Журнал Ҳаракат №4 (7) 1996. ЖУРНАЛИМИЗНИНГ БУ СОНИДА:

Абдурахим Пулат. - ЯНГИ УЙИНЛАР ёки УЗГАРИШЛАР БОШЛАНДИМИ?
Узбекистонда сунг замонларда булаётган вокеалар, хусусан, Президент Каримовнинг иктисодий ислохатлар кадар сиёсий ислохатларнинг хам зарурлиги ва уларнинг бошланажаги хусусидаги баёнотлари, сиёсий махбусларнинг асосий кисмини озод килиниши, бу пайтгача фе'лан такикланмиш булган Узбекистон инсон хукуклари жамиятининг Курултойини Тошкентда утказилишига рухсат берилиши, ва нихоят Тошкентда Европада Хавфсизлик ва Хамкорлик Ташкилоти (ЕХХТ) билан биргаликда утказилган Инсон хукуклари конференциясида мухолифат вакилларининг очикча катнашишларига йул берилиши макола сарлавхасига чикарилган саволни уртага куймокда. У хавас учун берилган савол эмас. Узбекистон хукумати билан мулокатда булишни истаган ва бу йуналишдаги тактика ва стратегиясини белгилашни уйлаётганлар учун бу саволга жавоб олиш хаётий масаладир. Шу хулосадан келиб чикиб куйган саволимизга жавоб беришга харакат киламиз. * * * Узбекистон хукуматининг бугунги имижи тугрисида куп гапиришга хожат йук. Шунинг учун уни ифода этувчи биттагина мисол келтираман. АКШ Конгрессининг Европада хавфсизлик ва хамкорлик комиссиясининг уз раиси сенатор Кристофер Смит бошчилигида Узбекистон Президенти Ислом Каримовнинг шу йил июнь ойидаги АКШга визити арафасида Президент Билл Клинтонга юборган мактубларида хусусан шундай дейилади: "Президент Каримов узок вакт АКШ тарафидан кабул килинишини орзу килиб келди. Узбекистоннингг ахоли сони, табиий бойликлари ва Россияга каршилик килиш йуналишидаги харакатлари хисобга олинса, жуда мухим мамлакат. Шундай булса хам Сиз жаноб президент, Узбекистон хукуматининг репрессивлиги ва инсон хукукларини ута ачинарли ахволга туширилгани сабабли бу давлатнинг репутацияси жуда паст эканлигига э'тибор беришингизга ишонамиз. Бу мамлакатта мухолифат йук. Бутун оммовий ахборат воситалари каттик цензура остида тутилмокда, режим хеч яширмасдан суз, йигилишлар утказиш ва сиёсий бирлашиш эркинликларининг асосларини бузмокда. Охирги йил ичида расмий хокимият уз давлатининг имиджини яхшилаш максадида "Бизда хамма нарса узгарди!" деб давомли такрорлаб келмокда. Аслида хеч нарса узгармади хисоб..." ("Бирлик" хабарномаси, Н3, июль 1996). Шу каби фикрларни Хьман Райтс Вотч/Хельсинки ва бошка миллий ва халкаро инсон хукуклари ташкилотлари хам билдирмокдалар. Узбекистонда демократиянинг даражаси ва инсон хукукларига муносабатнинг бундай бахоланиши узбек хукук химоячилари ва мухолифатнинг нуктаи назарини тула акс эттирмокда. Бу кунда Узбекистондаги мухолифат кучларнинг намояндаси сифатида Узбекистон демократик харакатлари фаолиятини Мувофиклаш-тирувчи Кенгаш тан олинаётгани хаммага ма'лум. Унга "Бирлик" халк харакати, "Эрк", Бирлик, "Адолат-Хак йул" партиялари, "Тумарис" хотин кизлар уюшмаси, Эркин ёшлар уюшмаси ва <+>Инсон хукуклари жамиятининг вакиллари кирганлар. Бу ташкилотларнинг барчаси хукумат томонидан тан олинмётипти (балки Инсон хаклари жамияти учун бу статус якин келажакда узгариб колар). Шу сабабли улар уз фаолиятларини Узбекистон ичида Горбачев замонидаги норасмийлар каби олиб бораётиптилар. Бир кисм мухолифатчи эса юрт ташкарисида яшашга ва мужодоласини у ердан юритишга мажбур булмокда. Каримовнинг АКШ сафари олдидан Мувофиклаштирувчи кенгаш Билл Клинтонга бир мактуб йуллади. Унда Узбекистондаги мавжуд режимга сиёсий бахо