Журнал Ҳаракат №1 (16) 1999. Жамият муаммолари
Ёдгор Обид - Поп Гапон ва Узбекистон зиёлилари
1. Акидапарастлик хавфлими ёки дохийпарастликми? Юртимизда давом этаётган фожеавий холат, сиёсий, ижтимоий, иктисодий инкирознинг навбатдаги поганаси бизни илмий тахлил даъвосини килмаган холда, икки сузнинг маъноси, келиб чикиши, бугунги вокеъликларда тутаётган урни хусусида фикрлашиб куришга, шунингдек, юкорида куйилган, куринишидан галатирок саволга жавоб излашга чакираяпти. Яна бир марта ургулайман, бундай савол биз томондан эмас, балки давр вокеълиги томонидан кундаланг куйилди. «Дохий» сузи 70 йиллик большевик-коммунист системаси даврида барча халклар такдирини белгиловчи мудхиш ишорага айланиб келган булса, бугун «Бошизм» даврида «Акида-Акидапараст» сузлари Узбекистон ахолиси такдирига фожеъавий таъсир курсатувчи мудхиш ишораларга айланиб колди. Шу сабабли бизнинг бахсимиз бир суз ёки бир товушни ифодаловчи бир харф устида йиллаб илмий мунозоролар олиб борадиган аллома олимларимиз бахсларидан фарк килади. Бугунги кунда бутун бир халк бошига фожеъа ва маломат тошлари булиб ёгилаётган «Акида» сузини бундан 25 йил бурун «Тоглар, беринг юрагингиз» номли шеъримда ишлатганим ёдимга тушди. Уша шеър парчаси: …Бир акида эшитгандим кадим-кадим, «Тог юрагин топган етар тилагига». Мен хам умид билан келдим. Катъий ахдим. Викор сизга булсин. Викор нима менга!… Майли осмон бошин эгсин бошингизга, Юлдузларнинг илк жилоси сизга колсин, Хатто хавас килмам узок ёшингизга, Факат битта эхтиросли илтимосим - Тоглар, менга берсангиз бас юрагингиз! Бу ерда «Акида сузи» «урф булган бир тушунча, одат этикоди» маъносида ишлатилган. Шеърни деярли барча китобларимга киритганман. Тилшунос олимлар, китобларга такриз ёзган адабиётшуносларнинг ёки мухаррирларнинг биронтасидан «бу суз ноурин ишлатилибди» деган гапни эшитмаганман. Демак у пайтларда «Акида» сузи сиёсий хавфли куролга айлантирилмаган эди. Хамма нарса - муносабатга, айникса рахбарнинг муносабатига боглик булиб колаётган хозирги даврда Узбекистон зиёлилари учун бу сузни ишлатмаслик ёки ишлатганда хам, эхтиёткорлик билан, салбий ургу бериб ишлатиш - шахсий мухофаза билан баробар булиб колди. Фожеъа жараёнида кулгили холатлар хам учраб туради. Уйлаб курилса, бу сузнинг узбек халки фожеъасига сабаб булиши тарихида хам шундай кулгили холат мавжуд. Бу, энди президентнинг савод ва фаросат, атрофидагиларнинг хулк ва тушунчалари, яъни, акидалари билан боглик холат. Биз бу ерда «Акида» сузини яна ужарлик билан, «тушунча» сузига уйкаш килиб ишлатдик. Максад - жумлага эътибор беринг ва уйлаб куринг. Бу суз шу кадар хавфлимики, Узбекистон Президенти уйкусида хам босиринкираб чиксин, минглаб одамларнинг умрлари камокларда утсин ёки хозирча камалишга улгурмаганлар титраб- какшаб кун кечирсинлар. Агар бу сузда шундай бир дахшатли куч яшириниб ётган булса, президентнинг ахволига чиндан хам ачиниш керак. Чунки акида унинг узида йук. Барча атрофидагиларда эса, озми-купми, бор. Факат хозирча буни ошкор килишга куркадилар. Акидасиз одам, эл, айникса зиёли булмайди. У харкимда хархил, хар элда турлича булиши мумкин. Тушунча, урф-одат, эътикод каби. Биз юкорида «Тушунча билан уйкаш» дедик. Чунки, гарчи «Акида»: «тушунча», «ишонч», «анъана», «урф», «одат» сузларига якин, маъно жихатидан уйкаш келса хам, тугридан-тугри ифода булаолмайди. «Акида»-узига хос маънога эга булган мустакил суз. Узбек тилига араб тилидан келиб, узлашиб, сингиб кетган куплаб