни хукуматнинг айби билан охирига етказилмаган, иккинчи тарафдан, фаолиятимизни тугатиш учун конундаги 2 холатдан бирортаси юз бермаган) бартараф килиш механизми Ўзбекистон Вазирлар Махкамасининг Жамоат Бирлашмаларини кайта рўйхатга олиш хакидаги 1993 йил Карорномасида кўзда тутилмаган.
Албатта, хукумат «Кучимиз бор, нима истасак, шуни килаберамиз» деса килаберади, аммо биз хозир масаланинг хукукий ечимини, хукук давлатига хос бўлган йўлларни мухокама киляпмиз. Бу хусусда дунёнинг тажрибасини хам эслатиб ўтишдан фойда бор. Икки йил аввал Россияда шу каби кампания ўтказилиб, хамма жамоат ташкилотлари кайтадан рўйхатга олинди. Лекин янгидан рўйхатга олиш хакидаги Карорноманинг шундай моддаси бор эди: Агар бирон ташкилот кайтадан рўйхатга ўтиш учун хужжатларини топширмаса, хукумат бу ишни судга беради ва у ташкилот суднинг хукми билан беркитилади.
Конун доирасида кила оладиган ишларимиз
Хозир жойларда «Бирлик»нинг фаолиятини жиддий жонлантириш учун харакат бошланди. Бу факат «Бирлик»нинг ички эхтиёжларидан чикиб килинаётган иш эмас. Мана каранг, бу хусусда Тошкент шахар ва вилоят фаоллари нима дейишади: «Ўзбекистон бу кунда жар ёкасида, халкнинг моддий ва маънавий кашшоклашиши чидаб бўлмас даражага келган, буларнинг бари олиб борилаётган сиёсатнинг окибатидир. Бундай шароитда, жамият ичида юз бериши мукаррар бўлган портлашларнинг олдини олиш максадида «Бирлик»нинг махаллий ташкилотларининг фаолиятини жонлантириш, жойларда унинг таянч гурухларини тузиш, одамларни хаётий вокеаларга нисбатан локайдлик рухидан чикариш учун «Харакат» журнали ва бошка мустакил нашрларни на факат марказда, балки вилоятларда чоп этишни ва таркатишни ташкил килиш керак». Ташкилот фаолиятини жонлантириш масаласида биринчи бўлиб отни камчилаган Фаргона вилояти фаоллари хам шу каби карор кабул килганлар.
Хозир бошланган «Бирлик»ни жонлантириш харакатининг максади (биринчи максад) – ўз номи билан фаолиятни жонлантириш. Лекин биз фурсатдан иккинчи максадни хам амалга ошириш йўлида фойдаланишимиз керак. Бу иккинчи максад – макомимизни (статусимизни) аниклаштириш.
Агарда биз факат биринчи максадни кўзласак, рўйхатдан ўтган ташкилот сифатида, ўзимиз истаган жойда туман ва вилоят Конференцияларни (Низомга кўра факат «Бирлик»нинг бутунжумхурият мажлисигина Курултой деб аталади) хеч кимдан рухсат олмасдан ўтказоламиз. Аммо иккинчи максадни хам кўзласак, бу хусусда махаллий хокимликларга мурожаат килиш ва мажлис ўтказиш учун жой топиш масаласида ёрдам беришни сўраш яхширокдир.
Хаммамиз биламиз, хокимият 1-2 йил аввал бизга нафакат ёрдам бермасди, балки бутун имкониятларини ишга солиб Конференцияларни ўтказтирмасликка харакат килган бўларди. Масалан, 2001 йилнинг ўрталарида Фаргона вилояти ташкилоти ўз Конференциясини ўтказишга рухсат сўраб Кўкон шахар хокимиятига мурожаат килганда, ташкилотнинг раиси Исмоил Дадажоновни бу масала бўйича Кўкон прокуратурасига олиб келинишган ва шахар прокурори Султонов уни маъмурий жавобгарликка тортиш хакида огохлантирган эди.
