(Суз боши урнига) -
Асрдан асрга утишдаги сайловлар
КАРИМОВ САЙЛОВЛАРИ
20-чи асрдан 21-чисига кадам куйиларкан Узбекистон режими хар кандай хукук давлати учун ута мухим, лекин диктатуралар учун ортикча ахамияти булмаган иккита сиёсий тадбир утказди. Табиий, биз парламент ва президентлик сайловларини назарда тутаяпмиз.
Тамомийла мавжуд хукуматнинг кулида булган Узбекистондаги оммавий ахборот воситалари пичокка илинадиган бир гап айтмасдан бу сайловларни демократиянинг чуккиси, деб мадх этиш билан овора эканлар, мухолифат вакиллари ва чет эллик мустакил экспертлар бу сайловларнинг мохиятини англаб етиш, уз фикрларини имкон доирасида узбек жамиятига етказиш учун харакат килдилар ва сайловлардан кейин хам килишни давом эттирмокдалар.
Чет элликларнинг фикрини урганиш, уларни умумлаштириш ва узимиз учун керакли хулосалар килиш - келажакда килиниши керак булган мухим ишлардан бири. Бизнинг бу макола доирасидаги максадимиз мухолифат вакиллари айтаётган ва айтиши керак булган фикр-мулохазаларни уртага куйиб анализ килишдир. Бу фикр-мулохазалар мухолифатнинг кележак режаларига асос булишига ишонганимиз учун хамма нарсани очик гапирамиз ва керак булган жойда ички танкиддан хам чекинмаймиз.
* * *
Мухолифатчилар бу сайловлар хусусида асосан танкидий фикр айтишятгани хеч кимга сир эмас. Бу мутлако табиий ва сайловлар диутатура шароитида утказилаётгани туфайли мутлако тугридир хам.
Узбекистон хукуматининг мухо-лифлари парламент сайловларидаги асосий камчилик сифатида мухолифат партияларининг сайловда катнашиш хакки паймол этилганини сузлашган булишса, президент сайловлари тугрисида, яна уша камчиликдан ташкари, куйидаги икки нуктага эътибор беришди.
Биринчиси, 1995 йилда Узбекистон президенти ваколатининг референдум йули билан узатилишининг антиконсти-туционлиги.
Иккинчиси, 2000 йилда Каримов-нинг президентликка учинчи муддатга сайланишининг антиконституционлиги.
Булар тугри ва мухим нарсалар. Аммо, Узбекистонда диктатура хукмронлигини хисобга олсак, бу нарсаларни мухокама килиш, бундай камчиликларни танкид килиш бефойда нарса. Бизнинг бу позициямиз жуда мухимлигини, хатто баъзилар учун уни тушунишнинг узи осон булмаслигини хисобга олиб баъзи изохлар бермокчимиз.
Узбекистондаги мавжуд режимнинг мохияти шундан иборатки, Каримов истаган нарсасини Конституцияга киритолади. Агарда у буйрук берса, итоаткор Парламент юкорида антиконституцион деб айтилган икки нарсани дархол конституцион килиб куяди. Яъни, конституциямизга президент ваколатларини референдум йули билан узатиш мумкин, неча марта президент булиб сайланиш эса чекланмаган деб ёзиб куйилади.
Каримов истаса бу ишни уша референдумдан олдин килдироларди. Истаса, охирга сайловлардан аввал 2 мартагина президент булиб сайланиш мумкинлиги хакидаги моддани конституциядан олдириб ташлатарди.
Агарда у шундай килдирса, биз мухолифатчилар, мана энди сайловлар демократик булди деган булармидик, хамма нарса конституцион булди, деб чапак чалармидик?… Хархолда, президент сайловларнинг асосоий камчиликларини гапирганда шу икки нарсага куп ургу берятганлар анча нокулай ахволда колардилар.
Шу сабабли, Узбекистондаги парламент ва президент сайловлари хакида гапираркан, сайловларнинг антидемократиклигини курсатиш учун купрок бошка нарсага, сайлов жараёнининг бошка бир нуктасига эътибор бериш керак. Бу кайси нукта?
