Журнал Ҳаракат №3 (36) 2002. ИЧИДАГИЛАР

(Суз боши урнига) - Женевада Узбекистон хукуматининг сиёсати нишонга олинди
Мукаддима Рус ёзувчиснинг машхур сузларини бир оз узгартириб, шундай демокчиман: Хукумат сиёсати хакида кескин танкидий фикрлар юритаман, чунки мен ватанимни, халкимни жонимдан ортик кураман. Ха, айнан ватан, миллат севгиси мени хозирги хукуматнинг ашаддий танкидчиларидан бирига айлантирди. Чунки, урта асрларда эмас, 21 аср бошида 25 миллионлик халкнинг асосий кисми бир одамнинг бир огиз сузи билан ётиб-турадиганга айлантирилганини куриб турибман. Юзлаб эмас, минглаб хукуклари топталаган, мавжуд режим одам урнида курмаган инсонларни, улар билан баробар хурланган оила аъзоларини, якинларини танийман. Хеч бир айбсиз милиция ёки миллий хавфсизлик хизмати тарфидан ушлаб кетилиб, хатто Сталин замонида курилмаган кийнокларга дучор килинган диндорларни ва мухолифатчиларни биламан, кийноклар давомида унлаб улдириб юборилган инсонларни биламан. Уларнинг баъзиларининг жанозаларида иштирок этдим, бу золимликлар каршисида дод деб сочини юлган муштипар оналарни, ёш келинчакларни, хали тирик етимга айланганликларининг фаркига бормасдан оналарига кушилибгина йиглаётган гудакларни курдим. Узбекистон режимининг Жасликда курган концлагерини бировларнинг хикоясидан эмас, шахсан узим бориб куриб келдим. Буларни кура-била туриб, хукуматнинг маддохи булмок ута кетган манкуртлик булмасмиди? 1989 йилда демократия ва мустакиллик учун кураш бошлаган, «Бирлик» сафига кушилган кунларим, унинг «Узбек тили - давлат тили» шиори остида утказган митингларидан бирида «Она тилим олган куним туй киламан», деб шеър укиганим эсимда. Аммо, на она тилимизни олгандан кейин, на мустакил булганимиздан кейин туй килиш имконини топмадик, тугрироги, имкон эмас, маънавай хак топмадик. Мустакиллик эълонидан кейин хам хурриятсиз халк хурриятсиз колаверди. Уз бойликларини Россияга ташиб кетилишдан азоб чеккан халк, энди бойликлари каерга кетаётганини хам билмайди. Дин эркинлиги борга ушаб куринади, аслида, факатгина хукумат тарафидан бошкариладиган дин эркинлиги бор холос. Хукуматнинг исканжасидан чикишни истаган диндорларнинг хаммаси концлагерь ва камокхоналарда. Демократия ва суз эркинлиги бор, цензура йук, деб хар кадамда лоф айтилади, аммо Узбекистоннинг мустакиллиги учун курашда асосий роль уйнаган «Бирлик» халк харакати феълан таъкикланган, курашганларнинг бирлари улдирилди, бирилари камокда, бирилари хорижда. Конунчилик ва суд хокимиятлари ижроия органларига тобе килинган. Ижрочилар эса хали хам уша эски коммунистик номенклатура. Кугирчок Парламентдаги кугирчок партияларнинг устидан бутун дунё кулмокда. Мана 11 йил булиптики, мустакил Узбекистонда хукуматдан тула мустакил булган бирон бир оммавий ахборот воситаси йук. «Бирлик»нинг юрт ташкарисида чикараётган газета-журналларини очик таркатиш эса мумкин эмас, мухолифатнинг веб-сайтларини очтирмаслик учун хукумат кулидан келган хамма нарсани килмокда. Дунёдаги демократик жарёнлардан, ун йилни куйиб туринг, бир йил оркада колиш хам жамиятимизнинг, авлодларимизнинг келажаги учун ута салбий таъсир курсатади. Бунинг узи бонг уриш учун жиддий бир сабаб. Аммо, биз бир кун хам, бир соат хам чидай олмаслигиз керак булган, бизни дархол харакат килишга чакираётган бошка бир дахшатли нарса бор, бу - милиция ва хавфсизлик хизмати тарафидан (уни миллий хавфсизлик хизмати дейишга тилим