берилган, Бахо, юкорида айтилгандек, Гарбдаги фикрларга якин булгани ва мупчилик укувчиларимизга ма'лум булгани учун уни бу ерда такрорлашга хожат йук булса керак. Мен факат мактубнинг сунг кисмидаги бир нарсага ургу бермокчиман. У ерда шундай дейилади: "Узбекистонда демократияни жорий килиш бу бизнинг ички ишимиз. Ва мухолифат хар кандай тусикларга карамасдан узининг шу йуналишдаги фаолиятини давом эттираверади. Айни замонда шуни хам унутмаймизки, Узбекистон Бирлашган Миллатлар хамда Европада Хавсизлик ва Хамкорлик Ташкилотларининг а'зоси сифатида инсон хукукларига оид масалаларда бир катор мажбуриятлар олган. Уларнинг мутлоко купчилиги хозирги хукумат томонидан бажарилмаяпти. Фикримизча бу ташкилотларга а'зо булган бошка давлатлар Узбекистондан уз халкаро мажбуриятларини бажаришни янада кат'ийрок талаб килишлари халкаро нормаларга зид эмас. Узбекистон президентининг АКШга визити давомида бу ерда кутарилган муаммоларнинг хам мухокама килиниши нафакат Узбекистонда балки бутун Марказий Осиёда демократик баркарорликни урнатилиши учун хизмат килишига ишонамиз". (Айни ерда). Куриниб тириптики, биз ба'зилар иддао килаётгандек Клинтондан Каримовни кабул килмасликни талаб килмадик ва Узбекистонда демократияни урнатишда бизга ёрдам беринг, деб ялиниб ёлвормадик. Биз Кушма Штатларга Узбекистон билан бирга ЕХХТга а'золикларидан келеб чикадиган мажбуриятларнинг бажарилиши кераклигини хотирлатди, халос. * * * Мувофиклаштирувчи кенгашнинг мактубидан яна бир иктибос: "Бу кунда Узбекистонда хукуматнинг мухолифатга муносабатида, демократиянинг ривожланиш йулида, инсон хаклари масаласида жуда катта муаммолар ва хукумат тарафидан куйилган тусиклар бор. Уларни бартараф килиш учун Узбекистон хукумати жиддий ишлар килмаётипти. Унинг ба'зибир баёнотлари эса дунё жамоатчилигини чалгитиш учун килинаётганга ухшаяпти". Бунга ухшаш фикр юкорида ёзганимиз сенатор Кристофер Смитнинг мактубида куйидагича ифодаланган: "Шуни айтиш керакки, энг сунг замонда Гарб давлатларининг, биринчи навбатда кушма Штатларнинг талаби билан бу масалада бир оз булсада илгари сиљиш бор. ЕХХТнинг Тошкентда очилган Инсон хукуклари офисига Узбекистонда уз офисларини очаётган ёки очишни муљаллаётган Озод Европа/Озодлик радиоси, Хьюман Райтс Вотч ва Сорос фондлари кушилдилар. Охирги бир неча ой ичида хукумат 7 сиёсий махбусни озод килди ва айрим вакиллари чет элларга хайдалган мухолифат билан жиддий мулокат килишга тайёр эканлигини билдирди". Узбек мухолифати ва АКШ сенаторининг мактубларидан бундай кенг парчаларни келтиришдан максад факатгина уларнинг Узбекистондаги вазиятни бахолашлари канчалик бир-бирларига якин эканлигини намойиш килиш эмас, балки уларнинг якин келажакда буладиган вокеаларнинг ривожланиши тугрисидаги тахминлари хам бир-бирларига якинлигини курсатиш эди. Тахминлар эса, бир-икки суз билан айтадиган булсак, шундай: "Узбекистонда кичик улчовли узгаришлар бор. Узбекистон рахбариятининг ва'даларини купчилиги хали бажарилаётгани йук. Уларнинг бажарилишига эришиш учун харакат килиш керак". Остини чизиб кайтараман - харакат килиш керек. Бошланган жараён тухтаб колмаслигига интилиш керак. Бугунги реалликлардан келиб чикиб бу жараён бу йул революцион эмас, эволюцион булиши кераклилига аманман. Бу фикрга кушилганлар олдимизда узок ва машаккатли сиёсий ва иктисодий ислохотлар йули борлигини билишлари керак. Яна хам тугриси буни тан олишлари керак. Тошкентда