Утган парламент сайловларида 5 сиёсий партия, президентлик сайловларида эса 2 партиянинг номзоди катнашди. Бу партия вакилларидан сурасангиз, бу сайловларнинг демократик деб химоя киладилар. Ёки, баъзибир жузий камчиликлар борлигини тан олиб, бу сайловларни демократияни ривожлантиниш йулидаги катта галаба деб таърифлайдилар. Мухолифатнинг сайловларга куйилмагани тугрисида огиз хам очмайдилар. Зотан бу хукумат партияларининг сайловда катнаштирилиши сайловларни демократлаштириш эмас, балки халк олдида, колаверса дунё жамоатчилиги олдида сайловларни ташки куриниши билангина демократик килиб курсатишга интилишдан бошка нарса эмас.
Сайловларда катнашиш хукукидан махрум килинган «Бирлик» ва «Эрк»ка кура эса сайловлар нодемократик булиб, унда иштирок этаётган партиялар хукуматнинг чунтак партияларидир.
Вокеаларни яхши англаш учун 1990 йилда утказилган парламент ва 1991 йилдаги президентлик сайловларига караш ва у кунги вокеаларни бугунгилар билан солиштириш фойдали. 1990даги парламент сайловларида мавжуд Коммунист партия ва «Бирлик»дан уша пайтда эндигина ажралиб чикиб узига от хам танлашга улгурмаса-да, Компартия билан хамкорлик килишга утган, кейинчалик «Эрк» номини олган гурух айнан шу Компартия етакчилигида иштирок этдилар. 1991 йилдаги президентлик сайловларида эса Компартия ва «Эрк» номини олишга улгурган партиянинг номзодлари иштирок эттилар. Бу иккала партия сайловларни демократик, ёки нисбатан демократик деб бахоладилар. Сайловларнинг демократик рухда эканлигини исботлаш вазифаси билан сайловларга киритилган иккинчи партия уни бажарди. Унинг раиси «ракиби» Каримовни сайловдаги галаба билан расман табриклаб сайловларнинг демократлигини узбекларга «хужжатлаштириб» берди. Бу иккала партия хам «Бирлик»нинг сайловларга куйилмаганини «курмадилар».
Энди шунча йил утгандан кейин баъзи «Эрк» вакилларининг биз у сайловларни натижаларини тан олмаганмиз маъносидаги гаплари уз раисларининг табригини унутишганидан булса керак. Бу ножиддийлик туфайли бу партиянинг у сайловларга берган бахолари унчалик мухим хам эмас. Мухим булгани хар доим принципиал ва демократик позицияда махкам турган «Бирлик»нинг фикридир. У эса бу сайловларни мутлако нодемократик деб бахолади, сайловда Каримовга ракиб сифатида уртага чикарилган партияни хукуматнинг кугирчоги булишда айблади.
* * *
Мана шу иккита сайловда булган вокеаларни солиштирсак, икки нарсани тушунамиз.
Биринчи: 1990-1991 сайловлари билан 1999 сайловлари, иккинчи даражали нарсаларни четга суриб турсак, мохиятан бир биридан фарки булмаган сиёсий тадбирлардир.
Иккинчи: Узбекистонда сайловлар-нинг демократик ёки нодемократиклигини сайловларда кимнинг иштирок этиб этмаслиги хукумат тарафидан белгиланаётганига караб бахолаш керак.
Демак, биздаги сайловларнинг нодемократлигини фош килиш учун айнан шу икки нарсага купрок эътибор бериш, яъни масалага шу икки тарафдан ёндошиш лозим.
АКШ Конгрессининг 1991 йил президентлик сайловларини кузатган комиссияси хам худди шундай килган. Унинг докладида сайловлардаги асосий конунбузарчилик – сайловларга «Бирлик»нинг катнаштирилмаганлиги, унинг номзоди, номзод эса Абдурахим Пулат эди, ноконуний йуллар билан руйхатга олинтирилмагани, деб очикча айтилганди. Бу докладдаги яна бир мухим нуктани такрорламокчимиз. Унга кура «сайловда «Бирлик» вакилининг катнашиши Узбекистондаги демократик жараёнларни оркага кайтмайдиган даражада олга суриб юборган буларди».