бормайди, чунки у антимиллий ташкилотдир) вактинча ушлаб туриш изоляторларида, камокхоналарда, колонияларда ва концлагерларда, гунохкор ёки гунохсиз булишидан катъий назар, купинча гунохсиз одамларга килинаётган вахшиёна кийноклардир. Узбекистонда оддий практикага айланган кийнашлар мамлакатимизнинг ичида купчиликка маълум эмас, аммо бутун дунё энди бундан огох булди. Бу ишни биз, хукук химоячилари ва мухолифатчилар килдик. Айнан бизнинг саъй-харакатларимиз билан Бирлашган Миллатлар Ташкилоти, Европада Хавфсизлик ва Хамкорлик Ташкилоти, Европа Иттифокининг тегишли органлари, АКШ Конгрессининг мажлисларида бу масала тилга олинди ва олинмокда. Узбекистон хукумати бугун бу масалада судланувчининг холига тушди, шарманда булди, аммо хали уз йулидан кайтгани йук. У ёлгон, хийла ва шу каби усуллар билан сувдан курук чикиб кетишни истамокда, бу масалада узининг чунтак хукук химоячиси ташкилотларига умид килмокда. Аммо энди гишт колипдан кучди. Биздаги режимнинг асл юзи дунёга маълум булиб булди. Босния, Косова ва Афгонистондаги вокеалар шуни аник курсатмокдаки, Пол-Потлар замони утди. Энди оммавий катагонларга, улар уз халкига карши буладими, бошка миллатларга карши буладими, фарки йук, хеч ким куз юммайди, хеч ким зулм утказаётганларни кечирмайди. Якинда Женевада булиб утган БМТнинг Кийнокларга Карши Комитетининг навбатдаги сессиясида иштирок этганимда бу фикримда яна бир исбот курдим ва хукук химоячиси сифатидаги фаолиятим учун янги куч-кувват олдим. Бу маколада уша сессияга тайёрланиш ва уни утказиш давридаги узим гувохи булган вокеаларни ёритмокчиман. Уларни кенг жамоатчилик билиши лозим деб уйлайман, зеро, хукук химоячиларининг асосий куролларидан бири ошкораликдир. Сессияга тайёргарлик: Мукобил доклад Шу йил март ойининг урталарида БМТнинг Кийнокларга Карши Комитетининг навбатдаги, 28-чи сессиясида Узбекистон масаласи курилиши ва мени хам у сессияга таклиф килишганларини урганганимдан сунг, унга тайёргарчилик ишларини бошлаб юбордик. Албатта, бу мавзу билан биз якиндан танишмиз, кулимизда унга доир куплаб далил-хужжатлар бор. Лекин, биламизки, бу каби мажлислар хар куни булавермайди. Узбекистон хукумати хам узини сутдек ок килиб курсатиш учун кулидан келган хамма нарсани килади. Комитетнинг карорлари тавсия савиясида булса хам Узбекистон хукуматига таъсир курсатиш учун самарали восита була олади. Шулардан келиб чикиб, Сессияга тайёргарчилик килиш масаласига жудда жиддий эътибор бердик. Хуллас, Женевага таклиф килинган кунимдан бошлаб Москвадаги «Мемориал» Инсон хукуклари маркази ва идораси Нью Йорк шахрида жойлашган Халкаро Инсон Хукуклари Лигаси ходими Петер Залмаевлар билан ишни бошлаб юбордик. Бизнинг асосий вазифамиз Сессияга Узбекистон хукумати номидан «Инсон Хукуклари Маркази» директори Акмал Саидов такдим киладиган докладга карши Узбекистондаги бугунги реал вазиятни акс эттирувчи мукобил доклад вариантини тайёрлаш ва унга Сессия катнашчиларининг диккату эътиборини тортиш эди. Шуни алохида таъкиллашни истардимки, максадимиз факат Узбекистон хукуматини ёмонотлик килиш эмасди, зотан у ёмонотлик булиб булган, балки муаммоларни бартараф килиш, Узбекистондаги ахволни узгартириш учун бирон нарса килишга интилиш эди. Ахволни Узбекистон хукуматига ичкаридан туриб таъсир утказиш йули билан тузатиб булмаслигини тушунганимиз учун масалани халкаро савияга чикармокда эдик, демак, доклад тайёрлаш ишига