шу йил октябрь ойида утказилиб мавзуси Инсон хукуклари масалаларига багишланган конференция бу йулдаги мухим ва тахминларнинг тугри-нотгри эканлигини ма'лум ма'нода курсатиб берган кадам булди. Узбекистон инсон хукуклари жамиятининг бир гурух а'золари то 7 апрелда бу Конференцияни бойкот килишга чакирувчи кескин Баёнот э'лон килдилар. Агар Узбекистон ёки Европа давлатлари бундай радикал кадамни тугри тушунадилар ва керакли хулосалар киладилар, биз эса катта мувафаккиятлар келтироладиган тадбирлардагина иштирок этганимиз яхши деган дунё карашдан келиб чиксак, бу тугри Баёнот. Лекин узок ва машаккатли йулдан энди кочиб булмаслигини тан олганлар учун бу йул нотугридир. Шундай булса хам бу Баёнотни э'лон килган дустларимизни тушунишга харакат килиш керак. Балки, уша вакт, я'ни Каримовнинг АКШга сафаридан аввалги сиёсий вазият шундай давранишни, я'ни шундай йул тутишни такозо киларди. Ва балки бу Баёнот уз вактида вазифасини бажарди, десак булар. * * * Бу ерда бироз оркага чекинсам-да, сиёсий вазиятдан келиб чикиб йул танлаш масаласида бир-икки огиз гапирсам зарарли булмас. Ма'лумки, "Бирлик"нинг илк даврида мен айнан радикал кадамлар тарафдори булганман. Уша пайтда ракобатсиз хокимлик килишга урганиб колган коммунистлар саросимада эдилар. Биз бундан фойдаланиб, шиддатли харакатларимиз билан 70 йилдан бери сиёсатдан четлаштирилиб куйилган халкни (хеч булмаса бир кисмини) кайтадан сиёсат майдонига олиб чиколдик. Россия, Болтикбуйи ва Кавказ жумхуриятлари хамда Киргизистон ва Тожикистонда антикоммунистик кучлар айнан шиддатли харакатлар натижасида диктаторлик режимларини кулатдилар. Хозир Узбекистон рахбарлари "алдагани узбек яхши"лигига ишонганлари учун булса керак, Молдова, Гуржистон ва Тожикистондаги ички ва Озорбайжон билан Арманистон уртасидаги узаро урушларнинг сабаби шу радикал харакатлар ва демократиядир, деб хаммани ишонтиришга уринмокдалар. Аслида хеч ундай эмас. Бу урушларнинг сабабчиси Совет империяси тарафидан куйиб кетилган "бомба"лардир: Молдовада - ахолисининг купчилиги руслар булган Преднестровье "бомба"си, Грузияда - Шимолий Осетия ва Абхазия "бомба"лари. Озарбайжон ва Арманистон уртасидаги Тогли корабог "бомба"си, Тожикистон учун эса - урталарида тузукрок чегараси хам булмаган кушни Афгонистондаги "бомба"лар. Аслида бу хакикатни рахбарларимиз жуда яхши биладилар ва шунинг учун демократия тинч йул билан ривожланиб бораётган Болтикбуйи жумхуриятлари, Козогистон ва Киргизистон мисолларини эсларидан чикариб куйишга интиладилар. Узбекистонда хам 1990 йилнинг бошида жумхурият Олий Советига утказилган сайловлар натижасида диктатура фе'лан тугаши керак эди. Лекин ичимиздан чиккан бир кулбола сиёсатчи-шоир бошчилигидаги бир гурух коммунистлар билан "улар хам бизнинг иркдан эдилар-ку" (Мухаммад Солих. "Центральная Азия" журнали, Н 1, 1995) деб хамкорлик килди ва оркамиздан келиб АКШлик турк журналисти Ахмад Али Арслон ёзганидек "хукумат килолмаган ишни килиб "Бирлик"ни болталади" ("Турк-Дипломатик" газетаси, Станбул, Н4, апрель, 1995). Голландиялик таркикотчи Лукмон Узелнинг ифодаси билан айтганда "миллий харакатга нисбатан килинган бу хиёнат" (Кундуз" газетаси, Амстердам, Н__, май, 1995) Узбекистонда чайкалиб колган диктатуранинг кайтадан мустахкамланишига хизмат килди. Ба'зилар уша пайтда бу "хиёнат"ни сиёсий тажрибасизликдан ва тушунмасдан килинган иш деб тушунтиришга интилишди. Факат орадан