элементлардан бири. Куплиги «Акоид» булади. Узбекчада куплиги арабча «Акоид» формаси, яъни шакли эмас, балки узбек тили коидасига биноан «лар» кушимчаси ёрдамида «Акидалар» сифатида кулланилади. Халк орасида «фалон юртда (ёки шахарда, кишлокда) фалон акида бор экан», «фалон оиланинг шундай акидаси бор», «фалончининг акидасига кура» каби жумлаларни куп эшитиш мумкин. Акида кишиларнинг ташки куринишлари, кийинишлари, сокол-муйлов куйишлари ёки куймасликлари, узларини тутишларида хам куринади. Аммо бу куринишлар акида эмас, акида белгилари, тугрироги - акида ифодалари. Бирор юрт акидалари шу юрт ахолисининг огзаки ижоди - маколлари, масаллари, афсоналари, кушиклари, ракслари ва бошкалар оркали уз ифодасини топган. Ёзма илмий ва бадиий адабиётда хам айнан шу куринишда ишлатиб келинган. Халк орасида, айникса Фаргона водийсида, куп ишлатилади. Ватандан узокда, давр такозоси билан хорижда яшашга мажбурлигимиз, кулимизда етарли манбаалар йуклиги сабабли фикримизнинг далили сифатида куплаб иктибослар келтириш имконимиз йук. Ундан ташкари, бунга ортикчаэхтиёж хам булмаса керак. Факат айбномага айлантириб, диний либос кийдирибгина куяётганлари, минглаб бегунох одамларнинг жабр чекишларига, хатто хаёт билан видолашишларига сабабчи килиб куяётганлари учун, аслида беозор маъно ташувчи бу суз химоясига бир неча изох бериб утиш заруриятини сездик халос. Юкорида айтилганидек, куриниб турибдики, бу сузнинг асл маъноси дин билан боглик эмас. Тугри, хаётда диний акидалар хам мавжуд. Масалан, хадислар бизга диний окидалардан дарак беради, ургатади. Суфи Оллоёр, Ахмад Яссавий, Бокиргоний, Машраб, Насимий каби буюк алломалар ижодлари хам диний акидалар билан боглик. Агар, бордию, акида сузи факат диний манога эга булганида хам уни бегунох одамларнинг ёстигини куритиш учун айбнома сифатида ишлатишга асос йук. Аммо бугунги Узбекистон давлат бошлиги, хукумат рахбарлари асосга эхтиёж сезмайдилар. «Бури билан кузичок» масалидаги «овкат булса танланурми корин очганда» принципида иш кураберадилар. Узбек-совет тилшунослари бу сузга, замоннинг зайлига караб, турли даврларда турлича изох бериб келганлар. 1981-йилда чоп этилган «Узбек тилининг изохли лугати»да, куринишидан, аник бир карорга келолмаганлар шекилли, икки маколадан иборат икки хил тушунтириш берганлар. Хатто юзаки куз югуртирган одам бу изохларнинг хар иккаласида хам ички карама-каршиликни яккол пайкайолади. Унда келтирилган мисоллар эса, муаллифлар истамаган натижани беради ва бизнинг фикримизни тасдиклайди. Макола лугатнинг 67-бетида, «Акидапарастлик» булимида. Уни тулик келтириб, тахлил килиб курамиз. Акида [а] китобий. 1. Кур-курона ишонишга, эътикодга асосланган далилсиз ва исботсиз коида; Догма. Диний акидалар. Сиёсий акидалар…. - Дунёдаги халкларнинг купчилиги уртасида… ер юмалок эмас, балки япалок, деган афсона юрарди. Бизда хам худди шундай акида хозиргача хукм суриб келди, - деди Элмурод. П. Турсун. Укитувчи. 2. Ишонч; Ишонч билан айтилган ёки каттик ишонилган фикр, мулохаза. «Хар икковларининг (отам билан уста амакимнинг) айрим одамлар хакидаги фикр ва акидалари бир эди». Айний. Эсдаликлар. Акида килмок, уйламок, … деб билмок. У бу кунгача «Саидий менинг кулимда бир зувала хамир: Тиласам кулча кмламан, тиласам бугирсок» деб акида килар эди. А. Кахор, Сароб. Изохларнинг турли-туман ва бир бирига канчалик узок, карама-карши эканлигига этибор беринг. Шундан сунг кандай килиб, кай куриниши билан бугунги давлат рахбарлари кулида халкка карши айбнома-куролга айланиб колгани хакида уйлаб куринг. 