жиддий ёндошмасликка хаккимиз хам йук эди. Хамкасбларим, Москвалик Николой Митрохин ва Нью-Йорклик Питер Залмаевлар билан электрон почта оркали хамкорликда бир неча хафта давомида узлуксиз ишладик. Бор материалларни системалаштирдик. Баъзи бир фактларни конкретлаштириш учун бир неча марта вилоятларга хам чикиб келишимга тугри келди. Якинлари камокхонада ва милиция кулида халок булган хамда узок муддатларга камалганларнинг оила аъзолари билан кайта сухбатлар утказдим. Расмий ташкилотлардан хеч кандай далил ва хужжатлар олиб булмаслиги сабабли тугридан-тугри одамлардан маълумот олиш канчалик мухим эканлигини ортикча изохлаш шарт булмас. Докладимизнинг илк варианти тайёр булганда, ундан кунглимиз тулмай, ишни яна давом эттирдик ва нихоят келишилган муддатда 24 бетдан иборат рус тилидаги мукобил докладни тайёрладик. Докладнинг матни бутунлигича журналнинг ушбу сонида берилган. Шундай булса хам унинг баъзи кисмларини бу ерда уз таржимамда келтирмокчиман. Докладнинг кириш кисмида шундай сузлар бор: «Хаксизлик режими ва диктатурани расмий институтлар билан никоблаш буйича совет тажрибасига асосланган хукумат, хукукни саклаш органларидан мамлакат конунчилигига зид булган харакатларни амалга ошириш учун фойдаланмокда. Айни пайтда, кулбола мустакил жамоат ташкилотлари Узбекистонда фукаролик жамияти мавжудлиги тугрисида иллюзиялар хосил килишмокда. Айни замонда, хакикй харакатда булган хукукни химоя килувчи гурухлар таъкиб остига олинган. Уларни руйхатдан утказилишга хукуматнинг узи тускинлик килиши, уларнинг аъзоларини камокка олиши, уларга нисбатан игво кампаниялари уюштириши шулар жумласидандир. Хукукни химоя килувчи халкаро ташкилотлар фаолияти хам хукуматнинг мана шундай салбий муносабатига дучор булмокда. Уларга нисбатан муайян либерализмни эса хукумат халкаро жамоатчилик ва бошка давлатлар босими остидагина намоён килмокда. Жумладан, И.Каримовнинг 1996 йилдаги АКШга ташрифи Шахс хукуклари химояси Кумитасининг руйхатга олиниши ва америкалик Human Rights Watch ташкилотининг офисини очишга рухсат берилиши билан бир вактга тугри келди. Унинг 20002 йилдаги АКШга ташрифи эса 6 йил давомида руйхатдан ута олмаётган Инсон хукуклари мустакил ташкилотнинг руйхатга олинишига ёрдам берди. Лекин, Узбекистон инсон хукуклари хамияти каби 10 йилдан ортикрок вакт мобайнида мавжуд булган бошка йирик ташкилотларнинг руйхатдан утиши учун рухсат берилмаяпти. Мавжуд хукук химояси ташкилотлари уз фаолиятларида куплаб тусикларга дуч келмокдалар. Улар уз офисларини оча олмайдилар ва уз фаолиятларига оид маълумотларни матбуотда ёритолмайдилар, уларга озодликдан махрум килиш жойларига кириш учун утиб булмас тусиклар куйилган. 1995 йил 31 августда Узбекистон парламенти «Кийноклар ва шафкатсиз муносабатнинг бошка турларига карши Конвенция» ва бошка бир катор халкаро хукукий хужжатларни ратификация килган булсада, бу нарса хукукни химоя килиш органлари ишида бирон бир узгаришга олиб келмади. Аксинча, 1998-2001 йилларда кийноклар ва бошка ноконуний тергов олиб бориш холлари кескин купайди. 