Журнал Ҳаракат №4 (31) 2001. Хуррият курашчилари
Шахид шоир Эмин Усмон
Узбекистондан кети узилмасдан келаятган хабарларга яна бир дахшатлиси кушилди: Шу йил 28 февралда Ички Ишлар Вазирлигининг ертуласида таникли ёзувчи ва жамоат арбоби, Узбекистондаги Уйгур маданият марказининг рахбари Эмин Усмон 56 ёшида улдирилди. Мавжуд режим юртнинг хурриятпарвар зиёлиларга навбатдаги зарбасини берди. Уйгур туркларидан булган Эмин Усмон факатгина зиёли эмас, юксак ахлокий идеалларни ташувчи, демократик эътикоддаги хакикий ватанпарвар эди. У Шаркий Туркистонда (Хитойнинг Синзянь-Уйгур автоном туманида) тугилган. 1948 йили булиб утган кузгалондан сунг норасида Эмин хам ота-оналари билан Узбекистонга келиб колди ва бу ерда иккинчи ватанини топди, машхур ёзувчи булди. Кайта куриш йилларида у узининг экологик мавзуидаги публицистик чикишлари билан омма мухаббатига сазовор булди. Узбекистоннинг мустакиллик йилларида хам Эмин Усмон ёзувчи ва арбоб сифатида фаол иш олиб борди, Уйгур маданият марказига бошчилик килди. У узининг айнан шу ердаги фаолияти туфайли Узбекистон режимининг кора руйхатига тушди. Чунки давлатнинг тепасида туркчилик гоясининг ашаддий душмани турар ва бу масалада хам сафдоши булган Хитой ва Россия президентларига хуш куриниш учун хамма нарсани киларди. Дзержинскийнинг Узбекистонлик издошлари хажга бориб келгандан кейин сокол куйган Эмин Усмонни вахобийчиликда айблаб кулга туширмокчи булиб юришганини, аммо бунга унинг ёзувчилиги, хеч кандай диний ёки сиёсий-ижтимоий ташкилотга аъзо булмагани йул бермаслигини купчилик биларди. Бундан икки йилча аввал уни кандайдир тилла такинчоклар олиб-сотиш ишига боглик жойи бор деган бахона билан биринчи марта камашган, аммо оз эмас, куп эмас 1 йилу 2 ойдан кейин пичокка илинадиган айб тополмай куйиб юборишганди. Куринишидан, бу камашнинг максади Эмин Усмонни огохлантириш булган. Буни «тушиниб етмаган» Эмин Усмонни мана энди вахшийларча улдиришди. Иккинчи камалишда адиб нима ёзганлиги номаълум, чунки, камокдагиларини куйиб туринг, хатто унинг уйидан олиб кетилган кулёзмаларию китоблари хам якинларига кайтарилган эмас. Лекин унинг биринчи камалиш даврида ёзган шеърлари сакланиб колган. У турмадан чикар экан, афтидан узок яшашига узининг хам кузи етмаган куринади, якин мухаррир дустларидан бирига - шу шеърлар сизда туриб турсин, яхши кунлар келганда чоп эттирарсиз, деб уларни омонат килди. Мана энди уша шеърларнинг баъзилари журналимизгача етиб келди. Эмин Усмоннинг кулимиздаги шеърлари ортикча изохга мухтож эмас, улар Каримов ГУЛАГининг бир парчасига айланган Тоштурманинг коронги, зах хужралари инсон зотини канчалик эзиб, ийигини чикаришини яккол ифодалайди. Мени узи хур яратдинг, самоларга сигмасман. Розларимдан куй яратдинг, садоларга сигмасман. Юлдузларнинг кузида ёш, хисларимнинг маржони, Шикваларни хеч яратдинг, нидоларга сигмасман. Мени инсон деб яратдинг, кузларим уммони жон, Турт мучамни зеб яратдинг, хижоларга сигмасман. Сокол оки нури Аллох, тасалли жон, соч оки. Омонатман, узим сенга, видоларга сигмасман. Илтижолар килиб тонгда, сукунатни йиглатгум, Тилим богли, дилим догли, нидоларга сигмасман. Бугун булдим банди зиндон, юрак-багрим тиглатгум. Зорларимдан титрар олам, адноларга сигмасман. Гар кундага бошим куйсам, осмонларни кулатгум, Мотам тутгай менга олам, адоларга сигмасман. Гар конимдан хино куйсам, самоларни гуллатгум, Хурларни хам йиглатгувчи, садоларга сигмасман. Инсон асли туткуни жон, нажот истар эрта-кеч, Насиб этса, гар рахматинг, самоларга сигмасман. 