Журнал Ҳаракат №3 (18) 1999. ЖУРНАЛИМИЗНИНГ БУ СОНИДА:

(Суз боши урнига) - Узбеклар ким узи ёки Интернетдаги фикрлар
Биз бу киска маколада сарлавхадаги саволга тула жавоб бериш иддаомиз йук, лекин масаланинг мухимлигини хисобга олиб бу йуналишда атак-чечак булса хам илк кадамлар куйилиши лозимлигини ургуламокчимиз. Узбеклар кимдир, деган саволни куйганда узбекларнинг халк сифатида чикиб келишини, узбек халкининг тарихини назарда тутмадик. Максадимиз шу номни кабул килган халкимизнинг бугун ким эканлигини, бу халк вакилларнинг замонавий менталитети кандай эканлигини тушуниб етишга интилишдир. Бугунги узбекларнинг менталитетини илмий усулларга асосланган холда урганиш осон эмас. Узбекистондаги мавжуд режим шароитида балки бу килиб булмайдиган ишдир. Масаланинг энг кизик жойи шундаки, бу иш аввал хам килинмаган. Чунки советлардан аввалги замонда бундай саволнинг узи булмаган. Бу, хархолда, руслар келмасдан олдин Туркистонда жамиятнинг ривожланиш даражаси бундай саволлар куядиган даражада эмаслигидан булса керак. Руслар келгандан кейинги, бундан хам мухими советлар замонидаги халкимизга оид тадкикотлар ёки мустамлакачилик ёки коммунистик гоя остида утказилгани учун уларни объектив деб кабул килиб булмаслиги уз-узидан маълум нарса. Хуш, биз узимиз максадга кандай эришмокчимиз? Хозир Узбекистонда объектив тадкикотлар утказиш мумкин булмаса, нимага асосланиб сарлавханинг биринчи кисмидаги саволга жавоб бермокчимиз? Нимага асосланмокчилигимиз сарлавханинг иккинчи кисмидан куриниб турибди. Узбеклар Интернетда ёзаётган фикрларга асосланмокчимиз. Янада аникроги, "Бирлик" халк харакатининг Интернетдаги веб-сахифасида сахифа укувчилари тарафидан ёзилаётган фикрларга асосланмокчимиз. Чунки, "Бирлик"нинг веб сахифаси хар бир инсонга узбек тилида эркин фикр айтиш имконияти берадиган факатгина биринчи эмас, бундан хам мухими бирдан бир нашрдир. Тугри, бугун узбекларнинг жуда кичик гурухигина бу имкониятдан фойдаланолади. Лекин, на чора, хозир бошка илож йук. Шунинг учун Интернетдаги бу чекланган микдордаги инсонларнинг фикрини урганишни бутун миллатнинг менталитетини бахолаш йулидаги биринчи кадам сифатида кабул килиш мумкин ва лозим. -------------------------------------------------------------------------------- 1992 йилда Узбекистонда мухолифатга карши бошланган террор туфайли юртини тарк этишга мажбур булганларнинг бир кисми Туркияда келдилар ва узлари учун куп нарсаларни кашф этдилар. Туркия Гарб ва Шарк уртасида жойлашган мамлакат булгани учун булса керак, хам шаркдан келган хам гарбдан келганларни хайрон колдирадиган манзараларни узида мужассамлаштирган. Масалан, мамлакатнинг ташки куринишини олайлик. Истанбулнинг марказини кезсангиз сон-саноксиздек куринган гумбазли ва минорали масжидлар билан бир каторда христиан черковларини учратасиз. Кучаларда эса кузидан бошка хаммаёги кора чоршаф билан уралган аёллар каторида хатто Европаликлар нуктаи назаридан караганда хам хаддан ташкари куп жойини очиб юборган турк аёлларини куриш мумкин. Бунака контрастлик ижтимоий хаётда хам мавжуд. Улардан бири Туркияда ахолининг гурухлашгани, блоклашагани ва мавжуд гурух, блокларнинг кутблашгани. Диккатни тортадиган нарса гурухлашиш ва блоклашиш эмас, уларнинг кутблашганидир, яъни грух ва блокларнинг позицияларни бир биридан радикал фарклилиги ва фарклар мумкин булган юксак даражада эканлигидир. Бу холат демократик давлатлардан келганларни хам СССР каби собик диктатуралардан келганларни хам хайрон колдиради. Гарб давлатларида хам ахоли гурухлашган, блоклашган, лекин демократик шароитда бу нарса унчалик сезилмайди хам. Бунинг иккита сабаби бор. Биринчиси - гурух ва блокларнинг бир бирига нисбатан токатлилиги. Иккинчиси - ута радикал гурухларнинг кам сонли булгани, катта гурухларнинг позицияларини эса бир бирига нисбатан якинлиги. Шунинг учун гарбликларни хайрон киладиган нарса Туркиядаги кутблашишдир. Узбекистон каби диктаторликлардан келганларни хайрон колдирадиган нарса Туркияда гурухлар байрок килиб олган гояларнинг хилма-хиллиги, кутблашган