1997 йилнинг декабрида бошланган терроризмга карши кураш компанияси доирасида жуда куплаб «давлатга карши фаолият»да айбланган кишилар кийноклар ва калтаклашларга гирифтор килинди. Уларнинг айблари куп холларда сохталаштирилган айблар эди. 2001 йилнинг кузига келиб, сиёсий ва диний айблар билан камалган кишилар сони 7 мингни ташкил килди. Яна минглаб кишилар ушланган ва терговда булганлар, дейишга тула асос бор. Терговлар даврида бу кишилар хам кийнокларга дучор булишган, бирок улар охир окибат озодликдан махрум килишга хукм килинмаганлар. Хам сиёсий хам жиноий ишларда гумон килинган, хибснинг дастлабки кунларида халок булган унлаб кишиларнинг номлари маълум. Кийнокларнинг айнан бир хил турларининг мамлакатнинг турли минтакаларида ёйилганлиги, уларнинг очикча кулланилишини ва микёси, шунингдек суд ва тиббиёт органларининг уларни кайд килишни ёки эътиборга олишни рад килишлари - кийнокларнинг кулланилиши давлат микёсида санкцияланган деган хулосага келиш имконини беради. Хукукни куллаш амалиётининг тахлили ва хукукни саклаш тизимидаги ахвол одил суднинг барча органларининг хукукни химоя килиш ташкилотлари ва экспертлар билан хамкорлик килишга тайёр эмасликлари билан хам мураккаблашган. Ахволни тахлил килиш учун мухим булган статистик маълумотлар очик нашрларда эълон килинмайди, расмий матбуот сахифаларига эпизодик тарзда тушиб коладиган маълумотлар тулик эмас ва куп холларда сохталаштирилган. 2001 йилнинг кузида Узбекистоннинг терроризмга карши коалицияга кушилиши туфайли инсон хукуклари жабхасидаги баъзи ижобий узгаришлар умумий ахволни узгартирмади. Режимнинг 1996 йилдаги каби киска ва унчалик ахамиятга молик булмаган либераллашувидан сунг содир булгани каби, инсон хукукларини янада купрок поймол килишга кайтиш имкони хозир хам илгаригидек мавжуд». Докладга Узбекистонда хозир хам Кийнокларга карши конвенциянинг бузилаётган бир канча моддалари буйича конкрет мисоллар, хужжатлар билан бир каторда кийнокка солинганлар ва уларнинг кариндош-уруглари билан утказган сухбатларимизни киритдик. Доклад сунгида эса мавжуд муаммоларнинг ечими сифатида бир неча талаб ва таклифлар такдим килинган. Докладдан ташкари, кулимизда Узбекистон Инсон Хукуклари «Эзгулик» Жамиятига ёрдам сураб мурожаат килган 43 аёл ва камокхонада зурланган 15 махбуснинг аризалари хам бор эди... Сессия 29 апрель куни Николай Митрохин билан бирга Москвадан Женевага етиб келдик. Бизларни Халкаро Инсон Хукуклари Лигасининг Женевадиги вакили Алексей Каратаев кутиб олди. У бизга 30 апрель куни Кийнокларга Карши Комитетининг аъзолари учун брифинг беришимизни билдирди. Шу куни Узбекистондан яна икки вакил - Хукукий ёрдам курсатиш жамиятининг раиси Нозима Камолова ва адвокат Гаязов Равиллар хам келишгани маълум булди. Биз улар билан учрашиб брифингда ким нималарни гапириши хусусида келишиб олдик. Инсон хукукларининг бузилиши ва кийноклар хакида Митрохин ва мен, суд-адвокатура системасининг кай ахволда ишлаши хакида Нозима Камолова ва Равил Гаязов гапирадиган булдик. Брифинг учун ажратилган бир ярим соат вакт куз очиб юмгунча утиб кетди. Биз кетма-кет конкрет фактларни уз ичига олган муаммоларни айта бошладик. Алохида айтиш керакки, бу Узбекистонда чет элликлар билан учрашганимизда буладиган йиги-сиги эмасди. Комитет аъзоларининг 20га якин саволига аник, хукукий нормаларга асосланган жавобларимиз брифингда катнашган Комитет аъзоларида катта таасурот колдирганини узлари хам яшириб утирмадилар. Айникса 43 аёл ва 15 махбус йигитнинг аризасини курсатганимда, Комитет аъзолари дахшатга тушишди. Комитет аъзоси Андреас Мавроматиснинг «Камокхона хизматчилари хам узбекми ёки бошка миллатданми?», деб сурашидан бир миллат вакиллари бири-бирларини шу даражада азобга солиши факат Узбекистонга хос эканлиги куриниб колгандек булди. Кечкурун эса «Президент Вильсон» мехмонхонасида брифингга Нью-Йоркдан етиб келолмаган Фелис Гаер хоним билан учрашдик. 