Журнал Ҳаракат №2 (47) 2004.
Сиёсат
Вокеалар хроникаси. 3-кисм ва Абдурахим Пўлатнинг тахлили - «Бирлик» ва Хукумат: хукукий майдондаги кураш
Тахририятдан: Маълумки, Таъсис курултойини 2003 йилнинг 25 августида ўтказган «Бирлик» Халк Харакати Партияси расмий рўйхатдан ўтиш учун керакли хужжатларини 22 сентябрь куни Адлия вазирлигига топширган эди. Шу кундан бошлаб «Бирлик» Партияси мавжуд хукумат билан хукук майдонидаги курашини сурдирмокда. «Бирлик» бу курашни факат конунлар доирасидаги усуллар билан олиб борса, хукумат кўлидаги маъмурий имкониятлар ёрдамида мавжуд конунларни оёк ости килиш билан машгул. Хукуматнинг максади аник - мухолифатни расмий сиёсий сахнага киритмаслик. «Бирлик»нинг максади бунинг том тескариси – расмий сиёсий сахнага кириш. Бу жараён «Бирлик»нинг галабаси билан битишига хеч кандай шубха йўк. Кўринишидан, хукуматнинг ўзи хам буни тушуниб колган, аммо, у отдан тушса хам эгардан тушмасдан, факат вактни чўзиш билан овора. Шу йил 26 январда «Бирлик» ўз хужжатларини 3-чи марта Адлия вазирлигига топширган. Жавоб 26 февралгача берилиши лозим эди, лекин, берилмади. Февралнинг охиригача бўлган вокеаларни журналнинг аввалги сонида ёритган эдик. Март-апрель ойида хам давом этган жараён билан «Харакат» Агентлигининг янгиликлар тасмасидан олинган куйида хабарлари оркали танишиш мумкин. * * * 4 март:Каримов хукумати «Бирлик»ка яна бир марта «йўк» деди Адлия вазирлиги «Бирлик» Халк Харакати Партиясининг рўйхатдан ўтиш учун шу йил 26 январда вазирликка берган навбатдаги аризасига бугун жавоб берди. Вазирлик партияни рўйхатдан олишдан яна бош тортган. Мухбиримизнинг телефон оркали олган маълумотига карганда, Адлия вазирлиги партия аъзоларининг рўйхати сохталаштирилгани ва аъзолар сони аввалгиси каби 5 минг эмас, янги конунга кўра, 20 минг киши бўлиши кераклигини иддао килган. 11 март: «Бирлик» расмий рад жавобини нихоят олди Бугун, 11 мартда «Бирлик» Халк Харакати Партиясини давлат рўйхатидан ўтказиш хакидаги аризага Ўзбекистон Адлия вазирлиги расмий равишда ёзма рад жавобини берди. Вазирликдан расмий хатни олган партия Бош котиби Васила Иноятнинг айтишича, вазирлик партияни тузиш ташаббускорларининг тахминан 5 минг 800 кишилик рўйхатидаги 300 дан сал ортикрок имзони «сохта» деб хисоблабди. Шу сабабдан партияни рўйхатдан олишни рад этган вазирлик, «Сиёсий партиялар хакида»ги конунга 2003 йилнинг декабрь ойида киритилиб, якиндагина, аникроги шу йил 13 февралда кучга кирган ўзгариш асосида, 20 минг имзо тўплашни талаб килмокда. 22 март: Элчилар «Бирлик»ни рўйхатга олишни талаб килдилар «Харакат» журналининг 2004 йил 1 (46) сонидаги «Бирлик» ва хукумат: хукукий майдондаги кураш» номли маколада Абдурахим Пўлатнинг куйидаги сўзлари бор: «Хеч бир ташкилот рўйхатдан ўтиш жараёнини биз каби илгари нуктага олиб келолмасди. Биз бу масалани хатто халкаро аренага олиб чикдик. Ўзбекистон аъзоси бўлган халкаро ташкилотлар бу масалани ўз кун тартибларида тутмокдалар. Шуни кўркмасдан айтоламанки, биз бу масалани халкаро микёсдаги мустакил мавзуга айлантириб бўлдик. У энди бизсиз хам ўз «сузишини» давом этаберади ва кун сайин, кийноклар ва бегунох одамларнинг камалиши масалалари каби, Каримов хукуматининг бош огригига айланиб боради. /арб далатлари «Бирлик»нинг бу масаладаги маглубияти ўзларининг хам маглубиятлари хисобланишини тушуниб етдилар». Куйидаги хабар шу сўзларнинг яна бир исботидир. Бундан 10 кунча аввал