йиллар утиб бу иш онгли равишда килингани, сиёсатчи-шоиримизнинг хизматлари учун уша вактдаёк накд тулангани инкор этиб булмас хужжатлар билан энди тасдикланди. ("Мустакил хафталик" газетаси, Н 3, май, 1996). Хозир шароит мутлако бошкача. Факат Узбекистонда эмас, балки бутун МДХда кайта куриш йиллари харакатга келган демократия маятниги оркага кетди. Узбекистонда чайкалиб колган эски сиёсий тузум Каримовнинг сарой уйинларида катнашиб юрган ва шуни мухолифатчилик деб хисоблаб келган бояги гурух ва у кабиларнинг ёрдами билан етарлича мустахкамланди. Купчилик - иктисодий ислохатларнинг огирлиги остида уз-узи билан овора. Гарб давлатларининг демократия ва инсон хак-хукуклари хусусидаги талаблари камаймаган булса-да, уларнинг собик Совет жумхуриятларидаги демократик узгаришларга булган кизикиш энтузиазмлари камайган. Шундай экан, 1988-91 йиллари мукаддас мустакиллик курашига етарлича кушилмаган халкни бугун мустакил булган давлат ичидаги сиёсий тузумга карши оммавий равишда майдонга олиб чикишни (бу майдон сиёсат майдони булса хам) ва шу йуналишда радикал харакатлар килишни уйлаш гирт хаёлпарастликдир. Бир огиз суз билан айтсак Узбекистонда янги сиёсий реаллик вужудга келди. Бу реаллик энди сиёсатда кескин хамлалар эмас, юкорида та'кидлаганимиздек, узок ва машаккатли позицион кураш йулини талаб килади. Ва бу курашни имкониятлари унча куп булмаган мавжуд сиёсий сахнада юритишдан бошка йул йук. Шуни такидлаш керакки, бу осон йулни танлаш эмас. Чунки мен айтаётган позицион кураш йули шиддатли хамлалар йулидан кйп марта машаккатлидир. Ба'зилар уйлаётган Руминиядаги каби ижтимоий портлашни кутиб утириш эса сиёсатчининг иши эмас. * * * Айтилганлардан келиб чикиб эволюцион (лекин етарлича катта тезликдаги) узгаришлар йулини афзал кураётган Узбекистоннинг демократик мухолифати "Агар айтилаётган Конференциянинг тайёрланишида ва унинг утказилишида демократик нормалар бузилса ва ёки Конференцияга кадар Узбекистон инсон хукуклари жамиятининг Курултойи утказтирилмаса, уни бойкот килиш" йулини охирги восита сифатида кун тартибидан хеч туширмасдан бу Конференцияда иштирок этиш учун харакат килиш лозим, деб топди. Яна "харакат килиш лозим" сузларига ургу бермокчиман. Ха, харакат килиш керак эди. Чунки Узбекистоннинг расмий доиралари "бегона"ларни Конференцияга да'ват килиш у ёкда турсин, у ерга узларича келганларни Конференция залига киритмасликлари хам аввалрок утказилган шу каби йигилишлардан ма'лум эди. 1993 йилдан бери АКШда эмиграцияда яшаб, Урта Осиёдаги хукук химоячиларининг фаолиятини координация килиш билан машгул булган Узбекистон инсон хукуклари жамиятининг раиси Абдуманноб Пулат америкалик ташкилотларнинг ёрдамида ЕХХТнинг тегишли органларидан Тошкентда утказиладиган Конференцияга таклифнома олишга ва узи раислик килаётган жамиятни Конференциянинг расмий иштирокчилари руйхатига киритишга муваффак булди. У август ойининг урталарида Тошкентга келди ва ЕХХТ билан Конференцияни тайёрлашда хамкорлик килиш билан биргаликда Инсон хукуклари жамиятининг Курултойини утказишга рухсат олиш учун харакат бошлади. Бу ерда яна бир марта оркага кайтаман. Узбекистон демократик харакатлари фаолиятини Мувофиклаштирувчи кенгашнинг Клинтонга ёзган мактуби билан боглик булган вокеаларнинг давоми бор эди. Каримовнинг АКШга килган визитидан кейин, аникроги шу йилнинг 16 июлида Кушма Штатларнинг Узбекистондаги элчиси Стенли Эскудейро