Журнал Ҳаракат №1 (12) 1998. Жамият муаммолари.
Жура Угли. - Ислом ва демократия.
Бисмиллохур Рахмонир Рохим, Авваломбор ушбу маколани ёзишдан аввал куп фикрладим. Аслида бундай маколаларни Ислом илмининг олиму фузалолари ёзишганда яхши булармиди?... Охири бир фикрга келдим. Адашсам, Оллох кечирар. Ажаб эрмас бу макола сабаб булиб олиму уламоларимиз хам бахсга аралашсалар, бундай улуг ишнинг хеч булмаганда сабабчиси булиб коларман, деб маколани ёзишга киришдим. Муфтий Мухаммад Содик Мухаммад Юсуф жаноблари “Озодлик” радиоси оркали килган маърузаларидан бирида “Биз мусулмонлар учун бугун энг макбул жамият бу демократик жамиятдир”, дедилар. Муфтий хазратларининг кейинги пайтларда жахон оммавий ахборот воситалари оркали килаётган сиёсий маърузаларини эшитиб, хакикий мусулмон узининг мукаддас динини мукаммал билиши билан бирга атрофида булаётган сиёсий жараёнларга бефарк булмай, уз сиёсий куз карашларини баралла айтиши шарт, деган фикрга келдим. Бу фикримнинг канчалик тугри эканлигини утган йили урталарида Тожикистон мухолифати рахбарларидан бири Акбар Туражонзода “Озодлик” радиосининг русча эшиттиришлари оркали журналистларнинг саволларига жавоб кайтарар эканлар сухбат охирида француз журналисти “Агар менда ихтиёр булганда эди, Сизни Президент этиб сайлаган булар эдим”, деганидан тушундим. Узбекистон хукумати Ислом динини одамларга факат беш вакт номоз укийдиган, арок ичмасликни, зино килмасликни, угирлик килмасликнигина таргибот килувчи восита килиб курсатишга харакат килмокда. Бунга карши Ислом илмининг хакикатини бугунги хаёт шартларидан келиб чикиб халкка сингдириб куйиши керак булган дин уламоларини, минг афсуски, бугун масжидларда курмаймиз. Абдували Мирзаев, Рамазон Маткаримов, Мухаммад Ражаб, Содикжон Кори, Абдулла Утаев, Окилхон Эшонхонов, Каримжон Ойсорохунов сингари унлаб миллатнинг гулларини, Обидхон Сибитхон угли каби имонли ва илм сохиби булганларни мусулмонларнинг фикрини бир тийинга олмай туриб масжидлардан кувгин килган золимни ким деб аташни хам билмайсан. Бугун масжидлардаги имомлар мусулмонларга факат кандай килиб тахорат олиш-у оиланинг кандай булиши кераклиги тугрисида маъруза килиб халкнинг онгини совет замонида шакллантирилган саёзликда ушлаб туриш учун хизмат килмокдалар. Биз бу ерда Ислом динининг Узбекистон масжидларида ва оммавий ахборот воситаларида ёритиш ман этилган жихатларига эътиборни каратиб, айтмокчи булганимиз акидалар демократик принципларга кандай мос тушишини куриб чикамиз. Дунёда демократиянинг таянчи хисобланган Америка Кушма Штатларининг Асосий конуни - Конституциясининг кабул килинганига 200 йилдан ошибди. Мана бу вокеага эса 1400 йилдан ошди. Пайгамбаримиз Мухаммад алейхи ва саллам уз улимларини олдиндан билган эдилар. Улимлари олдидан, Оллохнинг “Оллох ва унинг пайгамбарига итоат этинглар” деган оятига асосан, атрофларидаги 4 чориёрдан бирини халифаликка тайинласалар хеч ким карши чикмас эди. Лекин ул зоти олий “Халк сайласин” деб хеч кимни тайинламадилар. Халк узи бир неча номзод орасидан Абу Бакр