10 март 1998 йил * * * Деворларнинг кулоги бор, менинг-чи, тил-забоним йук. Хасратимнинг адоги йук, роз айтмокка имконим йук. Турналарнинг «курей»лари менинг мунгли хасратларим, Турналардек масканимга, каймакликка имконим йук. Канотларим кайрилмишдир, кузларимда жолалалар (мул) Тилларим хам бойланмишдир, юраклар кон - имдодим йук. Юрак мисли лагча чугдир, тафтим хам кукни куйдиргай, Бир ох урсам, само куйгай, учирмокка имконим йук. Вужуд асли бир зиндондир, бу зиндонларга на хожат, Азобларим адоксиздир, хибс этмокка зиндоним йук. Япроклардек саргаюрман, томирларда жон - кургошин, Бардошларим тогдек метин, на нола ва на додим йук. Бу давронлар кар эмасдир, гунг эмасдир, кур эмасдур, Факатгина мен соковман, дард айтмокка имконим йук. Менинг додим тинглар Эгам, ундан узга Хабибим йук. Уртамизда девор йугу, етмокка лек имконим йук. 25 март 1998 йил КИЗИМ НАРГИСГА Туни билан ёш тукди осмон, Куз ёшларга гарк булди олам. Туни билан сиркиради жон, Бугзим кисиб келади алам. Туни билан уксиди кунгил, Уксиб-уксиб йиглади юрак. Шафоатга етмокдир тилак, Тасаллига мухтождир бу дил. Юрак багрин тиглайди фалак, Холим куриб чидолмас харгиз, Сенга етмай жонларим халак, Тушларимга кирасан, Наргис. Юрак-багринг тиглама кизим, Хак олдида бегунох жонман, Бу дунёда йуколмас изим, Гар хокисор, факир инсонман. Иродамни буколмас зиндон, Факат рухим абгор айлагай, Шум кисматим уради хандон, Кулларимга кишан боглагай. Мени дорга осолмаслар хеч, Пешонамга кадалмагай ук. Бад уйлардан бутунлай воз кеч, Эътикоддан узга айбим йук. Менинг туккан куз ёшларимдан, Нух туфони мисли эртакдир. Не савдолар кечмас бошимдан, Букилмасман, отанг-эркакдир. Факат сени эслаб бузлайман, Сенинг ёдинг багрим тиглайди. Тушларимда исминг сузлайман, Холим куриб осмон йиглайди, Туни билан ёш тукар осмон, Сен куз ёшинг асраб куй бугун, Яхши кунлар келар бегумон, Биз шодликдан йиглаймиз шу кун. 29 март 1998 йил РАФИКАМГА Кузларингда жикка ёш- маржон, Юрагингни киймалар алам. Азобларда уртанади жон, Кийналасан тополмай малхам. Не рушнолик курдинг хаётда, Бахт тотини тотдингми бир бор, Минг шукрона айтиб хаётга, Сабр килдинг, етса-да, озор. Каноатнинг тимсоли булдинг, Сабр сендан урнаклар олгай, Минг тирилиб, минг бора сулдинг, Пушмонлар хам эриб йуколгай. Сочларингга киров кунгандир, Манглайингда ажинлар кат-кат. Хаёт азобларга дунгандир, Ташвиш пойлаб турар хамма вакт. Сен буни хам кисматга йуйиб, Шукроналар айтасан тинмай. Токатлардан усмалар куйиб, Эътикодга гард хам индирмай. Куз тикасан йулга умидвор, Кайтмогимни Хакдан тилайсан. Гар висолга етмок куп душвор, Факат тунлар пинхон йиглайсан. Бугун боглар чечаклар ёзмиш, Гуллар атри дилинг чог этмас. Айрилик хам аклдан озмиш, Умидинг хам бардоши етмас. Факат сенинг токатларинг тош, Ишончларинг хазон булмас гул, асрларга татийди бардош, Яхшиликдан умидвор кунгил. Мени кутиб ойлар хоригай, Юлдузларнинг токати битар. Иммиллаган вакт хам каригай, Бошин олиб хижрон хам кетар. Эрмак учун тонглар отади, Тунлар чукар уз маромида, Дилда хислар тошдек котади, Хаёт окар уз маромида. Менку бунда банди зиндонман Сен-чи, уйда мазлума жонсан. Айриликдан