1-изох: Кур-курона ишонишга, эътикодга асосланган далилсиз ва исботсиз коида; Догма. Демак, хар холда - коида. Догма сузининг нима учун бу ерда изох сифатида пайдо булиб колганини тушуниш кийин. 2-изох: Диний акидалар, Сиёсий акидалар. Демак, акидалар факат диний булмай, сиёсий хам булиши мумкинлиги(яъни «тушунча», «эътикод» сифатида) тан олинаябди. Шу ерда макола муаллифи нима учундир мисолни туликлаши мумкин булган «Хаётий акидаалар» иборасини кушиб куйишдан узини тийган. Айнан «Хаётий акидалар» «акида» сузининг маъносини туликрок очиб берган буларди. Бунинг «догма»га алокаси йук. 3-изох: Парда Турсуннинг «Укитувчи» романидан келтирилган парча. «Дунёдаги халкларнинг уртасида… ер юмалок эмас, балки япалок, деган афсона юрарди. Бизда хам худди шундай акида хозиргача хукм суриб келди». Роман кахрамони «шундай акида»ни «шундай фикр», «шундай тушунча» маъноларида укдирмокчи ва бу «хукм суриб келаётган» фикр ва тушунчанинг нотугри эканлигига ургу бераябди. Демак - «фикр», «тушунча». Энди 2-маколани биргаликда куриб чикайлик. «Ишонч; ишонч билан айтилган фикр, мулохаза». Абдулла Каххорнинг «Сароб» романи кахрамони «…тиласам кулча, тиласам бугирсок киламан деб акида килар эди. (Таъкид муаллифники). Демак, шундай «уйлар эди». Бу ерда «акида» – «уй», «уйлаш» урнида келаяпти. Ёки Садриддин Айнийнинг «Эсдаликлар» киссасидан келтирилган парча: «…айрим одамлар хакида фикр ва акидалари бир эди. С.Айний суз характерини яхши билган ёзувчм эди. «Акида» сузини Абдулла Каххорга нисбатан уринлирок ва аникрок, асл маъносига якинрок, мустакил суз сифатида ишлатган. Лугат изохчиларининг «догма»сини Айнийнинг «акидаси» урнига куйиб куринг: «…айрим одамлар хакида фикр ва акидалари (догмалари) бор эди» десак, табиий, кулгили чикарди. Демак - «Акида» мустакил маънога эга, алохида, факат салбий ва ёки факат диний холатни эмас, балки хаётий холатни хам ифодаловчи суз. Лугатда учинчи киска изох хам мавжуд: Акидапараст [а К ф К т] салб.(яъни – салбий) Акидаларга кур-курона ишонувчи, акидаларга ёпишиб олган киши, догматизм тарафдори; Догматик. “…Акидаларга ёпишиб олган”, яъни юкоридаги мисоллар ва изохларда курганимиздек, фикр, тушунча, ишонч, эътикод ёки уларнинг кайбиригадир ёпишиб олган киши нима учун узбекларга номаълум булган “догма”, “догматик” сузи билан айбланиши керак. Изохли лугатда курганимиздек, “акида” сузи агар тушунча, фикр, эътикод, мулохаза булса, демак - минг-минглаб бегунох одамлар фикрлари, эътикодлари, тушунчалари, мулохазалари учун умрларини камокларда, сургунларда утказаётган эканларда. "Акидапарастлар" дея минбарлардан туриб бутун бир халкни маломат килаётган президент шу билан узини узи айблаётганини тасаввур килолмаса хам керак. “Акида” сузига “Узбек тилининг изохли лугати” берган изохларни яна бир бор алохида санаб утамиз: 1) Коида; 2) Фикр; 3) Ишонч; 4) Эътикод; 5) Уйлаш; 6) Мулохаза; 7) Тушунча. “Акида”нинг узбек тилига кириб узлашиб кетган арабча элементлардан бири эканини юкорида айтиб утдик. Унга форсий элемент булган “параст” ифодаси кушилиб “акидапараст” атамаси юзага чикарилган. “Параст” сузи узбек тилидаги “-чи” кушимчасини урнини эгаллаган. Энди шу кушимчани куллаб куринг: “акидачи”, “коидачи”, “фикрчи”, “мулохазачи” в.