Буюкбритания, Польша ва Чехиянинг Тошкентдаги элчилари хамда А+Ш, Голландия ва яна 2 давлат элчиликларининг юкори савиядаги вакиллари Ўзбекистон Адлия вазирининг ўринбосари Пўлат Саматов билан учрашиб, «Бирлик» партияси давлат рўйхатидан нима учун ўтказилмаётгани хусусида маълумот олганлар. Вазир ўринбосари «Бирлик» партиясига берилган аввалги 2 рад жавобидаги рўкачларни такрорлаган ва партиялар тўгрисидаги конунга ўзгартиришлар киритилгани сабабли, энди «Бирлик» партияси ўз тарафдорларидан 20 минг кишининг имзосини йигиши лозимлигини айтган. Гарб давлатларининг вакиллари мухолифат партияларини рўйхатга олиш Ўзбекистон хукукматининг сиёсий реформалар ўтказиш ёки ўтказмаслигининг кўрсатгичи эканлиги, «Бирлик» партиясини рўйхатдан ўтказмасдан хукумат ўз обрўсига путур етказётгани ва ўз хукуматлари бу масалани доимо кузатиб боражакаларини таъкидлашган. Улар «Бирлик» партиясини рўйхатга олиш жараёни давомида конунларнинг ўзгартирилиши бу партияни рўйхатга олишга халакит бермаслиги лозимлигини, бу партиянинг хужжатларида хеч бир камчилик йўклигини таъкидлашган ва шу билан мазкур масаланинг тафсилотларигача билишларини кўрсатгишган. Буюкбританиянинг элчиси Крег Мюрейнинг айтишича, Пўлат Саматовнинг фикри дархол ўзгарди деб бўлмайди, аммо, бу хусусда Ўзбекистон хукуматига килинаётган босим давом эттирилади. 30 март: «Бирлик» Адлия вазирлиги билан судлашишни бошлади Ўзбекистон Адлия вазирлиги «Бирлик» Халк Харакати Партиясини рўйхатга олишни пайсалга солаётгани муносабати билан партия Марказий Кенгаши номидан республика Олий Судига шикоят аризаси топширилди. Партия котиби Васила Иноятнинг айтишича, мазкур вазирлик партияни рўйхатга олиш хакидаги хужжатларни хозиргача хар хил важлар билан уч марта кайтарди. Сўнгги марта вазирликка партия тузиш хакидаги хужжатлар 5800 дан ортик партия аъзосининг имзолари билан биргаликда шу йил 26 январда топширилган эди. Вазирлик бу имзоларнинг 327 тасини сохта деб хисоблаб, бошка эътирозларсиз такроран рад жавобини берди. Холбуки Адлия вазирлиги «сохта» деб топган бу имзо эгаларининг асосий кисми жойлардаги адлия бўлимларининг ва бошка органларнинг, хусусан, миллий хавфсизлик хизмати ходимларининг тазйики остида ўз имзоларидан воз кечган одамлардир. Улар истисно килинган такдирда хам, имзолар конун талабидан анча ортик бўлгани учун, партия рўйхатга олиниши керак эди. Эндиликда бўлса, тегишли конунларга киритилган ва 13 февралдан бошлаб кучга кирган ўзгартишларни пеш килиб, вазирликнинг Жамоат бирлашмалари ва диний ташкилотлар бошкармаси бошлиги Жамол Абдусатторов 20 минг имзо тўплашни асоссиз талаб килмокда. Вахолонки, партия хужжатлари вазирликка 13 февралдан анча илгари топширилган. Хуллас, «Бирлик» партиясида Адлия вазирлиги билан судлашишга асосли далиллар бор. Бугун улар партянинг Бош котиби Васила Иноят ва Марказий Кенгаш аъзоси, юрист Рухиддин Комилов тарафидан Ўзбекистон Олий судига топширилди. Далиллар билан биргаликда судга берилган аризада Адлия вазирлигининг охирги карорини бекор килиш, партияни шу йил 1 март кунидан рўйхатга олинган деб эълон килиш талаб килинади. 