Сиддикни халифа этиб сайлади. Расулулоллох айтадилар: “Сизларнинг кай бирингиз бирор жиноят ёки гунох иш килаётган одамни курсангиз, аввал уни кул билан кайтаринг, бунинг имкони булмаса, тил билан кайтаринг, бунга хам кодир булмасангиз, дилингизда нафратланиб туринг. Лекин бу учинчиси имоннинг заифлигидан далолатдир”. Бу хадис одамларни хушёрликка чорлайди. Хаксизликни курганда жим турмасликка даъват этади. Бугун бизнинг халкимизни юкоридаги хадисда келтирилган учунчи тоифадаги одамларга айлантирмокдалар. Турли йуллар билан халкнинг юрагида куркув уйготмокдалар. Улар “Бир-лик”ни ва аввал узлари “Бирлик”га карши тузиб, кейин бошларига бало булган “Эрк”ни тарафдорлари билан кушиб йукотдик, Исломнинг хакикатини англатувчи олимларни йукотдик, камалганларни иккинчи бундай ишларга аралашмайдиган килдик, мана энди Узбекистонга хар кандай халкаро ташкилотлар келаверсин, улар барибир сиримизни ошкор киладиганларни топишолмайди, топганлари эса очик гапиришга куркишади, деб уйлаётибдилар. Накадар калтабинлик бу. Оллохи Таоло: “Улуглик ва катталик менинг либосимдир. Кимки бу сифатларимни мен билан талашса, мен уни дузахга дучор килгайман”, дейди ва бир оятда 3 ой подшох булган вактида нимани хохласам, ушани килавераман, деб уйлаган, хатто худоликни даъво килган золимнинг образини яратиб беради. Ушанга ухшаган, бир кулига Куръон, бир кулига Конституцияни ушлаб касам ичиб, уз амалини саклаб колиш илинжида халкни оломонга, манкуртга айлантиришга харакат килаётган бугунги золим образи хаёлингизга келдими? Ха, золимлик хар бир жамиятни баданига тушган куртдир. Шунинг учун Расулулоллох: “Жиходнинг энг макбули золимнинг юзига хак гапни айтишдир”, деганлар. Яна бир хадисда: “Кимки одамлар узига нисбатан хурмати учун тик туришларини хохласа, унинг жойи жаханнам булур”, деганлар. Маълумки, золим подшохлар, доимо уз кирдикорларини яширишга харакат киладилар. Улар рахбарлик килаётган юртда эркин матбуот булмайди. Лекин хеч кандай куч золимнинг кирдикорларини беркитиб кололмайди. Чунки, бундан 1400 йил аввал Расулулоллох башорат килганларидек: “Эшиги-ю деразаси йук бир силлик тошнинг ичида туриб иш килсаларингиз хам одамларга маълум ва ошкор булаверади”, деганлар. Бугунги вокеалар бу сузларнинг накадар хак эканлигини курсатиб турипти. Демократияда хам матбуотнинг бугилишини кораланаши бу табаррук сузлар билан хамоханг эмасми? Энди мана бу хадисга эътибор беринг: “Агар одамлар золимнинг халкка килаётган жабрини кура била туриб уни тийиб куймасалар, унинг касофатидан Оллох Таоло хаммага баробар азоб-укубат юбориши мумкин”. Очиги, шу хадисни дастлаб укиганимда миллатимнинг кейинги 150 йиллик тарихи куз унгимдан бирма бир ута бошлади. Бошимизга бугунгача ёгилаётган балоларни илдизини топгандай булдим. Алихон Тура Согуний (Оллох рахмат айласин) “Тарихи Мухаммад” номли китобида шундай ёзадилар:”Мухаммад каби пайгамбари бор эл, “Куръон”дек китоби бор эл, Исломдек дини бор эл нечун бугун бу кадар хароб?” Менинг хам хар доим юрагимдан шу каби бир мунгли бир нидо чикиб тилимни харакатга келтиради: “Эй узлигини унутган кимсалар, кимлигингни биласанми? Атрофингга кара, сени золимнинг зулми ураб олаяпти. Сенинг мард углонларинг сенинг дардингда уз Ватанларидан жудо булиб юриптилар. 