б. Баъзи сузларга салбийлик туни сифатида узбек тилидаги “-чи” кушимчаси урнига бегона, шунингдек форс тилида хам суз ясовчи хисобланган “параст” кушимчасини ишлатишни одат килганлар. “Акидачи” у кадар айбнома охангини бермайди. Колаверса «халк», «ватан», «миллат» каби сузларда хам хеч кандай салбий маъно булмагани холда, бир вактлар уларга хам «парастлик» кушимчасини кушиб, айбномага айлантиришган эди. «…Чулпонни халкпарастлик, ватанпарастлик, миллатпарастликда айблайбошлашди», деб ёзади таникли адабиётшунос Озод Шарафиддинов шоир Чулпоннинг 1991 йилда чиккан китоб сузбошисида. «Халк», «ватан», «миллат» каби буюк, мукаддас сузларни айбномага айлантиришдан тоймаган тузум эгалари учун «акида», «акидачи», «мулохаза-мулохазачи», «фикр-фикрчи», «уйлаш-уйловчи» в.х. сузларни айбномага айлантириш хеч гап эмаслигини бу кунда яна бир марта куриб турибмиз. Хатто лугатда бир марта тилга олинган «догма» сузи хам уз маъноси билан айбнома булолмайди. «Догма» сузининг асл маъносини оддий ахоли уёкда турсин, хатто зиёлиларнинг купчилик кисми хам билмаслиги, тушунмаслиги сир эмас. Хуш, «догма» сузининг кандай яширин, мудхиш ва вахимали маъноси бор экан. Бу сузни хам совет идеологиясига хизмат килдиришга уринишган, албатта, ва шу истакларидан келиб чиккан холда такдим килганлар. 1942 йилда нашр килинган «русча-узбекча лугат» 130-бет: Догма - ж. Догма; акийда; эътикод. Догматизм - ж. Догматизм; эскириб кетган ёки исбот килиб булмайдиган коида ва фикрларни асослашга уриниш. Эътибор беринг: Биринчи маколада «догма» - акийда, эътикод эканлиги таъкидланди. Маълумки, эътикод учун тазъйик - жахон жамоатчилиги томонидан кораланади. Харкимнинг эътикод хукуки бор ва у Узбекистон ва кушни Туркманистондан бошка хамма жойда, бутун дунёда химоя килинади. Араб грамматикаси коидасига кура «Акида» ва «Эътикод» - уйкаш, бир «к» узагига таянган сузлар. Мантикан – агар «акида – акийда» сузи «эътикод», «уйлаш», «фикр», «тушунча» в. х маъноларга эга булса, демак – акидачаларни, акида – парастларни тазъйик остига олишга хечкимнинг хаки йук. Аксинча, бундай одамлар рахбатлантирилиши, таъзйикка олганлар эса жазоланишлари керак эди. Лугатдаги иккинчи маколада «догма» сузига одатдаги «изм» кушиб, «догматизм» ясалади ва айбнома даражасига туширишга уринилади. Изохга яна бир эътибор беринг: «Эскириб кетган ёки исбот килиб булмайдиган коида ва фикрларни асослашга уриниш». Хуш, эскириб кетган ёки исбот килиб булмайдиган коида ва фикрларни асослашга уринишнинг нимаси ёмон? Нимаси жиноят? Биз юкорида «акида», «акидапарастлик» – айбнома булолмаслигини, колаверса, лугатларда унга «догма» нисбати нотугри берилганини исботлашга уриндик. Бу нуктада эса хатто «догма»нинг узи хам айбнома булолмаслигини таъкидламокчимиз. Бирон нарсани иссботлашга уринган одам, яъни догматик (лугат изохига кура) жиноятчи, айбдор булса, демак, биз хам шу исботга уринишимиз билан жиноят килдик, яна бир бор айбдор булдик. «Акидапарастлик хатарлими ёки дохийпарастликми?» кабилидаги савол умумий манода, турган гап, галати куринади. Аммо узбекистонликлар бугунги кунда ажабланмайдилар ва хатто хеч иккиланмай акидапарастликнинг накадар хавфли, зарарли эканлиги хакида гапирадилар. Сабаби - «Юртбошимиз шундай деганлар». Аслида хам тугри жавоб. Зеро акидапарастликда айбланган одам - халк душмани даражасида айбланиши ва жазоланишини билмайдиган одам йук. Сокол куйдингми - акидапарастсан, миллий кийимда кучага чикдингми - акидапарастсан, ок румол урадингми - акидапарастсан. Бахоналар истаганча топилади. Акидапарастликда, айникса, мухолифат вакиллари ва унга хайрихохларини айблаб, камокка