22 апрель: «Бирлик»га карши кураш эстафетасини Адлия вазирлигидан Олий Суд олди «Бирлик» Халк Харакати Партиясини рўйхатдан ўтказмаслик учун турли бахоналар ўйлаб топиш билан овора бўлган Ўзбекистон Адлия вазирлигининг хатти-харакатлари, оддий тил билан айтсак, лўттибозликдан бошка нарса эмас эди. Аслида хукуматни тушунса бўлади, деб ёзади мухбиримиз. Шу пайтгача, аникроги, Ўзбекистон террорга карши урушда АКШнинг стратегик хамкори бўлгунга кадар, хукуматимиз бу каби масалаларни осонликча хал этиш йўлини биларди. Бу йўл - истаган одамни камаш, ўлдириш, булар хусусидаги шикоят ва мурожаатларни умуман кўриб чикмаслик бўлган. Энди эса вазият ўзгариб, аввалгиси каби зўравонлик усулларини кўллаш кийин бўлиб колди ва Ўзбекистон хукумати мухолифат билан конуний усуллар доирасида кўрашишга мажбур бўлмокда. Аслида, бу мухолифат кучларининг буюк галабаси. Хозирги боскичда Ўзбекистон хукуматини конунлар майдонида маглубиятга учратишга ўрганиш лозим. Шу кунда Ўзбекистон хукуматининг конуний йўллар билан мухолифат партияларини, хусусан, «Бирлик» Партиясини рўйхатдан ўтказмаслик учун килаётган ишлари куйидагича кетмокда. Ўзбекистонда сиёсий партиялар «Сиёсий партиялар тўгрисида»ги конунга кўра Адлия вазирлиги тарафидан рўйхатга олиниши лозим. Бу конуннинг 8-моддасида шундай дейилган: «Рўйхатдан ўтиш учун берилган ариза 1 ой ичида кўриб чикилади. Ариза кўриб чикилгач, партияни рўйхатга олиш ёки рўйхатга олишни рад этиш карори олинади». Конунинг 9-моддасида эса шундай сўзлар бор: «Сиёсий партияни рўйхатга олишни рад этувчи карорни ўтнатилган тартиб бўйича Олий Судга шикоят килиш мумкин». Масаланинг мохияти шундаки, Адлия вазирлиги конун бўйича партияни ёки рўйхатга олиши ёки рўйхатга олишни рад этишиа керак. Адлия вазирлиги «Бирлик» Партиясининг рўйхатдан ўтиш хусусидаги аризасига берган 3 жавобида, хусусан 2004 йил 1 мартдаги жавобида хам «рўйхатдан ўтказишлик хакида берилган ариза кўрилмай, окибатсиз колдирилди», деб ёзади. Жавобларда партиянинг хужжатларидаги камчиликлар кўрсатилгани, партия уларни 3 марта тузатиб вазирликка кайта топширганини хисобга олсак, жавобдаги «ариза кўрилмагани» хакидаги сўзлар мантиксиздир. «Сиёсий партиялар хакида»ги конуннинг номи тилга олинган 8-моддасида эса, Адлия вазирлигига факат икки хил жавоб бериш хакки берилгани сабабли, вазирликнинг жавобидаги «ариза кўрилмай, окибатсиз колдирилди» сўзлари партияни рўйхатдан ўтказишни рад этишдир. Айтилган факт ва мулохазалардан келиб чиккан холда, «Бирлик» Партияси шу йил 30 март куни Адлия вазирлигининг партияни рўйхатдан ўтказишни рад этувчи жавобини шикоят килиб Ўзбекистон Олий Судига мурожаат килган эди. Кеча «Бирлик»нинг адвокати Рухиддин Комиловга Олий Суднинг санаси «9 апрель» деб кўрсатилан хати топширилди. Фукароларни кабул килиш ва шикоятлар бўлими бошлигининг ўринбосари Г.Парпиева имзолаган хатда «Бирлик» Партияси ўз важлари бўйича туманлараро судга тегишли шикоят билан мурожаат этиши кераклиги тушунтирилади. Хуллас, Адлия вазирлигининг лўттибозлигини энди суд органлари давом эттирмокдалар. Уларни хатти харакатини лўттибозлик деб бахолашга тўла хаккимиз бор, дейди мухбиримиз. Чунки, Олий Суддагилар партияни рўйхатга олиш «Сиёсий партиялар хакида»ги конунга асосан олиб борилишини, конунга кўра вазирлик партияни ёки рўйатдан ўтказиши ёки рад жавоби бериши кераклигини, Адлия вазирлигининг «Бирлик» Партиясига 2004 йил 1 мартда берган жавоби рўйхатдан ўтказишни рад этиш эканлигини, рад жавоби бўйича эса факат Олий Судга шикоят килинишини билмасликлари мумкин эмас. Лекин, улар ўзларини билмасликка солиб, Адлия вазирлигини жавоби партияни рўйхатдан ўтказишни рад этмайди, бошка турдаги жавоблар эса Олий Суднинг эмас, махаллий судларининг