130 йил олдин юртингни босиб олдилар. Отадилар, деб куркиб, гинг демадинг. Деганларни кулламадинг. 80 йил аввал сенга бойлардан ер олиб берамиз дедилар. Алдандинг, борингдан хам айрилдинг. Ер бераётган киму бой ким, уйлаб хам утирмадинг. Кодирий, Чулпон, Фитрат, Носир, Бехбудий кабиларни халк душмани дедилар. Сибирга жунатадилар, деб куркдинг ва чапак чалиб туравердинг. Охири узингни хароб килдилар. Юртингни таладилар. Писиб утиравердинг. Сени дардингни кутариб чиккан “Бирлик”ни соткин “53-54”лар ёрдамида булдилар, бугдилар. Камалиб коламан, деб куркканингдан камокдан бир оз кенгрок булган ининнга кириб утиравердинг. 80 йил сени талаб келганларни дустим дединг, дустларингни тупалончи, митингчи дединг. Тинчлигимизни бузувчилар дединг. Золимнинг умрини чузайлик дедилар. Кулинг куксингда, хар доимгидек “хуп булади” дединг. Хозир уйингда еб турган нонинг хам тугади. Энди нима дейсан?... Куфир йулини тутган золим кимсаларни Оллох улуг китоби булмиш “Куръон”нинг “Бакара” сурасида куйидагича таърифлайди: “Улар Оллохни ва иймонли кишиларни алдамокчи буладилар ва узлари сезмаган холда факат узларинигина алдай оладилар”. Огох булингизким, улар бузгунчилардир. Уларга “Мана бу кишилар каби имон келтиринг” дейилса, “Шу пасткашларга ухшаб мумин буламизми?” дейдилар. Огох булингизким, уларнинг узи тубан кимсалардир. Лекин буни узлари биладиларми? Улар иймон келтирган зотларга йуликканда, узлари учун фойда курсалар “Биз хам иймон келтирганмиз” дея биладилар. Аммо узларинг шайтонлари (бошликлари) билан холи колганда эса “Биз сиз билан биргамиз, факат уларнинг устидан кулмокдамиз”, дейдилар. Гап золим подшохлар хаккида кетар экан, подшохнинг зулми ортгач унинг атрофидан адолатли кишилар узларини олиб кочиб, виждонсиз, иймонсиз кимсалар унга якинлаша бошлайдилар ва бундай жамият албатта таназзулга учрайди. Золим подшох билан халк орасидаги иплар узилади. Энди золим халк билан тугридан тугри эмас, суд, милиция, КГБ, прокуратура каби органлар оркали гаплашади. Мен бир юкори лавозимларда ишлаган милиция полковнигини биламан. У генералликка даъвогарлар ичида эди. Аммо 1992 йил ёзда бир кечада узи ариза ёзиб бушаб кетди. Чунки у кулини халк конига буяшни истамади. Оллохдан куркди. Ёки булмаса Шукрулло Мирсаидовнинг охирги йиллардаги тарихини олайлик. У киши уз вактида мардлиги, матонати туфайли халк орасида кундан кунга ошиб бораётган обруга эришганди. Айнан шу нарса уша пайтда золимликга даъвогорлик килаётган кимсани чучитиб юборди. Миллат такдири ва келажагини сарик чакага хам олмайдиган бу кимса уз амал курсисидан ажралиб колиш васвасасида биродаридан хам воз кечишга тайёр эди. Шу борада бир ривоят эсимга тушиб кетди. Амир Темур подшохлик даврида купчилик билан маслахатлашиб бир ишга киришишни дастурамал килиб олган эканлар. Кунлардан бир куни у кишининг якинларидан