олабошлаш президент жазавасининг навбатдаги погонаси эканлигини юкорида ишора килиб утган эдик. Бундан олдин айбномалар бирнеча бор номини узгартирди. Дастлаб, «Бирлик» халк харакати амалий сиёсий кучга айланган, ахоли орасида таъсир кучи кенгаябошлаган даврда харакат фаоллари экстремизмда айбланиб, камокка олинабошладилар. «Бирлик» халк харакати фаолиятида хам, программасида хам экстремистлик белгилар йук, у халк ва мамлакат манфаатларини кузлаб майдонга чиккан ягона, демократик сиёсий йуналишдаги ташкилот сифатида кураш огир булишини узок давом этишини хисобга олган. Экстремистлик эса – максадга тезрок эришиш учун килинган харакат. Бу манода «экстремизм» айбнома булолмасди. Бу суз маъноси ошкор булиб, тез орада курол сифатидаги кучини йукотди. Урнини «вахобий», «вахобийлик», кейинрок - «кора кучлар» атамалари эгаллади. Ва нихоят - акидапарастлик. Атама узгаришлар руй бериб турди. Лекин давлат сиёсати узгаргани йук. Бошка атамаларга нисбатан «акидапарастлик» хукуматга хам, унинг топшириклари билан иш курувчи суд, прокуратура, ДХК, милицияга хам кул келди. Беайб одамни айблаш учун энди илгаригидек патрон, бузук туппонча, кукнори ёки бир чимдим наша ташлаб куйишга эхтиёж йук. Бу ишларнинг узига хос мураккаб томонлари бор. Милиция ходими нихоятда чаккон, кузбуямачи даражасида уддабурро булиш керак. Ундайлар эса милицияда кам учрайди. Чунки нонини топиб ейдиган даражадаги соглом, эпчил, уддабурро йигитлар милицияга ишга келишдан хазар килади. Акидапарастлик эса тайёр айбнома булиб колди. Агар давлат рахбарида озми - купми, ижодий фикрлаш кобилияти бор булса, бу кобилият хам айнан ана шунга йуналтирилган булиши мумкин. Аммо бунга бизнинг шубхамиз бор. Акидапарастлик атамаси узбек тилини заиф-ночор биладиган «юртбошининг» бошига келиши гумон. Атрофига йигиб олган «зиёли» - «шоир» ва «ёзувчилар»дан икки-учтасига «демагог»нинг узбекчаси нима булади? Тез топинглар» дея топширик беради. Турган гап, Уткир Хошим, Азим Суюн, Мурод Мухаммад Дуст, Абдулла Орипов, Эркин Вохидлар хам эхтиёткор одамлар сифатида,олдин шоша-пиша «лугат»ларни вараклаб чикадилар. Суз топилди. Тилга номи олинганлар бу суз «Юртбошига» нима учун керак булиб колганини яхши биладилар. Аммо сузнинг асл маъносини тахлил килиб хам, «катта»ларига укдириб хам утирмайдилар. Бунга эхтиёж йук. Жаллод кулига ойболта тутказиш ва четга чикиб, минбарлар, телевидение оркали халк фидоси сифатида шеъру- касидалар укиш - хаётлари мазмунини ташкил этади. Суз маъносига «катта» хам эътибор бериб утирмайди. Кулогига илиб олди, бас, сессия борми, телевизор борми, сонсиз - саноксиз мажлислар борми - хамма жойда ва хамма васиталар оркали бу бечора сузни тугри келган томонга укдек отабошлайди. Суз шу йил билан куролга, жаллод кулидаги куролига айланади. Юртнинг барча газета - журналлари, радио-телевиденияси хам «Юртбоши»нинг огзидан чиккан сузни тутидай такрорлаб, турли-туман тунлар кийдирабошлайдилар. Чунки улар хам аслида, тугри маънода, «катта»нинг шахсий (жинсий эмас) органига айлантириб куйилганлар. Дарвокеъ , «Юртбоши» хакида куп гапирдик. Гап, асли юртбошида хам эмас. Биз уни шунчаки жараённинг бош иштирокчиларидан бири сифатида тилга олдик холос. Барча, хукумат тепасида турганларнинг хам, «катта»дан то оддий милиция офицерига кадар такдирлари мавжуд ёпик коммунистик очик «бошистик» тузум такдири билан боглик. Тузум такдири эса, «зиёлилар» «катта»нинг кулига тутказган, кон юклари хечкачон аримаган жаллод ойболтаси