Хар доим мухолифатнинг асосий кучи булиб келаётган «Бирлик» халк харакатининг хеч бир сайловга катнаштирилмаётганинг асосий сабаби – хукумат ва шахсан Каримов айнан «Бирлик»дан, аникроги «Бирлик»нинг сайловларда катнашиши мамлакатимизда демократик жараёнларнинг ривожиини оркага буриб булмайдиган даражада олга суриб юборишидан, утдан курккандай куркиши эканлигини энди америкаликлар каби хамма билади. Лекин, 1991 сайловларининг кугирчок номзоди Салой Мадаминов 1999 йил сайловолди чикишларида хам ушбу масала буйича хукуматнинг, хусусан Каримовнинг, «Бирлик партия сифатида руйхатга олинмагани учун унинг раиси сайловларда катнашолмади» каби рукачларини 8 йилдан кейин такрорлаб утириши бу партиянинг уша йиллари мухолифат эмас, хукуматнинг хамкори булганлигини яна бир исботига ухшаб кетяпти.
Кези келгани учунгина бу партия раисининг «Озодлик» радиосида тутикушдай такрорлашдан чарчамаятган яна бир гапига жавоб бермокчиман. Салой Мадаминовга кура охирги йилларда хукумат асосан «Эрк» партиясига хужум килмокда эмиш. Бу ерда бир тузатиш киритиш лозим, деб уйлайман. Хукумат партияни эмас, унинг раисини куп гапиряпти. Узбекистонда партиянинг оддий аъзолари хусусида бирон нарса гапирилятгани, улар бирон бир нарсада айбланаётгани йук. Демак, Худога шукр, уларнинг айблари хам йук. Буни куриб турган одамларда хозир партия билан унинг раиси битта позициядами узи, деган янги савол тугилиши табиий.
Адолат учун айтиб утиш керакки, авваллари Каримовнинг шахсан узи «Эрк» раисини дуч келган жойда мактаб, «Бирлик» ва унинг лидерини ёмонларди. Хуш, буни кандай бахолаш керак?… Демокчиманки, хукумат кимни купрок ёмонлаётгани билан мактанган, умуман бу мавзуга кирган одам факат кулгига колади. Баъзибирлар колишаяпти хам.
* * *
Киска булса хам тилга олининши керак булган яна бир масала. Бошка давлатларда сайловолди кампаниялари кандай жушкин утишини купчилик билади. Сунг йилларда хатто Эронда хам сайлов олди кампаниялари сиёсий маънода кандай кизикарли утаятганини курмокдамиз. Бошкалар билан солиштирганда Узбекистондаги сайловлар ва сайлов олди кампанияларининг канчалик зеркарли эканлигини гапириб утирмаса хам булади. Гап сайловларнинг зеркарли ёки зеркарлимаслигида эмас, гап жамиятимиз ва миллатимиз - уз келажагини аниклаб берадиган мухим сиёсий тадбирдан узокда тутилаётганида. Албатта, биз биламиз, жамиятимиз ва миллатимиз узи шуни хохлаётгани ёки сайловларнинг мохиятини тушунмаятгани учун пассивлик курсатаятгани йук, бунга мажбур килинмокда. Мажбур килаятган куч - мавжуд диктатурадир.
Узбекистонда бутун оммавий ахборот воситалари хукуматнинг кулида. Шунинг учун у ерда хакикий сайловолди бахс ва мунозаралар йук. Лекин чет элдаги узбекча радиолар хам сайлов олди кампаниясига ортикча эътибор бермаятганлари диккатга сазовор нарса.
Бу ерда хам кизикарли хабарлар оз. Кизикарли бахс мунорзаралар, тортишувлар хам куринмаяпти. Президентликка номзод Абдухафиз Жалолов билан Асадулла Ортиков утказган ва хеч бир сиёсий маъноси булмаган сухбатнинг сайловолди кунлари «Озодлик» радиоси оркали таркатилиши хам бу фикримни тасдиклаяпти. Бу радиода узбек зиёлиларининг аянчли сиёсий пассивлиги, хатто куркоклиги ва иккиюзламачилиги хусусида куплаб чикишлар килган ва бу хусусда бизнинг Харакат журналимиз сахифаларида хам Асадулло Яккабогли тахаллуси билан куйиниб маколалар ёзиб келган журналистга нима булди, хайронман. Утказган сухбати узи шиддат билан коралаб келган услубда килинганини нахотки сезмади?