2001 йил 11 сентябрь вокеаларидан кейин шароит ўзгарди. Ўзбекистон терроризмга карши урушда АКШнинг хамкори бўлиб, АКШнинг бу региондаги нуфузи кескин юксалгач, Ўзбекистон хукумати демократларга карши очикча курашини, энг камида, сусайтирди. «Бирлик»нинг 5 вилоят ташкилоти ўз Конференциясини хукуматнинг ортикча каршилигисиз ўтказди. Булар биринчи максадга етиш учун керакли бўлган мухим кадамлардир.
Лекин юкорида айтилган иккинчи максадимизга етиш йўналишида хеч бир натижага эришмадик. Вахолангки, биз мавжуд хукуматни 1991 йилдаги рўйхатдан ўтишимизни тан олдириш учун конуний йўллар билан харакатни давом эттираберишимиз керак. Хокимият бизнинг шахтимизни синдириш истагида «Бирлик» ёки унинг фаолларига нисбатан маъмурий ишлар очиб, кандайдир карорлар чикарса, бу карорлар билан конуний курашиб, ишни Олий суд даражасигача эринмасдан олиб боришимиз, буни бутун дунёга, биринчи навбатда ЕХХТга кирувчи демократик давлатларга намойиш килишимиз, хукумат, ўз таъбири билан айтсак, факат экстремистларга эмас, хаммага карши эканлигини кўрсатишимиз лозим. Анча вактга чўзилиши мумкин бўлган бундай процесслардаги харажатлар учун манба топилади.
«Бирлик»нинг навбатдаги эмас, Таъсис Конференцияларини, кейин Таъсис Курултойини чакираяпмиз, булар ўтиб бўлгандан кейин янги ташкилот сифатида рўйхатга ўтишга харакат киламиз, деб хам овора бўлмаслик керак. Бу билан хеч нарсага эришмасдан, факат оркага чекинган бўламиз. Чунки, мвжуд хокимият диктаторлик мохиятини ўзгартирмас экан, у бизни хеч бир шаклда рўйхатга олмайди. У демократияга томон кадам кўйишни бошласа, унинг учун бизни кайси шаклда рўйхатга олиш фарксиздир.
Иккинчи максад йўлидаги уринишлар етарлича узок давом этиши мумкин. Шу сабабли, хокимликларга ариза бериб кўйгач, тезда натижа чикмаслиги кўринса, уни (натижани) кутиб ўтирмасдан, мажлисларни ўтказиб фаолиятни имкон доирасида жонлантириш учун керакли бўлган ишларни килаберамиз. Айни замонда, хокимият билан конун доирасидаги кураш хам давом эта бериши лозим. Яъни, масалан, махаллий хокимиятлар берилган аризаларга жавоб бермасалар, «Бирлик»нинг ёки унинг аъзоларини фаолиятига карши каратилган карорлар чикарсалар уларни юкори инстанцияларга шикоят килиш, керак бўлса судга мурожаат килиш ва бошкалар.
Охирги масала – хокимликлар билан олиб бориладиган конуний курашнинг биринчи кадамини, яъни биринчи ариза бериш кадамининг самарадорлигини ошириш. Авваломбор, хокимликлар тезда рад жавоби беришларини хисобга олиб, уларнинг ишини осонлаштирадиган эмас, кийинлаштирадиган мазмундаги аризалар ёзиш лозим. Улар кандай бахона билан рад жавоб беришлари олдиндан маълум бўлса (кўп холларда уларни олдиндан тахмин килса бўлади хам), аризада бу бахоналарга аввалдан жавоб бўладиган нарсалар ёзилиши керак. У бечоралар хам жавоб излаб бироз кийналсин, кейин уларнинг жавобларига караб кейинги кадамни килаберамиз. Кейинги кадамларда хам биринчи аризанинг роли катта бўлишини унутманг. Бу иш ойлар, йиллар давом этса хам унинг кетидан колмаслигимиз керак. Зотан, юкорида айтилгандек, асосий ишлар шундай хам параллель равишда давом этаберади.