билан боглик. Биз буюрилган ишни бажарибгина колмай, купинча уз «ташаббуси» билан хам иш курадиган, давлат бошлиги ёки бошликлари томонидан чексиз хукуклар бериб куйилган милиция, ДХК, суд, прокуратура ходимларини образи сифатида «жаллод болтаси» иборасини ишлатдик. Шу пайтгача руй бериб келаётган вокеалар бизнинг халкимизга исбот булаолади. Бу болтани чархлаб турувчилар эса «президент атрофида бирлашамиз» шиорини уйлаб топган, шу шиорни узлари учун халк лаънатидан асровчи соябонга айлантириб олган, шу соябон остида яшаб, «ишловчи» президент «зиёлилари»дирлар. «Аввал СУЗ мавжуд эди», дея, хамма нарса ва вокеъликлар аввали-боши суз эканлиги таъкидланади, муккаддас турт китобнинг бирида. Суз, айникса, ёзма суз кудратини большевиклар хам яхши билганлар ва алохида ахамият берганлар. Суз уларнинг ва факат уларнинг хизматида булиши ккерак эди. Суз ва суз айтувчилар, - сузни таркатиш воситалари назорат остига олинди. Улар учун курсатгич сифатида кизил чизик тортилди. Бу чизикдан тойиш, четга чикиш мумкин эмасди. Бутун Совет хокимияти тарихи давомида чизикдан чикканлар киргин килиб келинди. Зиёлилар чизик буйлаб юришга ургандилар, куникиб колдилар, бошка йуллар хам борлигини тасаввур килолмайдиган булдилар. Бу томошохоналарда хайвонларни ургатиш усулларини эслатади. Тошкентда бир неча кун булиб кайтган Хельсинкилик дустим бир вокеани хайрат туйгулари тулиб-тошиб гапириб берди. «Тошкент чойхоналари сухбатбоп жой булар экан, - дея бошлади у гапини, - уч-турт таникли, айтишларига караганда прогрессив, мустакил фикрга эга ёзувчилар билан гурунглашиб утиргандик. Мен гап орасида «радио-телевидение уёкда турсин, бирон газета ёки журналнинг давлат идораларидан холи эканини курмадим. Хаммаси кандай идоранинг органи эканлиги кайд килиб куйилган. Аслида барча матбуот ва ахборот воситалари мустакил, эркин булиши керак эди», - дедим». Демасам булар экан. Хамма хозиргина чакчаклашиб утирган прогрессив, мустакил фикрга эга булганлар устларидан совук сув куйгандай жим булиб, хумрайишиб колишди. Эркин Аъзам деган бир катта ёзувчи хам менга бироз совук караб турдида, унг кулини пахса килиб «Газета-журналлар мустакиллиги хакидаги эртакларингизни эшитганмиз. Ахир хаётда мантикан бу мумкин эмас. Кани, кандай килиб мустакил булади. Узи газета булса… когозга ким пул беради? Мухбирга ким пул беради? Бундай газета ким ва нималар хакида ёзади? Давлат ва хукуматни ёмонлаб ёзиши керакми? Шу ер, сув, хаво, одамлар, жону-жонуворлар хаммаси шу давлат бор экан, шу давлат билан бор ва тирикку», - деди. У яна анча вакт алланималарни куйиниб гапирди. Мен унинг, танилган ёзувчининг фикр даражасига хайрон булдим. Бошкалар хам «пропагандангни онангга кил» дегандай, чойларини тез-тез хуплаб ичишди-да, ковокларини уйганча таркаб кетишди. Бошка бир таникли шоир хам шу мавзуъда гап бошланиши билан «Бу бизнинг мустакиллигимизни куролмайдиганларнинг гапи», деб сухбат белини кесди. Нахотки уларнинг ёзганлари хам фикрлари каби бир хил булса!» Дустимнинг гапига мен ярим хазил килиб, Шекспир кахрамонларидан бири охангида «хали бизда сизни хайратга соладиган ишлар куп, дустим Юкко!»