гояларнинг, уларни тамсил этувчи гурухларнинг бир жамиятда, бир мухитда яшаётганлари. Бу факт хакикатдан хам урганишга лойик. Чунки Узбекистон хукумати зур бериб жамиятдаги кутблашиш албатта конли конфронтацияга олиб келади, деган маънода пропаганда олиб бормокда ва шу сабабли бошка турли фикрловчиларни йук килишга интилаётганини оклашга уринмокда. Туркиянинг тажрибаси биздаги ички сиёсатнинг иккиюзламачилигини фош этишга ёрдам беради. Тугри, Туркиядаги вазият уруш остонасидаги тинч-тотувликни эслатса хам, хархолда уруш эмас, тинчлик. Бундай тинчликнинг узок вакт давом этиб келаётгани эса турклар тугри мувозанат нуктасини топганликларини курсатгичидир. Туркияда учта кутб борлиги тугрисида гапириш мумкин. Булар: - Дин масаласида позициялари атеизмга якинрок булган сулчи-демократлар. Отатурк замонидан 60 йилларгача хокимият тамомийла бу кутб вакилларининг кулида булган. Туркия армияси улар тарафида. - Миллиятчилар. Бу кутб вакиллари ички ва ташки сиёсатда миллий гоя хукумрон булишини истайдилар. Бошка турк давлатлари билан якин алокада булиш тарафдорилар. Улар динга, унинг жамиятдаги роли ошишига карши эмаслар, лекин уммат гоясига араб миллатчилигининг воситаси сифатида бироз хадиксираб карайдилар. Сунг йилларда бу гурухнинг давлат сиёсатидаги роли ошиб бормокда. Хозир унинг асосий кисмини бирлаштирган Миллиятчи харакат партияси депутатларининг сони буйича парламентдаги иккинчи партия ва у коалицион хукуматга кирувчи уч партиядан биттаси. - Исломчилар. Бу кутб вакиллари ислом динининг жамиятдаги роли кескин оширилиши, ташки сиёсатда гарбга эмас, мусулмон мамлакатларига якин булиш тарафдорларидир. Сунг йилларда бу гурухнинг салмоги кескин ошиб бормокда Бу гурух ичида Туркияни ислом давлатига айлантириш тарафдорлари хам бор, лекин купчилик демократия билан динни бир-бирига карши куймайди. Гапни Туркия мисолидан бошла-ганимизнинг сабаби, Узбекистон мухолифати мустакилликдан аввалок келажак учун Туркия моделини танлаш тарафдори булиб, мавжуд режим бунга карши булиб келган булсада, хаёт мамлакатимизни объектив равишда бу модель йулига олиб келаётганини курсатишдир. Узбек жамиятидаги гурухлашиш, блоклашиш жараёнлари биз Туркия моделини "танлаб" булганимизни яккол намойиш килмокда. Узбекистонда ахолининг блоклашиш ва кутблашиш жараёнининг беркитиб булмайдиган даражага етиб келганини "Бирлик" халк харакатининг веб-сахифасидаги "Мехмонлар китоби" ва "Бахс маркази" булимларидан куриш мумкин. Уларни анализ килсак хозир узбек жамияти уч гурухга, уч блокка ажралганини курамиз: 1. Руслардан бизга мерос булиб колган коммунистик диктатурани косметик узгартиришлар билан давом эттиришни истаган, узини каримовчи деб айтаётган сулчи, аслида "неокоммунистик" гурух. Мавжуд режим тарафдори булган бу гурух коммунистик фразеологияни очикча ишлатмаса хам лекин у химоя килаётган гоялар (одил ва альтернативсиз лидер, хамма нарсани, хатто мухолифат тузишни хам, хукумат килиши кераклиги, хар хил бахоналар билан хусусийлаштиришга, биринчи навбатда, ерни хусусийлаштиришга каршилик килиш, демократияни турли бахоналар билан йук килиш, инсонларнинг хак-хукукларини ёлгондакам "жамият манфаатлари устинлиги" шиори остида оммавий топташ, динни факат реакцион куч сифатида куриш ва бошкалар) ва бу гояларни хаётга зуравонлик билан киритиш хамда саклаб туриш фикрлари бу гурухнинг "неокоммуинист"лигини аник билдириб куймокда. 2. Демократлар, аникроги миллий демократлар. Бу ерда миллий сузини ишлатишдан максад хали мустамлакачиликдан кутилиш жараёни тугамаганини, демак мустакиллик тула галаб козонмаганини, шу сабабли демократияни хаётга жорий килиш миллий давлат яратиш ва миллий кадриятларни тиклаш гояси билан бирга олиб борилиши кераклигини ургулашдир. 