Албатта, гап бу ерда факат Асадуллода эмас, радионинг Узбек программаси ходимлари ичидаги умумий кайфиятда, уларнинг замонавий талабларга жавоб бероладиган малакалари йуклигида булса керак, аммо Асадулло хам уз маъсулиятини доимо хис этиб турса яхши булади.
Чет элдаги «Бирлик»чилар кампа-ниянинг охирги кунлари «Озодлик»даги эшиттиришларни кизикрок килиш учун уриниб курдилар, аммо бу кеч бошланган уриниш булди.
* * *
Энди мен уз маколамдаги асосий фикримни яна бир марта такрор-ламокчиман.
Узи катнаштирилган сайловларни тула демократик булмаса хам хархолда демократияга якин, сайловларга катнаштирилмаса сайлов нодемократикдир, деб бахолаш психологиясидан воз кечиш лозим. Булмаса узи катнашаётгани сабабли 1999 йил сайловларини умуман олганда демократик деб гапириб келган Халк Демократик Партиясининг номзоди Абдулхафиз Жалолов кабиларни «кугирчок» номзодликда айблашга хаккимиз булмайди. Бу хакикатни, энг аввал «Эрк»чилар тушуниб етиши керак.
Бу партия «Бирлик»нинг расмий мурожаатларига карамасдан 1991 йил президентлик сайловларида иштирок этгани, сайловдан кейин унинг раиси Каримовни галаба билан табриклаб, нафакат узбеклар, балки чет элликлар кузи олдида хам сайловларни демократиклигини расман исботлаб бериши хато булгани, бундай кадамлар демократиянинг ривожланишига эмас диктатуранинг мустахкамланишига хизмат килиши каби куз юмиб булмас фактларни очикчасига тан олиши лозим.
Биз, «Бирлик»чилар 1999 йил президентлик сайлов кампанияси давом этаётган кунларда «Эрк» рахбариятига мурожаат килиб, биргаликда ХДП ва ва унинг раиси Абдухафиз Жалоловни сайловларда катнашмасликка чакиришни таклиф килдик..
Табиий, ХДПчилар дархол бу чакирикка лаббай, деб жавоб берадилар, деган иллюзиямиз йук эди. Биз икки максадни кузлагандик. Биринчиси, мухолифатнинг бир йуналишда харакат килолишини курсатиш булса, иккинчиси ХДПчиларга таъсир килиб куриш. Чунки, бу партиядагилар хам тирик жон. Чакирик уларнинг юрагида бирон из колдирарди ва бу излар вакти келиб мевалар беради. Мевалар бериши аник. Колаверса, мевалар булиши учун харакат хам килишимиз керак. Яна колаверса, бу иш мухолифат ичида хам узаро ишончни мустахкамлаган буларди.
Бугун мухолифатда булган бу партияга килган мурожатимизда шу каби кадамларни келажак сайловлар учун тайёргарликнинг бошланиши, мухолифат-нинг келажак режалари учун асос солиниши деб хам караш кераклигини ургуладик.
Аммо чакиригимизга, минг афсуски, авваллари хам куп марта булгандек, ижобий жавоб олмадик.
* * *
1991 ва 1999 йил сайловлари бир турли комедик акт билан тугади. 1991да Каримовнинг демократ ракиби уни сохта сайловларнинг галабаси билан табриклаган булса, 1999да бу масалага ижодий ёндошган халк демократи Абдулхафиз Жалолов яна хам илгари кетди ва ракибига овоз берганини айтиб куяколди. 1991 йилда Садой Мадаминовдан «Сиз кимга овоз бердингиз?» деб сурамаганларига ачинятган журналистларни тушунса булади.