-дедим. Аммо у кулмади. Бу уша, биз юкорида эслатиб утган кизил чизик таъсири окибатининг давоми. Кизил чизик хали узилгани йук. Узини коммунистик-большевистик партиянинг меросхури деб эълон килган ХДП-Бошистик партиянинг ва шунингдек-давлатнинг бошликлари бу кизил чизик давомини янада куюкрок килиб тортиб куйдилар. Шунингдек, большевизм урнини эгаллаган «бошизм» тузуми даврида Узбекистон ички сиёсати, иктисоди буйича хам хеч кандай узгариш булгани йук. Бу тузумнинг номи «Бошизм» булиб, у большевизмнинг барча элементларини саклаб колдигина эмас, меросхур сифатида ривожлантирди хам. (Балки бу ерда ишлатилаётган «Бошизм» сузини хали билмайдиганлар булиши мумкин. Охирги пайтда гарб давлатларида пайдо булиб, «Фашизм»дан бироз фаркли ёзиладиган бу суз Туркманистон ва Узбекистондаги «туркманбоши» ва «юртбоши»ларнинг сиёсий йулини ифодалаш учун уртага отилган.) Москвалик бир журналист Тошкент бозорларидан бирида одамларга «Узбекистонда хаёт илгари яхшимиди, хозир яхшими?» деган савол билан мурожаат килганини айтиб берди. Унинг гапига караганда, купчилик кунглидаги гапларни очик айтолмаган, гапни чалгитишга уринганлар. Факат бир кария: «Качон Совет кайтади. Советнинг улса улиги ортик эди. Энди мустакилмиз деб миршабиям кун бермай куйди!» - деган. Бу мустакиллик кадрини билмасликдан, сиёсий саводсизликдан айтилган гап эмас. Аламзадалик билан айтилган гап. Бир шоир дустимнинг телефон оркали айтган гапи тугри булса, хозир матбуотда «иктисодий бухрон» жумласи ишлатилмас экан. Баъзи суз ва ифодаларни матбуот сахифаларида ишлатишни таъкиклаш - бизга илгаридан, совет давридан таниш манзара. Газеталарда бизга, яъни мухолифатчиларга карши ёзилган маколаларнинг асосий мазмуни деярли битта булди. У хам булса «уйдаги гапни кучага олиб чикиш - душманнинг иши». Угри - угрилигини, котил - котиллигини ошкор килишини истамайди. Бу табиий. Узбекистон давлат ва хукумат бошликларида (аслида давлат, хукумат, парламент ва куплаб кугирчок партиялар бошликлиги бир шахсда мужассамлашган, бу диктатуранинг биринчи ва асосий куриниши) бу иккала кусурни хам яккол куриш, керак булса исботлаш кийин эмас. «Иктисодий бухрон» иборасини ишлатишни таъкикланишининг эса, бошка долзарб маънолари хам бор. Ислом Каримовнинг «жахонда ягона, оламшумул, дунёни хайратга соладиган» сифатлари берилиб, кукларга кутариб макталган «иктисодий программаси»нинг умри куз очмай тугади. У республикани бошкарабошлаган дастлабки даврдаёк бошланган иктисодий бухрон тобора баттар авж олиб бораверди. Бу фожеали ахволни жахон жамоатчилигидан яшириш ихтиёжи тугилди. Аммо, унитмайликки, узбекларда «уйдаги гапни ташкарига олиб чикмаслик» иборасидан ташкари, «касални яширсанг иситмаси ошкор килади» дкган гап хам бор. Киска килиб айтганда, бу программа, ёки уз тили билан айтганда, «тамойиллар» нимадан иборат эди? Келинг, яхшиси «катта»нинг узидан эшитайлик. «Иктисодий ислохот: Маъсулиятли боскич. 7-бет»: «Биринчи тамойилимизда аввал иктисод, кейин сиёсат деган шиорни олга сурдик. Нега шу тамойил бошка шиорлардан, бошка тамойиларга нисбатан устунрок деб тан олинди? Бунинг маъноси жуда теран, азиз дустлар. Халкимизда «аввал-таом, кейин-калом» деган хикмат бор. Яъники, аввал одамларнинг корнини туйдир, бола-чакасининг хаётини таъмин этиб бер, ана ундан кейин сиёсатингни гапир!» Сиртдан караганда бу гаплар балки кимгадир чиройли куриниши мумкин. Ахир президент одамларнинг корнини туйдириш ташвишини килаяпди… Келинг, шошмайлик. Тахлилни,(гарчи тахлилга лойик булмаса хам, президентнинг гапи булгани учун) охирги жумладан бошласак: «Аввал одамларнинг корнини туйдир, бола-чакасининг хаётини таъмин этиб бер…» Шу жумлалар «юртбоши» фикрлаш кобилияти даражасини хам белгилаб бериши мумкин. …Тошкентдаги Бишкек кучасида жойлашган «Бирлик» халк харакати кароргохида