бири бошка бириси тугрисида: “Амирим, буюринг шу бадбахтни калласини танасидан жудо этай. Хар кенгашда нукул сизни танкид килади” деганда, бобокалонимиз: “Асло! Кани энди шундай кишилардан яна беш-унтаси булганда, ишларимиз янада юришиб кетарди”, деган эканлар. Бизнинг “Катта”ни атрофидагилардан факат Мирсаидовгина уни танкид киларди. Табиийки, бу нарса унга ёкмади. Шукрулло ака хукумат ичида булган замонлардаёк Оллохдан куркмас кимсалар эл орасида “Мирсаидов мафиянинг одамидир” деган миш-мишлар таркатдилар. Агар Шукрулло ака Мирсаидов бугунги юзлаб амалдорлар каби уз иймон ва виждонини сотиб, халк дардини унутиб ялокилик килганда эди, унга катта амаллар хозир эди. Лекин у бундай килмади. Оллохдан куркди. Узбекистоннинг сиёсий ва иктисодий йули шу йуналишда кетса халк кашшокликка дучор булишини, давлат инкирозга учрашини очик айтиб истеъфога чикди ва сиёсий мухолифлик йули билан халкига хизмат килиш йулини танлади. Бу Туркистон тарихидаги биринчи вокеа эди. Чунки хозиргача хеч ким бизнинг улкамизда амалидан воз кечиб истеъфога чикмаган. Шу пайтгача амалдорлар ёки бутун умр режимга хизмат килиб дунёдан утардилар ёки камокхоналарда йук килинардилар. Мирсаидовга хам уйдирма айблар куйиб суд килдилар, урдирдилар, оиласи, фарзандлари, хатто кариндош-уругларини азобладилар, автомобилини портлатиб, уйига ут куйиб улдирмокчи булдилар. Аммо Олох унга ёрдамчи булди, у уз йулидан кайтмади. Уз эътикодини бу дунёнинг вактинчалик рохатларига алмаштирмади. Абдурахим ва Абдуманноб Пулат, Мухаммад Содик Мухаммад Юсуф, Жахонгир Мухаммад, Пулат Охунов, Ёдгор Обид, Мухаммадамин Нарзикулов сингари унлаб миллатпарвар эл фарзандлари хам кувгин килинган булишларига карамасдан буйин эгмадилар ва миллатнинг хуррияти учун курашларини давом эттирмокдалар. Биз мустамлака булган замонимизда мустакиллигимиз учун кураш бошлаган Боймирза Хайит мустамлакачи Совет-рус режими томонилан ватан хоини, деб эълон килингани мустамлакачилар мантигига кура тугридир. Аммо мустакил давлатимизнинг хозирги рахбарлари хам Боймирза Хайитнинг уз ватанига кайтишига йул бермаётганлари мустакиллигимизнинг кандай мустакиллик эканлигини хам, рахбарларимизнинг ким эканлигин хам очикча курсатиб турибди. Миллатимизнинг юкорида исми тилга олинган ва бу ерда исми тилга олинмаган унлаб фарзандларини кувгин килиб юрган зот эса “Элим деб юртим деб ёниб яшаш керак” деган шиорни иккиюзламачилик билан таргибот килиб юрибди. Пайгамбаримиз саллаллоху алейхи ва салом шундай дейдилар: “Ун киши ва ундан ортик одамга бошлик булган кишининг киёмат куни икки кули буйнига боглик булгай. Агар у одил булган булса, адолат келиб кулларини ечади. Борди-ю золим булган булса, зулми кулларини махкамрок боглайди”. Хамма шу хадисдан узига хулоса чикариши керак. Аммо баъзибир иймонсиз кимсалар муборак хадислардан уз манфаатлари йулида фойдаланишга интилиб тез-тез “Подшох Оллохнинг ердаги соясидир” деган сузларни эслаб турадилар. Тугри, шундай хадис мавжуд. Лекин бундай муътабар унвонга факат имонли, адолатли подшохлар мушарраф