компетенциясига киради, деган фикрни олга сурмокчилар. «Бирлик»Партиясининг раиси бу хусусда шундай дейди: «Олий Суднинг бу карорини фожеага айлантирмаймиз. Биз кандай режим билан курашаётганимизни билар эдик. Бу режим - бир катор сафдошларимизни вахшийларча ўлдиран, хеч бир гунохи бўлмаган минглаб инсонларни, уларнинг ичида демократик мухолифат фаоллари хам бор, камокхоналарда ушлаб турган, ўз фукороларини систематик кийнокларга солаётгани учун дунё жамоатчилиги томонидан айбланаётган, инсон хукукларини оммавий равишда топтаётган режим. У билан курашни конуний майдонга олиб келолганимизнинг ўзи ютукдир. Кураш давом этади. Биз нафакат тўлик галабага эришамиз, балки бошка партияларга йўл хам очиб берамиз. Бизнинг юристларимиз Олий Суднинг карорини ўрганиб чикканларидан кейин конуний майдондаги фаолиятимизнинг кейинги кадамларини белгилаймиз. Шу билан биргаликда, партия ишларимиз хам хеч тўхтамасдан давом этаберади. Асосий вазифаларимиз куйидагилар: партияга янги аъзолар жалб килиш ва партия структурасини мустахкамлаш; партия махаллий ташкилотларининг кучи билан шу йил декабрда бўладиган парламент сайловларида депутатликка мустакил номзодлар кўрсатиш ва имкон доирасида уларнинг сайланишига эришиш». 29 апрель: Зўрдан зўр чикканда, ёки «Бирлик»чиларнинг Олий Суд раиси билан учрашуви хакида Маълумки, «Бирлик» Партиясини давлат рўйхатидан ўтказишни асоссиз важлар билан 6 ойдан бери чўзиб келаётган Адлия вазирлиги устидан партия Марказий кенгашининг Олий Судга килган мурожаатига якинда «мендан кетгунча» кабилида жавоб олинган эди. Яъни, Олий суддан олинган жавобга кўра, гўё Олий Судга эмас, балки фукаролик ишлари бўйича туманлараро судга мурожаат этиш керак экан! (Тафсилотлар учун 2004 йил 22 апрелдаги «Бирлик»га карши кураш эстафетасини Адлия вазирлигидан Олий Суд олди» хабарини каранг). Жавоб конунга терс бўлгани ва, демакки, «Бирлик»чиларни каноатлантирмагани учун партия Марказий Кенгаши номидан унинг котиби Васила Иноят ва юрист Рухиддин Комилов кеча, 28 апрелда Олий Суд раиси Фаруха Мухиддинова кабулига киришмокчи эди. Шу максадда улар эрталаб суд биносида хозир бўлишди. Лекин уларга кабул учун аввалдан ариза бериб кўйилган бўлиши кераклиги, сўнгра эса бугунги кабул бекор килингани хакида важ-корсонлар айтилди. Буни яхши фахмлаган «бирлик»чилар, бари бир, кабул бошланиши вакти - соат 15 да Олий Суд биносига яна келдилар ва Олий Суд раиси кабулига киришни талаб килдилар. Суд дастёрлари эса кабулга монелик кўрсатишда давом этдилар. Иккала тарафнинг хам асаблари таранглашди. Шу пайт суд ховлисида чет эл оммавий ахборот воситаларининг вакиллари хам хозир бўлишди. Хуллас, суд рахбарияти бирор кор-хол бўлишидан чўчидими ёки бошка сабабданми, Олий Суд раиси «Бирлик»чиларни кабул килишга мажбур бўлди. Сухбатда раис кўл остидаги ходимининг ишидан, аникроги, ўз махкамасидан чиккан мазкур жавоб хатидан бехабарлигини билдирди. «Бирлик»чилар унга ўз аризаларини кайта топширишар экан, бунинг учун улар иккинчи бор давлат божини ортикча тўлаганликларини хам эслатиб кўйишди. Фаруха Мухиддинова Адлия вазирлигининг «Бирлик» партиясини рўйхатдан ўтказишни рад этиб берган жавоблари (боз устига, Бошкарма доирасида) хукукий жихатдан тўгри бўлмаганлигини таъкидлади. Аслида вазирлик карор чикариши зарур эди, деди у. Олий Суд раиси мазкур мурожаат юзасидан ўз махкамасининг почта оркали эмас, балки тўгридан-тўгри тез орада жавоб беражагини