навбатчилик килиб юрган кунларим оппок сочли бир тупрокшунос олим тупрок таркибини пахта монокультураси асоратларидан погона-погона тозалаш лойихасини бизга курсатиб, президентнинг хам назаридан утказиб олиш нияти борлигини айтди. Биз, табиий, унинг фикрига кушилдик. Олим мендан телефон килиб олишга рухсат суради. Телефон килгач, негадир, хуноби чикди. «Каранг-а, каранг-а!» Мен «нима гап, гаплашаолдингизми?» деб сурадим. У киши тобора диккати ошиб: «Каранг, Президент занят кормлением народа», дейдия! Президент ёрдамчиси хам шундай нодон буладими!» деди куйиниб. Мен унинг бироз шаштидан тушириш учун «Диккат булманг, эшагига караб тушовида», деб куйдим. Шундан сунг уша олим яна бир хафта давомида хар куни келиб телефон килиб турди ва жавоб хам бир хафта давомида бир хил булди. Уша пайтда президентнинг энг ишончли ёрдамчиси Крайнов деган одам эди. У пайтларда хали куп нарсаларни тушуниб етмаган булсам хам, «президент халкни бокаяпди», дейиш накадар нодонлик эканлигига аклим етарди. Президент ва унинг атрофдагиларнинг фикри (агар шуни фикр деб булса) эса бутунлай бошкача ва катъий эди. Китобдан келтирган парчамиздан куриниб турибдики, президентнинг бу хакдаги фикри кейин хам узгармаган. Келтирилган жумлалардан куйирокда «хакикий мехнаткашга муносиб шароит яратиш президент сифатида менинг вазифам» деган гап хам борки, бу гап президент концепциясидан кура купрок «камтарлик» даражасини, кобилият «савияси»ни курсатади. Энди «Биринчи таомил»га кайтайлик. У «аввал иктисод, кейин сиёсат деган шиорни олга сурдик», деди. Бу таомилни янгилик сифатида «теранлиги, устунлиги» хакида гап юритади. Биз айнан «гап юритади» дедик, «фикр юритади» эмас. Аслида «аввал иктисод, кейин сиёсат» янгиликми? Марксизм-ленинизм «таълимо-ти»нинг етмиш йиллик Совет тузуми даврида куллаб келинган асоси эмасми? Исботга эхтиёж куринмайди. Бу гаплар 1994 йилда айтилган. Орадан 5 йил утибди. «Энди одамларнинг корни туйиб колдими?» деган саволни уртага ташлаш учун етарли муддат утди. Тузум структурасида хеч нарса узгармагани эса шундай хам куриниб турибди. Уша-уша колхозлар. План талаб килишлар. Мактаб болаларини, талабаларни, шахар ахолисини мажбурий пахта теримига хайдаб чикаришлар. Очлик. Кашшоклик. Порахурлик. Миршабларнинг тинч ахолига нисбатан зуравонлиги. Монокультура. Экологик фожеалар. Маориф ва медицина сохасидаги фожеавий ахволлар… Булар камайгани йук. Мудхиш тус олиб, юкумли касалликдай кенгайиб, кучайиб бораяпди. У тухтамайди. Чунки бу холатларнинг илдизи рак касали илдизларидек таралиб кетган большевистик тузум илдизларидир. Бугунги номенклатура, бошкарувчи куч факат ана шу раксимон илдизлардангина озикланиб, кун кураоладилар. Афсуски, суз эгалари зиёлилар хам шу таркибга ёпишиб колганлар. …Аввал корнини туйгаз, кейин сиёсатдан гапир… Узбекистон ахолисининг бугунги холати олтин уюми устида оёк кулини боглаб, уткизиб куйилган одамни эслатади. У одамга «шу олтинлар сеники, сен бахтлисан, сен бадавлатсан», дейдилар. У эса очидан улади. Олтинлар ва ундан фойдаланиш иктисод, одамнмнг оёк кули богликлиги ёки оёк кулининг ечиб куйилиши сиёсат. Бошкача килиб айтганда сиёсат иктисод инкирозининг ёки аксинча, иктисод ривожининг асосий воситаси. Факат сиёсий эркинлик мухитидагина иктисод эркин ривожланиши мумкин. Акс холда фожеа, то олди олинмагунча, давом этаберади. Кай йул билан фожеанинг олдини олиш - хал килиниши тарихий заруратга айланиб колган масала.

Ким кимдир? Who is Who?Добавить персону