Мувофиклаштирувчи Кенгашнинг Тошкентда яшаётган а'золари Шукрулло Мирсаидов ва Иброхим Буриевни элчихонага таклиф киди ва мактубга жавобан Ислом Каримовнинг АКШ саёхати тугрисид ма'лумот берди. Ма'лум булдики, Клинтон мактубнинг мазмуни билан таништирилган ва у тугри кабул килинган. Яна ма'лум булишича, Ислом Каримов АКШ визити давомида Узбекистонда сиёсий ислохотларнинг бошланишини тезлаштиришга ва'да берган. Элчи билан учрашув вактида мухолифат вакилларининг Конференцида катнашиб катнашмасликлари масаласи хам мухокама килинган. Элчи Эскудейро АКШ хукумати ЕХХТ а'зоси сифатида бу ањуманнинг демократик нормаларга мос равишда утишини та'минлаш масаласида кат'ий ва карорлидир, деб та'кидлаган. Мен Каримовнинг АКШ визити ва Тошкентдаги Конференцияни тайёрлаш жараёнидаги фаолиятларимизни бу макола доирасида тула айтиб бермокчимасман, тугрироги, айтиб беролмайман хам. Уйлайманки, вакти ва жойи келганда, бошка иштирокчилар хам бу тугрисида узлари суз юритишар. Мен эса эришилган натижаларни сузламокчиман. Узбекистонни бошкараётганлар Тошкент Конференциясининг том арафасида Инсон хукуклари жамиятининг Курултойини утказишга рухсат бердилар ва у 7 октябрда утказилди. 12 октябрда утказилган Инсон хукуклари Конференциясида факат мухолифат ва мустакил дин уламоларигагина эмас. балки барча истаганлар иштирок этдилар. Бу икки йигилишда сунг йилларда биринчи марта Узбекистонда жамиятни демократиялаштириш ва инсон хак-хукуклари билан боглик муаммолар чет элда эмас, айнан юрт ичида мухокама килинди.Энг мухими, мавжуд иктидор биринчи марта мухолифатнинг борлигини, инсон хак-хукуклари сохасида жиддий камчиликлар борлигини расман булмасада, фе'лан тан олди. * * * Албатта,Узбекистон Президентининг АКШга килган бир саёхати ва Тошкентда утказилган бир Конференция мухокама килинаётган мазудаги хамма муаммоларни хал килади, деб хеч ким кутмаганди. Хукуматнинг мутлок контроли остидаги оммавий ахборот воситаларининг бу Конференция, унда кутарилган муаммолар ва мухолифат вакилларининг катнашгани ва уларнинг айтганларини Узбекистон ахолисига етказишмагани хам хокимият узининг ва'даларини бажариш учун етарлича гайрат курсатиш ниятида эмаслигининг курсатгичидир. Лекин нима булса хам биринчи кадам куйилди. Бундан буёги факат мухолифат ташкилотлари ва хукук химоячиларига эмас, халкнинг кенг табакаларига, биринчи навбатда зиёлиларимизга боглик. Вужудга келган янги сиёсий шароитда уларнинг инсон хукуклари масаласига э'тиборлари ортадими, демократик мухолифатни куллаб кувватлаш кучаядими? Мана масала каерда. Мен бу хусусда оптимистман ва ижобий ривожланишлар булишига ишонаман. Яна бир марта шуни алохида та'кидлаш лозим деб хисоблайманки, Конференциянинг утказилишида, я'ни бу биринчи кадамнинг куйилишида демократик мухолифатнинг роли катта булди. Хеч шак-шубхасиз, унинг са'й-харакатлари билан бу Конференция дунёда яхши ма'нода етарлича шов-шув уйготди. Агар бу харакатлар булмасайди, Конференция факат давлатнинг расмий структураларининг вакиллари иштирокида хужа курсинга утказилиб, хеч кандай фойдасиз битган буларди. Бу фикрнинг ёркин исботи сифатида биринчисидан йигирма кун сунгра айни ЕХХТнинг иштироки билан оммавий ахборот воситаларига багишланган Конференциянинг айни Тошкентда тургунлик йиллари рухида утказилганини курсатиш мумкин. Оммавий ахборат воситаларига багишланган бу Конференциянинг шундай рангсиз утказилганини гапирар