ваъда килди. Сухбат ярим соатча давом этди, кутилмаганда илик ўтди. Ушбу хабар, сиртдан караганда, ўнг кўл килганини чап кўл билмайди деган наклни эслатади. Лекин бу - мухолифатга нисбатан ўзига хос сиёсат эмасмикан? * * * Тахририятдан: Вокеалар хроникасидан кўриниб турганидек, «Бирлик» Партиясини рўйхатдан ўтказиш учун олиб борилаётган кураш кейинги ойларда хам давом этади, энди суд органларида давом этади. Олий Суд раисининг «Бирлик»чиларни кабул килиши ва умид берувчи гаплар айтиши, бу масалада «юкорининг» фикри ижобий томонга ўзгарганини кўрсатмайдими? «Бирлик» рахбари Абдурахим Пўлат бу саволга жавобни охирги йилларнинг тарихидан излаш лозимлигини айтмокда. Куйида унинг огзидан ёзиб олинган хотира-мулохазаларни ўкишингиз мумкин. АБДУРАХИМ ПЎЛАТ: КАРИМОВ «БИРЛИК»ДАН КЎРКАРДИ, ХОЗИР ХАМ КЎРКАДИ «Бирлик» халк харакатининг Ташаббус Гурухи 1988 йил 11 ноябрда тузилган. Аввалига, менинг «Ташкилий ишларни раиссиз олиб бориш кийин бўлади» деган эътирозларимга карамасдан, Ташаббус Гурухига раис сайланмади. Аммо, тез кунларда хамма хакикатни тушуниб етди ва ўша ойнинг охиридаёк каршиликларимга карамасдан мани раис килиб сайладилар. «Бирлик»нинг асосчиларидан, ўша пайтда Ёзувчилар Уюшмасининг котиби бўлган Салай Мадаминовни, лавозимидан келиб чикувчи имкониятлари туфайли, «Бирлик» Ташаббус Гурухининг давлат органлари билан алока килувчи маъсул одами деб тайинладик. Декабрь ойининг бошларида у менга Тошкент шахар Ижрокўмининг раиси Шукрулло Мирсаидов билан гаплашгани, Шукрулло ака бизга ёрдам бериш максадида Ташаббус Гурухини рўйхатдан ўтказиб бермокчи экани, унинг ўзига Ташаббус Гурухига кирмасликни маслахат берганини ва шу сабабли ундан чикканини айтди. Ўша вактда СССР таркибидаги кўпчилик жумхуриятларда миллий харакат ва фронтлар тузилган бўлиб, миллатпарвар кишилар(биров очикча, биров яширинча) уларни кўллаб кувватлашарди. Шу сабабли, миллатпарварлиги билан маълум бўлган Шукулло Мирсаидовнинг бундай таклифи гоят табиий равишда кабул килинди. Аммо, мен хамма нарса Шукрулло аканинг кўлида эмаслигини, охирги сўз Компартиянинг Марказкўмида эканлигини яхши тушунардим. Нима бўлса хам, керакли хужжатларни тайёрладик. Мени ва Ташаббус Гурухи раисининг ўринбосари, ёзувчи Зохир Аъламни декабрь ойининг ўрталарида шахар Ижрокўмининг навбатдаги мажлисига таклиф килишди. У ерда Зохир Аълам билан биргаликда максадларимизни англатдик, баъзи саволларга жавоб бердик. Ижрокўм бизга ўз жавобини кейинрок билдирадиган бўлди. Бир неча кундан кейин жавобни олдик хам. Унинг маъноси шундай эди: Партия (у пайтда партия деганда, Коммунистик партия тушунилишини хамма билса керак) ва хукумат «Бирлик»нинг Дастурида белгиланган масалаларни ўзи хал килаётгани сабабли, янги ташкилот тузишга хожат йўк. Табиий, Тошкент шахар Ижрокўмининг бу карорига ортикча эътибор берганимиз йўк. Мутлако кўпчилик «Бирлик»чилар тарихимизниг бу эпизодидан хабарсиз хам бўлсалар ажаб эмас. Ўша даврнинг асосий масалалари - мустакиллик ва демократия масалаари - Марказкўму ижрокўмларда ва хатто турли даражадаги Советларда эмас, майдон ва кўчаларда хал бўлаётгани - беркитиб бўлмас хакикатдир. Советлар, Марказкўм ва ижрокўмлар майдонлар карорини расмийлаштирардилар холос. Ўзбекистон ССР Олий Советида аввал ўзбек тилига давлат тили макоми берилиши, кейин Ўзбекистон мустакиллигининг эълон килиниши - бунинг энг ёркин мисолларидан. 