буладилар. Бу хадисни уринсиз ишлатаётганлар пайгамбаримиз саллаллоху алейхи ва саломнинг “Кимки Парвардигорнинг газаби келадиган йуллар билан подшохини рози киламан деса, у Оллохнинг динидан чиккан булади” деган сузлари хам хадислар ичида борлигини билишармикан? Колаверса, бу кизил саллали подшохларнинг, тугрироги комиссарларнинг ишини кайси тарозилар билан улчаниши кераклиги хам мукаддас китобларимизда ракам килинган: “Бировнинг зохирига ёки килаётган ишига караб уни макташга шошилманглар, балки унинг охирги холига назар солинглар”. 1988-91 йиллари халк рухида демократик ва соф диний онг шакллана бошлаган эди. Одамлар хар бир ишда демократик ва диний йул- йурикларни меъзон килиб олабошлаган эдилар. Демократия ва ислом дини бир бирини инкор этувчи гояларга асосланган, деган иддаони байрок килиб кутарганлар хам бор булса-да, халк харакатининг деярли хамма аъзолари тамомийла карши фикрда эдилар. Мен шахсан узим “Бирлик” рахбари Абдурахим Пулатнинг уша йиллари Фаргона водийсининг эътиборли дин уламолари билан учрашганда демократия ва ислом динининг бир бирини инкор этмаслигини, бизнинг регионда улар биргаликда булганларидагина хакикий баркарорликга эришиш мумкинлигини асослаб берганининг шохиди булганман. Лекин вокеаларнинг бу йуналишда кетиши онги коммунистик рух билан сугорилган бошкарувчиларимиз наздида уларнинг яккахокимлигига карши исён булиб туюлди. Улар аввалига демократия тарафдори Горбачевдан чучиб халк ва унинг хакикий вакиллари булган “Бирлик”чилар билан хисоблашишга мажбур булдилар. Мустакилликка тиш-тирноклари билан карши турдилар. Чунки бу масалада Горбачевнинг фикри хам шундай эди, яъни, Горбачев СССРни парчаланишига йул куймасдан демократияни ривожлантираман, деб уйларди. Жумхуриятлардаги миллий-демократик харакатларнинг уринишлари натижасида СССР парчаланиб, бошкалар катори Узбекистон хам мустакил булгандан кейин узига хон узига бек булиб колган коммунистик хукумат тезда узининг хакикий киёфасини курсатди. У одатдагидек, биринчи навбатда матбуотни янгидан кулига олиб, ошкоралик нихолларини йук килди. Бунинг окибати нима булганини хамма билгани учун мавжуд вазиятни ифодаловчи бир вокеани айтиб бериш билан чегараланмокчиман. Оллох рахмат килсин, бир журналист акамиз бор эдилар. Бир куни автобусда учрашиб колувдик, шу кизик вокеани айтиб бердилар. У киши вилоят радиосининг топшириги билан колхозлардан бирига бориб оддий дехконлар билан сухбатлашибди. Бир дехкон сухбат чогида хукуматнинг олиб бораётган сиёсатини тула коралаб, шу кадар хаяжон билан гапирибдики, журналист акамиз бу сузларни ёзиб олишим керак, уни радиода чикаришмайди, шунинг учун уни тарих учун саклаб куяман, деб уйлаб микрофонни дехконга узатибди. Дехкон микрафонга караб бир йуталиб олибди-да, бутунлай бошка охангда расмий газета ва радиоларнинг тили билан президентни макташга бошлабди. “Хозиргина бошка сузларни айтаётган эдингиз-ку, нима булди?” деган саволга дехкон шундай савол билан жавоб берибди: “Сизга нима булди узи, ёки радиода танкид сузларини айтишга рухсат