Ариза кандай бўлиши мумкин
Фалон шахар (ёки туман) хокими .....га
Ўзбекистон «Бирлик» халк харакатининг
... шахар (ёки) туман Кенгашининг раисидан
(ёки раис ёрдамчиси ёки котибидан)
АРИЗА
Ўзбекистон «Бирлик» халк харакати Ўзбекистон конунлари бўйича 1991 йил 11 ноябрда Адлия вазирлиги томонидан расман руйхатга олинган (Рўйхатга олиш Гувохномасининг нусхаси илова килинмокда). 1993 йили Вазирлар махкамасининг Карорига кўра, жамоат бирлашмалари кайтадан рўйхатга ўтишлари лозим эди. «Бирлик»нинг Марказий Кенгаши керакли хужжатларни ўз вактида Адлия вазирлигига топширишига карамасдан, Вазирлик бу хусусдаги ўз карорини халигача расман билдирган эмас. Ўзбекистон Конституцияси ва жорийдаги Конунларига кўра харкандай жамоат ташкилотининг фаолияти факат ва факат ушбу икки холатдагина тўхтатилиши мумкин:
1. Ташкилотнинг энг юксак органи, бизнинг холда бу «Бирлик» халк харакатининг Курултойидир, ташкилот фаолиятини тугатиш хакида карор кабул килса.
2. Ўзбекистон Олий Суди ташкилотнинг фаолиятида Ўзбекистоннинг Конституцияси ва конунларига зид бўлган жиддий нуксонлар топиб, унинг фаолиятини таъкикласа.
«Бирлик» бу икки холатнинг биронтасига хам дуч келмаган сабабли у расман фаолиятини давом эттираётган ташкилот хисобланиши айнан Ўзбекистоннинг конунларидан келиб чикади.
...... вилоят (ёки туман) ташкилотининг Кенгаши «Бирлик»нинг жорийдаги Низомига кўра навбатдаги Конференциясини шу йил .........да ўтказмокчи. Конференция ўтказиш учун .... киши сигадиган жой топишда ёрдам беришингизни сўраймиз. Жой учун ижара хаккини аввалдан тўлаймиз. Йигилиш тартибли равишда ўтиши учун кафолат берамиз. Сизнинг ижозатингиз билан йигилиш жойини ўзимиз хам топишимиз мумкин.
Имзо
Сана
Албатта бу бир колип. Хар бир ташкилот ўз шароитидан келиб чикиб бу ариза матнини ўзгартириши мумкин. Лекин ундаги асосий моддалар сакланса яхши бўлади. Нима бўлганда хам бир нарсани унитмайлик, бу ишда чидамлик ва собиткадамлик даркор. Агар аризага жавоб берилмаса, тегишли конун-коидалар асосида жавоб бермаган органнинг устидан юкори инстанцияларга арз килиш, судга бериш мумкин. Агар аризага рад жавоби олинса, уни шошмасдан тахлил килиш ва унинг конунга зид жойларини топиб, бундай жойлар бўлиши мукаррар, уларга эътироз бериш йўлларини кидириб, карорни бекор килдириш учун конун кўрсатга йўллар билан нш олиб бориш зарур. Айни замонда, инсон хукукларини химоя килувчи ташкилотларнинг хам ёрдамида бу вокеани жамоатчиликка етказиш, ЕХХТнинг Тошкентдаги офиси ва унга аъзо бўлган давлатларнинг элчиликларига Ўзбекистон хукумати ўз халкаро мажбуриятларини бажармаётгани хакида хабар бериш, элчиликларга бу масала бўйича махсус Хайъатлар жўнатиш мухим ишлардандир. Бу ишларнинг хаммаси Марказий Кенгаш билан маслахатлашиб килинса яна хам яхши бўлади.
P.S. Баъзи истиснолар билан бу Кўлланма «Эрк»чилар учун хам фойдали бўлиши мумкин.