1989-91 йилларнинг жўшкин, инкилобий вокеалари (ўзбек тилини давлат тили килиш йўлидаги кураш, «Бирлик»нинг Таъсис Курултойи ва бир оздан кейин унинг бўлиниши, Фаргона ва Ўш-Ўзган фожеалари, ўзбек аскарларининг Ўзбекистон худудларида хизмат килишларига эришиш учун кураш ва нихоят мустакиллик мужодаласи) «Бирлик»ни расмийлаштириш масаласини кун тартибининг орка сахифаларига ўтказиб кўйгани хам бошка бир хакикат. 1991 йил 19 августдаги фитнанинг маглубияти ва 31 августда Ўзбекистон мустакиллигининг эълони янги сиёсий мухит яратди ва «Бирлик»нинг макомини расмийлаштириш масаласи яна кун тартибининг биринчи каторига чикди. Ўзбекистон хокимияти рухсат бермагач, ўз Курултойини Чимкент вилоятининг собик Черняевка кишлогида ўтказган «Бирлик» халк харакати рўйхатдан ўтиш учун ўз хужжатларини Адлия вазирлигига топширди ва 11 ноябрь куни, яъни Ташаббус Гурухи тузилган кунининг 3 йиллиги куни, рўйхатга олинди. Ташкилотнинг курултойини ўтказишга рухсат бермаган хукумат нима учун уни тўсатдан рўйхатга олгани хам тушунарли. Ўша ойларда Шукрулло Мирсаидов рахбарлигида сарой ичи мухолифати шаклланишга бошлан бўлиб, унинг «Бирлик» билан якинлашишидан чўчиган Каримов «Бирлик»ни рўйхатдан ўтказиш йўли билан уни бироз юмшатишга интилганди. Адлия вазирлигининг «Бирлик» халк харакатини рўйхатган олиш карорида кизик бир «мантиксиз» модда бор эди. Унда «Бирлик» халк харакати хеч бир сайловда номзод кўрсатишга хакки йўк дейилган. Сайловларда ким номзод кўрсатиши ва ким кўрсатмаслиги Адлия вазирлиги тарафидан эмас, конунлар тарфидан белгиланади. Адлия вазири ва вазирликнинг бошка ходимлари шу каби оддий хакикатни билмайдиган даражада саводсизмилар? Билмайман. Лекин, бу моддани улар эмас, Ислом Каримовнинг таълимоти билан Марказкўм одамлари киритганларига аминман. Айнан шу факт Ислом Каримов «Бирлик»дан канчалик кўркканини кўрсатади. Чунки, ўша вактдаги мавжуд конунларга кўра, хар кандай жамоат ташкилотининг сайловларда номзод кўрсатишга хакки бор эди. Демак, «Бирлик» харакати хам бўладиган сайловларда президентлткка номзод кўрсатиш хаккига эга бўлган. Тўгри, ўша кунларда янги конун тайёрланаётган бўлиб, унга кўра, факат сиёсий партиялар номзод кўрсата билардиар. Аммо, вакт зик эди. Хукумат сайловларни декабрь ойида ўтказишга, конунларни эса 18 ноябрда бўладиган Олий Совет сессиясида тасдиклашни режаларди. Фараз киинг, Шукрулло Мирсаидов бошчилигилаги сарой ичи мухолифат тишини кайраб турган пайтда янги конун кабул килинмай колса, нима бўлади? «Бирлик» харакати хам номзод кўрсатишга уринади. Ана ўшанда, унинг номзодини рўйхатдан олишни Адлия вазирлигининг кароридаги «мантиксиз» моддага асосланиб чўзиб бориш ва бу вактда сайловларни ўтказиб олиш мумкин. 1991 йил октябрида «Бирлик» халк харакати негизида 1990 йил 17 июнда тузилган Ўзбекистон демократик партиясининг хам 2-чи курултойи бўлиб ўтди. Менинг таклифим билан унинг номи «Бирлик» партияси деб ўзгартирилди. Бу партиянинг хужжатлари тез орада Адлия вазирлигига топширилди. Аммо, 21 ноябрь куни Адлия вазирлигининг вазир Мухаммад Бобир Маликов бошчилигида ўтказилган Коллегиясида (менинг хам иштирокимда) «Бирлик» халк харакати ва «Бирлик» партиясининг номи бир хил, деган бахона билан партия рўйхатдан ўтказилмади. Менинг бу икки ташкилотнинг номлари бир хил эмаслиги, биринчи ташкилотнинг тўла номи Ўзбекистон «Бирлик» халк харакати, иккинчисиники эса, «Бирлик» партияси эканлиги, иккала ташкилотнинг номида бир умумий сўз