3 соат давом этган бу сухбат Комитетнинг таникли ходимига каттик таъсир курсатгани билиниб турарди. 1 май куни соат 10 да сессия уз ишини бошлади. Сессия утказиладиган залда биз тайёрлаган мукобил доклад немис, инглиз, испан ва француз тилларига угирилган вариантлари алохида кутиларга солиб Комитет аъзолари ва махмонлар учун тайёрлаб кайилганди. Сессия ишида раислик килувчи канадалик Петер Томас кун тартибида Узбекистон 19 конвенция талабларини кандай бажараётганига доир доклад ва унинг мухокамаси куйилганини эълон килди ва сузни Акмал Саидовга берди. Узбекистон вакили Комитетнинг 60 га якин аъзосига уз докладини 2 соат давомида укиб берди. Доклад Узбекистондаги 13 ташкилот билан хамкорликда тайёрланган булиб, асосан Узбекистоннинг амалда ишламайдиган конунларидан кучирма олгандай эди. Унда Узбекистонда фукороларнинг хак-хукуклари топталишига конунлар асосида йул куйилмаслиги айтилган ва «Хамма нарса инсон ва унинг бахтли келажаги учун», деган Совет типидаги демагогик шиор кутарилган эди. Акмал Саидов докладини француз ва хитой халк аколларидан айтиб тугатгач, Россия Думасининг аъзоси Александр Яковлев суд ва прокуратура органлари сохасида нодемократик конунлар, органлар томонидан содир этилаётган конунбузарликлар хакида 10 дан ошик, Фелис Гаер Узбекистонда хукумат идоралари томонидан содир этилаётган зуравонликлар, конунбузарлик, камокхонадаги ахвол ва махбусларга нисбатан утказилаётган кийноклар, аёлларнинг калтакланиши ва хибс килиниши буйича 30га якин, Марино Менендес Фернандо, Андреас Мавроматис, Алежандро Гонсалез, Марино Менендез, Расмуссон Оле Ведел, Йу Менжия ва Самара Габриелларнинг хар бири 10дан ошик, бир-бирини такрорламайдиган саволларни кетма-кет ёгдириб ташлашди. Хатто раислик этувчи хам бир-икки колиб кетган саволларни беришдан узини тухтата олмади ва Комитет тарихида хеч качон бунча савол берилмаганини алохида айтди. Берилган 117 саволга Узбекистон хукумати вакиллари билан биргаликда жавоб тайёрлаш учун Акмал Саидовга 24 соат мухлат берилди. Биз эса шу куни кечкурун Сессия катнашчилари билан мехмонхонада учрашиб, бугунги мажлис хакида фикр алмашдик. Эртаси куни Акмал Саидов Узбекистон такдири учун куюниб савол берганларга расмиятчиликдан кура лаганбардорликни эслатувчи шаклда кайта-кайта миннатдорчилик билдиб, саволларни гурухларга булгани хамда уларга яхлит килиб жавоб беришини айтди. Мен бу ерда Саидовнинг берган жавобларини кискартирилган холатда келтираман.: «Афсуски, бизда хамон инсон хукуклари баъзи бир ички ишлар ходимлари томонидан бузилаётгани рост ва бунга сабаб уларнинг билимсизлиги ва тажрибасизлигидир. Уларни укитиш керак. 1996-2000 йиллар ичида ИИВ, МХХ, Суд ва прокуратура идораларининг 250 ходими укитилди ва керак булса яна укитаверамиз; Чиндан хам камокхоналаримизда ахвол яхши эмас, улар хаддан ташкари тулиб кетган, махбуслар учун берилаётган овкатнинг сифати ва медицина хизмати хам талабга жавоб бермайди; Милиция ходимлари томонидан уриб улдирилганлар хакида биз чиндан хам бирон матбуотда маълумот бермаганмиз; Кейинги йигилишгача инсон хукуклари ташкилотларининг яна бир нечтаси руйхатга олинади, деб ишонаман; Барча нохукумат ташкилотлар билан хамкорлик килишга тайёрман. Чиндан хам бизда судьялар