келдими?” Маколанинг шу еригача баён килинган фикрлар билан биз демократия гояларининг Ислом акидаларига асосий жихатлардан мос келишини исботлашга уриндик. Максадимиз - купчиликнинг онгига мухрланиб колган фикрларнинг нотугри эканлигини курсатиб бериш эди. Кукон шахрининг аввлги хокими илм сохибларидан бирига “Куръонларинг зуру баъзи жойлари бизнинг сиёсатимизга тугри келмайди” дебди. Албатта, “Бизнинг уз йулимиз бор” деб кофир Лениннинг сузларини такрорлаёт-ганларнинг сиёсати билан Ислом динининг тугри келмайдиган жойлари бор. Лекин бу динсизларнинг узини демократияга кандай алокаси бор? Маколамиз охирида “Дин сиёсатдан ажратилиши керак” деган фикр ва “Хакикий диндор кимдир?” саволи устида кискача тухтаб утмокчиман. Шахсан мен динни сиёсатдан ажратиш деганда маълум бир диннинг хукмронлик килмаслигини тушунаман. Дин одамларнинг калбида яшаши керак, деб уйлайман. Айтайлик, Ислом динининг фарз ва суннатларини бажариб турган бир мусулмон демократик хокимият тепасига сайлов йули билан келса, бу Ислом дини хокимиятга келди дегани эмас. Ундай кишилар хокимият тепасига келсалар, юртда миллатидан катъий назар барча одамларига эркинлик берилган адолатли жамият барпо булиши мукаррар. Чунки, Ислом дини мажбурий дин эмас. Оллох “Факат мусулмонлардан ташкил топган юртда бир яхудий яшаса хам, унга шароит яратиб беринг”, деган. Баъзилар диндор деганда салла ураб чопон кийган, соколли кишиларни тасаввур киладилар. Менинг назаримда ундай эмас. Хакикий диндор аслида улар булмаслиги хам мумкин. Чунки бугун телеэкранларда, масжидларда салла ураб олган “кизил салла”ларни куриш мумкин. Улар нима билан шугулланаётганларини халк уз кузи билан куриб турибди. Хакикий диндор ташки куриниши билангина улчанмайди. У кора костюм-шимда, оппок куйлакли, буйнида галстуги, бошида сочи бор одам булиши мумкин. Диндор укитувчи, шоир, ёзувчи, курувчи, журналист, иктисодчи, бизнесмен, дехкон, сиёсатчи хам булиши мумкин. Диндор узгаларнинг фикрини сабр-токат билан эшитиб хурматловчи, бошка диндаги кишиларни хурматини жойига куйувчи, диний илм билан биргаликда дунёвий илмларни чукур урганувчи, Оллохнинг илмини одамларга етказиб, уларни хам хак йулга даъват этувчи, атрофида булаётган вокеаларга очик куз билан назар солиб уларга сиёсий бахо беришга харакат килувчи, том маънодаги покиза инсондир. Бундай кишилар, табиий-ки, демократик йул йурикларни кадрлайдилар. Миллатнинг дардига бефарк карамайдилар, жим турмайдилар. Жим туролмайдилар, чунки иймонлари жим туришга йул бермайди. Зеро, мукаддас хадисларда Расулулоллох (С.А.С)нинг шундай сузлари келтирилган: “Заифлари кучлиларидан уз хаккини ундириб олмайдиган халкни Оллох кандай улугласин”. Бошка бир хадисда шундай дейилади: “Кандай булишларингизга караб сизларга бошлик юборилади”. Ислом мутафаккирларидан Абу Али Раккок: “Хакикат топталар экан, уни куриб жим турган кимса тилсиз шайтондир” деган эканлар. Менинг миллатимни абадий “тилсиз шайтон” булишликдан Оллохнинг узи асрасин. Омин! Жура Угли 1997

Ким кимдир? Who is Who?Добавить персону