борлиги номларнинг бир хил эканлигини кўрсатмайди шаклидаги рўкачларимни Коллегия аъзолари «эшитмадилар» хам. Бу вокеа муносабати билан бир нарсага аниклик киритишни истардим. «Бирлик» харакати ва партиясини рўйхатдан ўтказиш жараёни давом этаётган кунлари мен бир неча марта Адлия вазири Мухаммад Бобир Маликов билан учрашганман. У менга «Якинда президентлик сайловлари бўлади, тайёрланаётган конунга кўра, факат сиёсий партиялар номзод кўрсатиб, сайловларда иштирок эта оладилаар. Сизлар аввал «Бирлик» партиясининг хужжатларини олиб келинглар, мен уни рўйхатга оламан. «Бирлик» харакати ва партиясини иккаласини номлари бир хил бўлгани сабабли рўйхатдан ўтказмаймиз», деди. Мен у кишининг самимий бўлганига ишонганман. Аммо, юкорида Шукрулло Мирсаидов хусусида айтилгани каби, тизгинлар Марказкўмнинг кўлида эканлигини хам билганман. Биз аник билар эдикки, Ислом Каримов ўша пайтда чўнтак партияси раиси бўлган Салай Мадаминов иштирокида сайлов «ўйинлари» ўтказмокчи, «Бирлик»ни хеч бир шаклда сайловларга иштирок эттирмокчи эмас. Шундай бўлса хам «Бирлик» партиясининг хужжатларини биринчи бўлиб вазирликка олиб келиб, вазир Маликовнинг гапларини текшириб кўрса бўларди. Аминманки, вазирлик Марказкўмнинг топшириги билан хужжатларимизни ойлаб текшириб, сайловларни бизсиз ўтказиб олган бўларди. «Бирлик» партиясин нафакат рўйхатга олинмасди, балки «Бирлик» халк харакати ичида партияга айланишга карши бўлган ўзича «принципиал» фаоларимиз билан ички муаммолар чика биларди. Адлия вазирининг гапига ишонмасдан тўгри килганимизни, «Бирлик» халк харакатини райхатга олиш кароридаги «мантиксиз» модда хам тасдиклаб турибди. Масаланинг яна бошка тарафи шундан иборатки, сайлов конунларини кандай шаклда чикариш тамомийла Ислом Каримовнинг кўлида бўлгани учун, «Бирлик» партия сифатида рўйхатга олинса хам, конунга киритилган арзимаган модда билан бизни сайловлардан ташкарида колдиришлари мукаррар эди. Ўша пайтдаги хокимият хакикий демократияга йўл очиш, мустакиллик ва демократия учун курашда хал килувчи рол ўйнаган «Бирлик»ни сайловларга катнаштиришни истаса, аввалги сайлов конунидаги жамоат бирлашмаларига хам номзод кўрсатиш хукуки берган моддани саклаб колган бўларди. Бошка хамма жумхуриятлар айнан шундай килдилар ва Ўзбекистондан бошка хамма ерда халк харакатлари ва фронтлари биринчи президентлик сайловларида расман иштирок этдилар. Хуллас, нима бўлса хам, «Бирлик» партия сифатида рўйхатга олинмади. Биз бу масалани мавжуд конунлар доирасида хал этиш учун бел богладик. Вакт ўтказмаслик учун 2 фронтда харакат бошланди. Биринчи фронт. Партиянинг номи Бирлик партияси деб ўзгартирилди. Бирлик сўзи кўштирнок ичига олинмагани учун, у таржима килинмайдиган атамадан таржима хам килинадиган оддий сўзга айланганди. «Бирлик» партияси, масалан, русчага партия «Бирлик» деб таржима килинса, Бирлик партияси – партия Единства деб таржима килинарди. Лекин, янгидан топширилган хужжатлар билан хам Адлия вазирлиги партияни рўйхатдан ўтказмади. 