Президент томонидан тайинланади». Яна бир неча жавоб Жиноят Кодексидан кучириб олинган булиб, улар Докладда хам бор эди, яна укиб берилди. Колган саволларга эса кейинчалик ёзма жавоб берилиши хакида кафолот берилди. Акмал Саидов сузининг охирида яна маколларга мурожаат килди. У «Хонимлар ва жаноблар, сизларга уз миннатдорчилигимни яна бир бор изхор килишга ижозат этгайсиз ва ушбу маколимни кабул килгайсиз. Дуст ачитиб айтади, душман кулдириб. Сизлар бизга дуст булганингиз учун хам ана шундай кайгураяпсиз», деганида Узбекистон хукумати аёвсиз танкид остида колганини тан олганди. Шундай булса хам, у маколни айтиб булгач «Хуш калай, котирдимми?», дегандай килиб биз томонга куз кирини ташлаб куйди. Ха, у отдан тушгандию лекин... Жаноб Саидовнинг жавоблари, тугрироги уларнинг коникарсизлиги Комитет аъзоларини яна бир неча соат савол беришга мажбур килди. Хуллас, яна саволлар устига саволлар ёгилди. Фойда булмади. Чунки Саидов факат умумий гаплар билан чегараланар ва аник гапиришдан кочарди. Шундан сунгра, Комитет аъзолари уз саволларининг купчилигига жавоб олмаганликлари, баъзи бир жавоблардан эса мутлако коникмаганликларини очикдан-ояик айтишдан бошка чора топишмади. Бир огиз суз билан айтсак, бу икки кун Акмал Саидов ва у вакили булиб келган хукумат учун шармандали кунлар булди. Комитет Узбекистонга тегишли кескин карорлар кабул килиши хозирданок маълум булиб колди. БМТнинг Кийнокларга Карши Комитетининг 28 сессияси уз ишини 17 майгача давом эттириши ва унинг карорлари охирги кунлари кабул килинишига карамай, Узбекистон буйича мухокама нихоясига етгани сабабли 5 май куни мен Тошкентга караб йулга чикдим. Биз уз ишимизни килиб булгандик. Изох Мен маколамни «Узбекистон хукуматининг сиёсати нишонга олинди» сузлар билан номладим. Баъзилар менга эътироз билдириб, Женевадаги йигилишда Узбекистон хукуматининг сиёсати эмас, оддий, шаклан хусусий масала курилди, нишонга олинса хам уша масала олинди, дейишлари мумкин. Расмиятчилик нуктаи назаридангина улар хаклар. Лекин мохиятан-чи? Узбекистонда совет типидаги диктатура хукумрон эканлиги хозир хамма тан олган факт. Бундай тузумлар факат ва факат зулм, зурлик ва зуравонлик билан кун утказадилар, уларнинг сиёсатини негизида уз халкини куч ва зуравонлик билан тобе этиб туриш ётади. Шу сабабли, БМТнинг Комитетида Узбекистон хукуматининг сиёсатининг мохияти мухокама килинди, десак, янглишмаган буламиз. Хулоса Бир неча кун утгач «Озодлик» радиосининг Тошкентдаги мухбири Гулчехра Нуруллаева билан Женева тассуротлари хакидаги сухбатимиз эфирга узатилди. «Озодлик» радиоси Акмал Саидовдан хам интервью беришни сураган, аммо у бу хусусда матбуот анжумани утказажагини ва барча мухбирлар катори «Озодлик» радиосидан хам мухбир таклиф килажагини билдириб, очик мулокотдан кочган. Бу уринда Акмал Саидовни тушуниш мумкин. Яна бир неча кундан кейин эса Кийнокларга Карши Комитет тарафидан Сессия давомида ишлаб чикилган карорлар кулимизга тегди. БМТнинг хамма карорлари каби Узбекистондаги кийнокларга оид хужжат хам Тавсиялар, деб аталади, чунки БМТ мустакил давлатларга буйрук эмас, тавсияларгина бериши мумкин. Лекин, дунё мамакатлари билан хамжихатликда яшашни истаган хукуматлар бу каби тавсия-ларни имкон борича бажаришга интиладилар, акс холда якка мохов булиб коладилар. Айтилаётган Тавсияларнинг русча матни хам журналнинг ушбу сонида берилмокда. Шу сабабли биз уни кенг шархлаб