3. Исломчилар. Бу гурухнинг Туркиядаги исломчилар гурухидан фарки - ислом давлати, яъни шариат давлати куриш гоясининг яна хам очик ифода этилиши ва исломчилар ичида демократиянинг урни хусусида аник бир фикр шаклланмагани. Демократияни факатгина гарбдан келган суз булгани учун инкор этишни фикр деб хисобламасак, албатта. Кайта-кайта ёзишдан чарчамайдиган нарсамиз шундан иборатки, жамиятдаги гурухлашиш, блоклашиш ёмон нарса эмас. Коммунистлар 70 йил мадх этиб келган "монолит бирликдан" худонинг узи асрасин бизни. Гурухлашиш жамиятдаги турли фикрлиликнинг ташкилий шаклидир. Турли гурухларнинг мусобакаси шаклида сиёсий сахнага чикадиган турли фикрларнинг мусобакаси жамиятнинг ривожланишини таъминлайди. Лекин мусобака урушга айланмаслиги керак. Гурухлар хар доим жамият манфаатларидан келиб чикиб бир бирларини тушуниб етишга, уз фикрларида муштарак нукталарни топишга интилишлари керак. Шундай килолган жамиятгина етук жамиятдир. Хуш гурухлашиш ва блоклашиш ёмон нарса булмаса, биз нимани ёмон деяпмиз? Кутблашишни. Кутблашиш бир-бирига мутлако зид ва карама-карши нарсаларнинг бир-бирига нисбатан жой олиш шаклидир. Хар кандай икки фикрнинг факат бир-бирига зид нукталарига ургу бериб, муштарак нукталарини "сиёсий кузойнак" кийиб олиб курмасликка интилиш, бошка тарафнинг дунё карашига токатсизлик билан караш ва шу кабилар кутбланишга олиб келади. Интернет сахифаларини варакласак айнан шу нарсанинг гувохи буламиз. Карс икки кулдан чикади, дейдилар. Шу нуктаи назардан келиб жамиятимиздаги кутблашишнинг айбдори хамма тарафлардир, деб хулоса чикариш масалага нукта куйишнинг энг осон йулидир. Аммо карс икки кулдан чиксада, иккала кулнинг карсакка кушган хиссаси бир хил булиши шарт эмас. Бу охирги фикрнинг тугрилиги хам яна уша Интернет сахифаларида уз ифодасини топмокда. Аввалига, яъни Интернетда "Бирлик" сахифаси яратилган пайтда, хамма тараф бир-бирига нисбатан етарлича токатли булиб, бир-бирини етарлича хурмат киларди ва хар бир тараф бошкаларнинг фикр-максадларини тушунишга интиларди. Баъзи маданиятсизлар биринчи кунларданок мухолифат вакилларини очикдан-очик хакорат килишга, уларни сукишга бошлаганлари айтиб утиришга лойик нарса эмас. Зотан, бундайлар камчилик эди. Лекин тарафлар аста-секин радикал-лашабошладилар. Ташаббус неокоммунист-лардан чикди. Табиий, улар хам огизда демократия, танкид ва ошкораликка тарафдорлар. Лекин кандай демократия, кандай танкид ва кандай ошкораликка? Уларнинг мантиги шундай: Куппартиялик зарур, аммо кайси партия жамият учун кераклиги-ю кайсиниси керакмаслигини биз хал киламиз. Танкид керак, амма у констуктив булсин, ва кайси танкид конструктив-у кайсиниси бундай эмаслигини биз бахолаймиз. Сайловлар булиши керак, аммо бугун Каримовга бошка алтернатив йук-ку. Хамма нарсани танкид килиш мумкин, аммо у кишига тил тегизманг ва шунга ухшаш фикрлашлар. Бу дунё караш бошкалар тарафидан кабул килинмагач улар бошкаларни "ватан хоинлари", "соткинлар", "гарбнинг малайлари" каби эпитетлар билан такдирлашга бошладилар. Аммо бу хам натижа бермади. На миллий демократлар ва на исломчилар неокоммунистларга айни тарзда жавоб бермадилар. Шундан кейин узини токатли, маданиятлт килиб курсатишга интилаётган неокоммунистлар хам очикчасига хаммани отишга, хаммани осишга чакирабошладилар. Кутблашиш чуккисига етганди. Интернетдаги унча катта булмаган гурухлар уртасидаги шиддатли бахсга бунчалик куп эътибор беришимизнинг сабаби бу манзара узбек жамияти ичидаги манзаранинг ойнадаги акси эканлигига ишонганимиздандир. Узбекистонда ошкоралик йук булгани, диктатура шароитида одамларда турли гурухларга бирлашиш имкони булмагани учунгина президент атрофида уша "коммунистчасига монолит" булиб бирлашган халк борлиги хусусида лофлар айтилмокда. Жамиятда бошка гурухларга нисбатан токатсизлик борми, бу ерда гурухлашиш ва блоклашиш кутбланишга айланади. Бу холатда хамма ерда хам Туркия турклари каби нозик мувозанат нуктасида йиллар буйлаб яшолмаётганларини бутун дунё тажрибасидан куриб турибмиз. Биз узбек турклари бундай шароитда узок вакт яшашга кодирмизми? Ёки биздаги кутблашишнинг мантикий давоми фукаролар урушими? Бу саволлар устида хозирданок уйлашимиз керак. Фукаролар урушининг олдини олиш учун уйлашимиз керак. Дарвоке, фукаролар уруши бошланиб булди, уни авж олмасидан олдин сундирмок учун керак.

Ким кимдир? Who is Who?Добавить персону