3 мингдан ортик партия аъзоларини текшириш бошланди. Андижон вилоятидан икки партия аъзосининг адреси нотўгри кўрсатилгани рўкач килиниб, рад жавоби берилди. Иккинчи фронт. Адлия вазирлигининг «Бирлик» партиясини рўйхатга олишни рад этган 1991 йил 21 ноябрь карори бўйича Олий Судга шикоят килдик. Узок давом этган бюрократик тўсикларни ўтганимиздан кейин, 1992 йил апрель ойида (афсуски, куни эсимда йўк, аммо Олий Суднинг архивида бу ишга оид хужжатлар сакланаётган бўлса керак) Олий Суднинг биринчи мажлиси бўлди. Суднинг раиси хам, унинг икки маслахатчиси хам аёллар экани эсимда бор холос. Мен уларга Адлия вазирлиги тарафидан «Бирлик» халк харакатига берилган расмий гувохномани кўрсатиб тушунтирдим: «Каранг. Гувохномада «Ташкилотнинг номи» деган жойга Ўзбекистон «Бирлик» халк харакати деб ёзилган. Партия рўйхатга олинса, бу жойга «Бирлик» партияси деб ёзилади. Буларнинг нимаси бир хил? Баъзи одамларнинг исми ёки фамилияси бир хил бўлиши мумкин, худди шунга ўхшаб, бу иккала ташкилотнинг номида бир умумуй сўз бор холос. Аммо, Адлия вазирлиги иддао этаётгандек, бу икки ташкилотни хеч бир бири билан адаштириб юбориш мумкин эмас. Шу сабали, Адлия вазирлиги «Бирлик» партиясини рўйхатга олиши керак». Судья ва маслахатчилари киска мажлис ўтказиб, Адлия вазири Мухаммад Бобир Маликовни кейинги суд мажлисига чакириш тўгрисида карор килдилар. Бу бизнинг галабамиз эди. Суд жараёнини ютиб чикишимизга хеч кандай шубха килмасдик. Чунки, вазирликлар ва бошка давлат идоралари деворлар оркасида, журналистлар, халкаро ташкилотлар ва элчихоналар вакилларидан узокда, асоссиз карорлар чикараберадилар, аммо, очик суд жараёнида лўттибозлик ва масхарабозлик ўтмайди. Ўша куниёк Олий Судда, вазирликда, президент махкамасида киёмат кўпди. Эртасигаёк бизнинг ариза бўйича ишни бошлаган судья ва унинг маслахатчилари касаллик варакаси билан касаллик таътилга, сўнгра мехнат таътилига жўнатилдилар. Бир неча ойгача Олий Суддан бизни иш бўйича ким шугулланиши, ишимиз нима бўлиши хакида хеч кандай маълумот ололмадик. Бу орада май ойида бўладиган курултойимиз билан кўп овора бўлдик, июнь ойида менга карши уюштирилгандан суикасддан кейин мухолифат карши террор бошланди. Табийй, бу шароитда, суд ишлари билан шугулланиш хусусида ўйлаб хам бўлмасди. Мен хозир 1992 йилда бўлган Олий Суддаги суд жараёни билан бугунги вокеалар ўртасида параллелик борлигини айтмокчиман. Мен ишонаманки, 1992 йили одийжаноблик билан тўгри карор берган судья ва маслахатчиларининг бошига тушган саргузаштлар Олий Суднинг хозирги раиси Фаруха Мухиддинованинг бошига тушади. Тушиб бўлгандир хам. Бу аёл хам олийжаноблигини кўрсатиб, самимий шаклда «Бирлик» партиясини рўйхатдан олиш ишида сунъий тўсиклар кўймокда бўлган Адлия вазирлиги ва ўз махкамаси ходимларининг хатти-харакатларини коралабди, адолат галабаси учун бу ишга ўзи аралашажагини айтибди. Хатто, мавжуд хокимиятнинг мухолифат вакиллари билан муносабатлари нуктаи назаридан инкилобий бир кадам килиб, жавоб почта оркали эмас, шахсан «Бирлик»чиларга топширилиши хусусида ваъда берибди. Хозир бу аёл кандай ахволда экан? Уни тавбасига таянтириб, кайтадан тиз чўктириб бўлишдими? Ёки у адолатсизликка карши исён киладими? Ха, хамма масала шунда. Ўзбекистонда адолатнинг кўрикчиси бўлиши керак бўлган адлиячилар ва судьялар, хеч бўлмаса, ўз олийжанобликларини кўриклашга кучлари етадими ёки яна диктатура олдида тиз чўкиб, ўзларининг шон-шарафларини оёк ости килиб, тузимнинг ноконуний ишларига шерик бўлишни давом эттиришадими? Улар бу конунсизликларнинг асосида хозирги хокимиятнинг «Бирлик» билан сайловларда олишишдан ўтдан кўрккандек кўркиши ётганини билишармикан? Бизнинг демократия учун курашимиз бу тиз чўккан адолат хизматкорларининг хам каддини ростлашга каратилган. Аммо, улар буни тушунишармикан?

Ким кимдир? Who is Who?Добавить персону