сурмалар тортма, Хиносини куйма хижроннинг Бу азоблар хаддидан ортмас, каффорати эрур бу жоннинг. Сочларингнинг окларини сен Нури Аллох, деб шодмон булгин, Хар не курсанг бу хаётда сен, Яхшиликка албатта йуйгин. Бу айрилик тунлари тугар, Бу азоблар топади завол. Саодатнинг тонги хам тугар, Лек мухаббат булмасин увол. 11 апрель 1998 йил УГЛИМ БЕХЗОДГА Остингдаги аргумогинг юлдузларни кузлайди, Узангилар шикирлаши жангохлардан сузлайди, Вафодоринг изларингдан буз тургайдек бузлайди, Бу хаётнинг туфонида уз йулингни топгайсан. Майсаларнинг шивирида тарихнинг хангомаси, Булоклар бикирлаши мозийнинг бир номаси, Саргайган варакларда элимнинг жангномаси, Битикларда улокмай узлигингни топгайсан. Ой битикда ой битган йилномани англагин, Кошгарийнинг Девонин бир-бирлаб вараклагин, Зотингни, шажарангни тарихдан дараклагин, Узлигинг англаб етгин, пешонанг чаракласин. Шажарамиз Кошгарий томирига туташган, Мусофирлик бизга суннат, олам аро адашган, Гунохимиз эътикоддир, одам аро талашган, Росулларнинг йулин тутгин охиратинг топгайсан. Вакт имиллар, соатнинг милига тош осилган, Калб симиллар,токатнинг дорига бардош осилган, Синовлар сиртмогига сабр отлиг лош осилган, Каноатнинг йулин тутгин, окибатинг топгайсан. Бу дунёнинг синови куп,имтихондан куркмагин, Хар кимсадан хиёнат кут,интиходан куркмагин, Дустлик билмас окибатсиз аждарходан куркмагин, Хак суйса бас,хотиржам бул охиратинг топгайсан. Хадик билан яшамагин, бизга хиёнат ётдир, Кимки биздан юз угирса унга диёнат ётдир, Сен зурриёт, зотингни сев, бул яхши окибатдир, Мен дуолар айлагумдир, Хак ризосин топгайсан. Сен мозий сукмогида узлигинг йукотмагин, Бугунинг суронида йулларинг йукотмагин, Окибатсиз касни куриб, лол булиб тош котмагин, Хаёт шундай шафкатсиздир, дуст казосин топгайсан. Окибатинг бахоси бил бурда нонга тенг эрур, Дунё азал торга тору кенг инсонга кенг эрур, Кунгли тоза инсон бирок фосикларга ем эрур, Курашларда мардона бул узлигингни топгайсан. Аргумогинг кокилмасин, Эгам уз кулласин, Курашларда чиниктириб, саодатга йулласин, Душманга хам яхшилик кил, окибатни куллагин, Яхшиларга саодат ёр, уз йулингни топгайсан. 3 апрель 1998 йил УГЛИМ АЛИШЕРГА Турналарнинг аргамчиси йулларингни айланмиш, Яхшиликми ё ёмонлик кисматингга бойланмиш, Тайёр булгин, хаёт сени имтихонга сайламиш, Эр йигит бул, эрлигингга дог туширма болажон. Сен оламни чаппар уриб, суюб кезмок истайсан, Эзгуликнинг уругини зарра-зарра излайсан, Инсонларга бир саодат, яхшиликни кузлайсан, Ок кунгил бул,виждонингга дог туширма болажон. Баланд тоглар чуккисида калин-калин кор ётар, Онанг килган дуоларла, сокин-сокин тонг отар, Дарёларнинг гирдобига мард йигит узин отар, Шер юрак бул, сен номингга, дог туширма болажон. Тулин ойнинг нурларига умидларинг бойлагин, Бир сузли бул,хакни ёкла,тугри йулдан тоймагин. Хак ризосин узинг учун дастурамал айлагин Виждонли бул,иймонингга дог туширма болажон. Уфкларнинг сархадида сен орзуйинг кургайсан, Шафакларни нурларига сен умидинг йургайсан, Синов отли катта йулда марду мардон тургайсан, Номусли бул, уз номингга дог туширма болажон. Илтижолар килгум бедор, дуоларда яшарсан, Мазлуми жон Хакка айтгин нидоларда яшаосан, Мен хаётдан тулиб айтган нидоларда яшарсан, Умид сендан шаънимизга дог туширма болажон. 6 апрель 1998 йил

Ким кимдир? Who is Who?Добавить персону