утирмасдан унга умумий муносабатимизни билдирамиз, холос. Авваламбор шуни айтиш лозимки, Тавсиялар биз уйлаган ва кутгандан хам кескин ёзилган. Тажрибаси булмаган укувчиларни Тавсиядаги «Комитет Узбекистоннинг докладини мамнуният билан кабул килади,... такдим этилган материалларни юксак бахолайди,... докладнинг ижобий нукталарига эътибор беради,... мавжуд объектив кийинчиликларни эътироф килади» каби сузлардан чалгимасликка чакирамиз. Чунки, улар дпломатик тилга хос булган илтифот-маданият услубининг ташки куринишидар. Комитет тайёрлаган хужжатнинг асосий нукталари бошка жойда. Улар куйидаги нарсаларни Комитет тарафидан эътироф килинишидир: Узбекистонда одамлар хукумат органлари тарафидан вахшиёна (Комитет хужжатида айнан шундай дейилган. - В.И.) кийнокларга дучор килинаётгани; хукумат органлари одамларга одамгарчилик чегарасидан чикиб кетадиган муносабатда булаётгани; ушланган одамлар юридик ва тиббий ёрдамдан махрум килинаётгани; факат прокурорларнинг истаги билан одамларни 12 ойгача айб эълон килмасдан ушлаб туриш мумкин эканлиги; судлар айбланувчиларнинг кийноклар хакидаги арз-шикоятларига де-факто эътибор бермасликлари; айбланувчиларни факат уларнинг икрорлари асосида жазолаш кенг кулоч ёйгани, айбланувчиларни кийноклар билан икрор килдиришга шароит яратиб бераётгани ва бошкалар. Бу санаб утилган «камчиликларнинг» хар бири Узбекистонни урта аср типидаги давлат деб шарманда килиш учун керагидан ортикча далилдир. Комитет бу дахшатли камчиликларни тузатиш лозимлигини айтиб, Узбекистон хукуматига яна уша илтифот-маданият услуби билан катор тавсиялар беради. Агар бу тавсияларнинг айтиб утилган услубдан тозаласак, Комитет аъзолари хам хавфсизлик хизмати ва милиция тарафидан улдирилган бегунох инсонларнинг муштипар оналари ва хали келинчак була туриб бева булиб колаётган хотинларининг дод-фарёдларига кушилиша-ётганини, энг камида уларга юракдан хамдардлик билдиришаётганини курамиз... Биз хак-хукук химоячилари мана бир неча йилдирки, Узбекистонда олиб борилаётган зуравонлик сиёсатини коралаб, узимизнинг танкидий карашларимизни жамоатчиликка билдиришга, хукумат рахбариятини Комитетнинг ифодаси билан айтсак «инсонларнинг кадр-кийматини оёк ости килувчи» сиёсатдан воз кечишга, мусулмончилик нукта-назаридан эса инсофга чакириб келдик, уни бу йулдан кайтариш учун кулимиздаги бор имкониятларни ишлатдик. Бу йулда уз тинчлигимиздан воз кечишга, баъзиларимиз ватандан хам кетишга мажбур булдик. Лекин зуравонлик йулига утмадик, «террорга террор» каби шиорларни кутармадик. Харакатларимиз зое кетди, демокчимасман. Лекин масала хал булиш нуктасидан узокда колаверди. Шундай кейин биз, юртимиздаги мавжуд муаммоларга дунё жамоатчилигининг, халкаро ташкилотларнинг диккатини каратиш ва Узбекистон хам тан олган халкаро хужжатларга асосланиб уз хукуматимизга босим утказиш йулидан хам самарали фойдалана бошладик. Биз, жаноб Саидов ва у кабилар айтганидек халкимизга душман хам эмасмиз. Биз улардан фаркли уларок, халк, миллат манфаатлардан воз кечган холда юртимизнинг огрикларига локайд булолмаймиз, узимизни куриб курмаганга, эшитиб эшитмаганга сололмаймиз. Юртимизда адолат урнатилмас экан, бундан кейин хам биз танлаган хак йулимиздан воз кечмаймиз ва очик-ошкора курашаверамиз. Биз Ватанимизни ана шундай севамиз! Васила Иноят Узбекистон Инсон Хукуклари «Эзгулик» Жамиятининг раиси

Ким кимдир? Who is Who?Добавить персону