Сайловларнинг жиддий натижаларига келсак, Узбекистонда диктатаура янада мустахкамлангандек куринади. Аммо бу куриниш халос. Масаланинг бошка бир тамони жуда хам мухим. Дунё жамоатчилиги, хусусан дунёнинг ривожланган давлатларини бирлаштирувчи Европада Хавсизлик ва Хамкорлик Ташкилоти бу сайловларни ва уларнинг натижаларини тан олмади. Демак, дунё жамоатчилигининг Узбекистон хукуматига босими ортади. Биринчи навбатда Гарбнинг талаби билан Узбекистон демократик мухолифатининг фаолияти учун янги мухит пайдо булмокда.
Бу факторлар келажакка умид кузи билан караш учун асос булолади.
Пулат Охун
«Бирлик» халк харакати
Марказий Кенгаши
раисининг уринбосари
Тахририятдан: Пулат Охуннинг бу маколаси унинг «Озодлик» ва «Америка Овози»даги чикишлари асосида тайёрланипти. «Эрк»ка килинган таклифлар хам уша ерларда булган, «Эрк» раисининг рад жавоби хам уша радиолар оркали берилган. Сайловлар хусусида хали куп фикрлар билдирилади. Биз журналнинг бу сонида Пулат Охуннинг маколасида жой олмаган бир нуктаи назарни сизга хавола килиш билан чегараланмокчимиз. Унинг муаллифи - Абдурахим Пулат.
КУГИРЧОК НОМЗОДЛАРНИНГ РОЛИ
Бугун Узбекистонни бошкараёт-ганлар мамлактимиздаги чириган системанинг умрини узайтириш ва шу йул билан уз хукмдорликларини чузиш йулида етарлича усталик килятганларини тан олиш керак.
Бундай усталикнинг энг ёркин мисоли уларнинг 1990 йил сайловлари арафасида «Бирлик»ни кучсизлантириш максадида утказган «операциялари»дир. Уша пайтда тула рус тарафдори булган коммунистик хокимият «Бирлик» ичидаги айнан узини энг ашаддий рус душмани ва антикоммунистик деб курсатиб юрган Салой Мадаминов (Мухаммад Солих), Усмон Азим, Зохир Аълам кабиларни осонликча сотиб олган, уларни ишлатиб булгач, кераксиз нарсадек улоктирганди.
Сайловларни демократик тус бериб утказиш санъати хам уларнинг «козир»ларидан биттаси. 1999 йилдаги сайловларни айнан 1991даги услубда утказилиши уларнинг бу масалада узларига булган ишончларининг курсатгичидир. Шу сабабли, уларнинг бу «услуби»ни фош килиш мухолифатнинг вазифаларидан бири эканлиги табиий.
Маълумки, мутлок купчилик сиёсатчилар ва экспертлар 1991 йилда хам 1999да хам биздаги президентлик сайловлари хусусида гапиришаркан уларнинг натижалари сохталаштирилди ёки сахталаштирилган булиши мумкин каби фикрларга урин бермадилар. Шу сабабли уртага бир саво чикмокда. Каримов 1991 йилда 86 фоиз, 2000 йилда 92 фоиз овоз олганини кандай изохлаш мумкин?
Балки сайловларнинг натижалари хеч кимга билдирилмасдан сохталаштирил-дими Ёки халк хакикатдан хам Каримовдан бошка одамни президент сифатида куришни истамайдими? Ёки бу ерда бошка бир сабаб борми?
Натижаларни сохталаштириш версиясини олайлик. Узбекистонда 10 миллиондан ортик сайловчи бор. Каримовнинг бунчалар катта фоиз овоз олаятганинни назарда тутсак, гап натижаларини бир неча фоиз узгартириш эмас, каттарок нарсалар тугрисида кетяпти. Бундай ишни килиш учун миллионлаб запас бюллетенлар керак булади. Бу тонналаб когозлардир. Уларни типографияларда бостириш, жой жойига етказиб бериш, уларни назорат килиш, бюллетенларни алмаштирб куйиш иши билан ун минглаб одамлар шугулланишлари керак. Бюллетенларни алмаштириб утирмасдан сохта протоколлар ёзиш керак булса хам бундан ун минглаб сайлов комиссиялари аъзолари вокиф булмасдан иложлари йук. Унг минглаб одамлар аралашган нарсани эса бир соат хам сир саклаб булмасди, бу гап хамма ерда таркаларди ва шундок хам шармандаси чиккан хокимият кучада ялонгоч колган кишидек булиб коларди. Айтилганлардан келиб чикиб оммавий сохталаштириш фикрини ножиддий деб караш керак.