эканмиз, узимизга хам танкидий карашимиз керак. Иккинчи Конференциянинг бундай шаклда утказилишининг олдини ололмаганимиз, бунинг учун етарлича гайрат курсатмаганимиз, янада тугриси курсатолмаганимиз, бизнинг айбимиздир. Чунки бундай гайратни хукумат тарафидан кутиш кулгили буларди. Албатта, узимизни оклаш нуктаи назаридан эмас, хакикатни курсатиш нуктаи назаридан, асосий сабаб - бунга кучимиз етмаганлигини хам айтишимиз лозим. Демак мухолифат шу каби ишлар билан шугулланувчи махсус органларига эга булиши керак. Иншоолло, якин орада бу масалаларда хам фаолиятимизни кучлантирамиз. Бу вокеалардан биз узимиз учун керакли бошка хулосалар хам чикаришимиз керак. Мана улардан ба'зилари: 1. Каримовнинг АКШ зиёратининг утиши ва Тошкентдаги Конференциянинг утказилишига етарлича та'сир курсатолганимиз Узбекистон демократик харакатлари фаолиятини Мувофиклаштирувчи Кенгашнинг сиёсий куч сифатида шаклланганинии ва жамоатчилик тарафидан тан олинганини курсатади. 2. Бу конференцияларнинг асосий ташкилотчиси булмиш ЕХХТнинг регионимиздаги фаолияти алохида диккатга сазовордир. Ма'лумки, бу ташкилот Совет империясининг кулаши ва собик Совет жумхуриятларда демократиянинг ривожланишида катта рол уйнаган. Аммо, афсуслар билан шуни айтиш керакки, унинг демократия ва инсон хак-хукуклари буйича ма'сул органлари бизнинг регионда бу масалалар билан жиддий шугулланишни истамаяптилар. Куринишидан уларнинг асосий максади мавжуд хукумат билан уз муносабатларини кескинлаштирмаслик. Хатто бунинг учун инсон хукукларининг топталашага куз юмиб булса хам.Нафакат Узбекистон балки бутун Урта Осиёнинг хукук химоячилари бу ташкилот билан якиндан алокада булиш учун харакат килишлари, уни хакконий информация билан та'минлашлари керак. Энг асосийси, бу ташкилотнинг регионимиздаги вакилларидан узларининг асосий принципларидан чекинмасликларини талаб килиш керак. Бу принпип инсон хукукларининг оммавий бузилишини куйиб туринг, бир марта бузилишига хам куз юммасликдир. 3. Узбекистон хукумати демократияни ривожлантириш, инсон как-хукукларини хурмат килиш ва ошкоралик масалаларида берилаётган ва'далар ва килинаётган Баёнотларга мос келадиган кадамлар килишга шошилаётгани йук. * * * Нима булганда хам, сунг ойлардаги ижтимоий-сиёсий ривожланишларнинг конкрет натижаси сифатида Узбекистон инсон хукуклари жамияти Курултойининг утказилганини курсатиш керак булди. Ма'лумки, унда Жамият раисилигига Абдуманноб Пулат, Бош секретарлигига Толиб Ёкуб сайланди. Уларнинг иккаласи хам режимнинг тазйикларидаж куп жафо чеккан ва синовдан утган демократ карашли инсонлардир. Хукуматнинг бу Курултойни утказишга рухсат бериши энди бундан кейин жамиятнинг ишлари тусикларсиз давом этади деган ма'нога келмайди. Хар холда у руйхатга хам олинса керак. Лекин хукумат унинг фаолиятини хар томонлама чеклаб, унинг жамиятга та'сирини фе'лан йук килишга харакак килишининг хам эхтимоллиги катта. Демак кураш хали таомом булгани йук, у бошка поганада давом этади. Юкорида айтилганлардан келиб чикиб мен макола сарлавхасидаги саволга шундай жавоб бераман. Ха, булаётган вокеалар хукуматнинг навбатдаги уйини, манёври. Аммо, аминманки, бир нечта бундай манёвр жиддий узгаришларни тухтатиб булмайдиган холатга олиб келади. Биз бундай холатни тезрок юзага келтириш учун харакатдамаз. Ургулаб айтаман: харакатдамиз, бир четда бекатда эмас. Истанбул, октябрь, 1996

Ким кимдир? Who is Who?Добавить персону