Энди одамлар уз истаклари билан Каримовга овоз беряптилар деган хукуматнинг фикрини олайлик. Биз Узбекистондаги дустларимиздан, хукук химоячиларидан, Узбекистонга бориб келятган журналист, турли экспертлардан шуни аник билдикки, бугун Узбекистонда энг камида 30-40 фоиз одам Каримовнинг сиёсатига хам унинг шахсига хам ашаддий каршилар. Ун минглаб камалаятган одамларнинг кариндош-уругларини олсакгина хам олти ракамли сонлар чикади. Хуш улар кандай овоз бердилар?
Совет замонидан биламизки, хозирги Узбекистондаги каби жамиятларда одамлар сайловга бормасликдан куркадилар. Чунки, сайловга бормаганлар махаллий хокимияда, иш жойида, колаберса КГБда кора руйхатга олинамиз деб куркишади. Шу сабабли мутлако купчилик ёки сайловга узи боради ёки хонадондан бир киши чикиб овоз бериб келишига куз юмади.
Дейлик одам сайлов участкасига келди. Эски Совет замонида одамлар сайлов кабинасига хам киришга куркишарди. Чунки бюллетенда биргина номзод булгани учун кабинага кирган одам «коммунистлар ва партиясизлар ажралмас блокининг номзодига» карши овоз бераятгани хаммага маълум булиб коларди. Яна уша кора руйхатга тушиш куркувси бор.
Хозирги сайловларда 2та номзод булгани учун сайловчи сайлов кабинасига киришга мажбур. Хуш, сайлов кабинасига кирган ва аслида Каримога карши булган одамнинг холатини тушунишга интилайлик. Улар фикр-мулохаза килишади. Мана хозир бюллетенда Каримовнинг исмини учирсак кимга овоз берган буламиз? Диктаторнинг ногарасига уйнаятган, кугирчок булишга рози булган, кимлиги купчиликка номаълум булган номзодгами?... Ва, бундай холатда кол-ган сиёсий тажрибасиз одам хурсиниб-хурсиниб диктаторнинг кугирчогидан унинг узи яхши деган фикрга келади.
Иккала номзодни хам учириш мумкинку, деган эътироз булиши табиий. Бу масалада сайлов буйича экспертларнинг фикри куйидагича. Сайловларни бойкот килиш каби сайловга катнашиб хамма номзодларни учириш хам ривожланган жамиятларда, бундан манфаатдор булган ташкилотларнинг кенг куламда олиб борган пропагандаси натижасидагина булиши мумкин. Сайлов тажрибаси булмаган жамиятларда сайловчиларнинг купчилиги хамма номзодларни учириш мумкинлигини хаёлига хам келтирмас экан. Узбекистон жамияти, табиийки, шундай жамиятлардан.
Агарда, каршисида хакикий номзод булсайди, Каримов шубхасиз маглубиятга учраган буларди, деган хулосамиз шу айтилган мулохазаларга таянади. Яъни, хакикий танлаш имконияти булганда эди, 30-40 фоиз одам уйламасдан иккинчи номзодга овоз берарди ва бу номзоднинг прогаммасига караб овоз берадиганларни овози хам кушилиб у галаба килган буларди.
Бу нарсаларни аввалдан хисоб китоб килган хукумат узича йул танлади. Маглубиятдан кутилиш ва айни замонда сайловга демократия рухи бериш учун жамиятдаги мавжуд психологиядан, яъни диктаторнинг кугирчигидан кура диктаторнинг узи яхши, деган психологиядан бунчалик нозик шаклда ва усталик билан фойдаланиш йулини топган Узбекистон режимига койил колиш керак. Айни замонда, кугирчок номзод-ларнинг ролини чукуррок тушунишга интилиш лозим. Чунки Каримовнинг 1991 йил сайловларида 86 ва 2000 йил сайловларида 92 фоиз олишининг сири айнан шу нукталардадир.
